الفصل العاشر... غيري الأسطوانة دي ياحماتي

الفصل العاشر.... غيري الأسطوانة دي ياحماتي

(سهير) كلمت أهلي وجه أخويا فتح ليا الباب أبقى أطلع بقى ركب كالون جديد عشان أخويا كسر القديم

(محمد) وكلمتي أهلك إزاي وتليفونك معايا

(سهير) ندهت على أم فاتن جارتنا وقلت لها تطلب أمي وتبعث أخويا حالا ويكون معه شاكوش

(محمد) المرة الجاية لما أكسر عضمك هسك عليك الأبواب والشبابيك عشان لا تطلبي أم فاتن ولا أمك وتفضلي محبوسة لحد ما يبان لك صحاب

(أم محمد) لا يا محمد هو أحنا زيهم لا يا حبيبي أحنا ناس ولاد أصول شبعانين أياك تعمل كده ثاني

(سهير) كل شوية ولاد أصول ولاد أصول أيه متعبتيش من الأسطوانة دي غيري يا حماتي غيري زهقتينا في عيشتنا

(محمد) يا مجرمة أنت أزاي تكلمي أمي كده نسيتي مقامك يابت يظهر العلقة اللي أخدتيها مش كفاية ومحتاجة أربيك من أول وجديد

(فاطمة) لا يامحمد يا أخويا سيب الطلعة دي ليا أنا اللي هنسيها اسمها وأعلمها أزاي تكلم مع أمي ستها وست أهلها الجربة كلهم من أولهم لأخرهم وتهجم على سهير وتمسك شعرها وتضربها ضرب مبرح

(محمد) وأنا معاك لازم أربيها وتقعد هنا بأدبها وينزل ضرب في سهير مع أخته

(أم محمد) تصرخ بس أنت وهي سيبوا البت يلا ياسهير اطلعي شقتك ومتنزليش هنا ثاني يلا

(سهير) والله لأكلم أبويا وأخليه يجي يأخد حقي منكم

(محمد) ثاني أنت أيه مبتفهميش أبوك مين أمشي أطلعي فوق ومتنزليش هنا ثاني

(فاطمة) هتنزل يا محمد عشان هي مهزءة وغاوية تتهزأ كل شوية

(سهير) أنا مهزءة يا بيرة؟

(أم محمد) لا عندك يا بنت صديقة الجعانة بنتى بتكمل تعليمها في الجامعة مش دبلوم زيك وأخداه بالعافية د أنت يابنت صديقة بتقري الكلام زي الأطفال بتستهجي الكلام أياك يابنت صديقة أسمعك تجيبي سيرة فاطمة بنتي على لسانك الوسخ ده فاهمة والا ورب العزة أقوم أمسح بكرامة أهلك الأرض معدش غير الجعانين الجربة يجيبوا سيرة أسيادهم وتاج رأسهم يلا غوري أطلعي شقتك ومشوفش وشك هنا ثاني والا همسح وشك في التراب محمد نبه على بنت اللذينا دول متعتبش باب شقتي فاهم

(محمد) حاضر يا أمه

(سهير) تعيط وتطلع السلم وتصرخ فيهم مهو لو أنا متجوزة رجل كان دافع عني مش قل مني قدام أهله المجرمين

(أم محمد) لم مراتك يا محمد أحسن لك بدل ما أقول لأبوك وأنت عارف أبوك لحد الوقتي معرفش حاجة عنكم وإذا عرف هطلق مراتك برضاك أو غصب عنك

(محمد) حاضر ياحاجة

(فاطمة) تبرطم في الكلام معدش غير الجربة دي تجيب سيرة أسيادها

(أم محمد) أخرصي يافاطمة

(فاطمة) نعم يا ماما بتقولي أيه حضرتك أخرص

(أم محمد) أيوة تخرصي أنا أخدت لك حقك فوري وكمان أخوك أخد حقك يبقى انتهينا محدش يابنتي بيختار أهله وكان ممكن تكوني مكان سهير ويتعمل فيك كده سهير أتربت محرومة من كل حاجة رغم إن أهلها من الأغنياء بس البخل سمة العيلة وده قدرها عشان كده ما صدقت اتجوزت أخوك وبتعوض بخل عيلتها والحرمان اللي شافته عندهم

(فاطمة) يبقى تقدر ده وتبوس ايدها وش وضهر وتحمد ربنا

(أم محمد) هي اتربت على كده وعاشت عمرها اللي فات في كده صعب تغييرها في يوم وليلة فلازم نصبر عليها

(فاطمة) جوزها يصبر عليها لكن أنا أصبر عليها ليه هي من بقيت أهلي

(أم محمد) طالما دخلت بيتنا تبقى من عيلتنا خلاص ولازم نتحملها كلنا لحد ما تتعود على طبعنا

(فاطمة) والله يا ماما أنا خايفة تطلع بنتها زيها ويبقى كله زي عدمه

(أم محمد) ربك كريم أهو بنحاول وربك يجبر من عنده عشان كده عاملي البت حلو واصبري عليه لكن متسمحيش لها تطول لسانها عليك حتى ولو هزار عشان متتعودش على كده وتقول بهزر

العينة دي لو سكتي على هزارها البايخ هيتحول لعادة وتقل منك يا حبيبتي

(فاطمة) لا عاشت ولا كانت اللي تقل من فاطمة حفيدة الحاج راضي

(أم محمد) أبويا الله يرحمه كان دايما يقول عليهم مثل وحش قوي حتى قبل النسب الهباب ده

(فاطمة) فاكراه وكل أما أشوف سهير عشان كده بضحك غصب عني

(أم محمد) والله وأنا كمان وتضحك

(فاطمة) بس أنا زعلانة منك يا ماما

(أم محمد) وأنا أقدر أزعل قمري ونن عيني

(فاطمة) ليه معملتيش محضر في إبراهيم ابن خالتي سامية

(أم محمد) يا بت يا عبيطة هو أنا ليا غير سامية أختي وازاي أخالف وصية جدك الحاج راضي طول مهو عايش كان بيوصينا على بعض

(فاطمة) يعني إذا محمد كان عمل كده في خالتي مكنتش هتعمل محضر فيه وتدخله السجن

(أم محمد) لا طبعا استحالة محمد يعمل كده

فاطمة يا ماما أنا كلامي على خالتي أنا بقول محمد كمثل بس

(أم محمد) وخالتك استحالة تعمل كده يا بت احنا اتربينا على الحب والعز والخيروشبعنا حنية في حضن جدك

(فاطمة) ماما ممكن سؤال بس متزعليش مني

(أم محمد) قولي يا قلب أمك

(فاطمة) هو ليه كل كلامك عن أبوك وعمري ما سمعتك بتكلمي عن أمك

(أم محمد) تشخط فيها ويتغير لونها وشكلها الصبوح للغضب بقولك أيه يلا قومي شوفي لك شغلة أنا تعبانة وعاوزة أنام

(فاطمة) ماما أنت مخبية أيه عن أمك وكل ماتيجي سيرتها وشك يتقلب وتغضبي هو فيه أيه عاوزة أفهم !

(أم محمد) يلا يا فاطمة عاوزة أنام روحي غيري هدومك وشوفي أيه في الثلاجة حضري لأبوك لقمة يأكلها فاته جاي وأنت عارفة مرض السكر بيخليه جعان على طول يلا قومي أطبخي

(فاطمة) والله ما أنا قايمة ولا طابخة غير لما أعرف فيه أيه وأمك عملت فيك أيه عشان تكرهي سيرتها كده

(أم محمد) فاطمة أنا تعبانة بلاش تقلبي عليا المواجع حبيبتي

(فاطمة) طيب فهميني وأنا أوعدك متكلمش في الموضوع ده ثاني ولا أفتح السيرة ثاني الله يخليك يا ماما قولي فيه أيه ليه سيرة جدتي بتتعبك كده حصل أيه بس

(أم محمد) هقولك بشرط

(فاطمة) موافقة على الشرط قبل ما أسمعه قولي بقى

(أم محمد) للأسف أمي الله يرحمها مش قادرة أسامحها من عينة سهير وأهلها

(فاطمة) مش فاهمة وضحي من فضلك يعني أيه كلامك ده؟

(أم محمد) كانت زي سهير عينها فارغة وطماعة بس الفرق بينها وبين سهير أن سهير عيلة غنية بس بُخلة لكن أمي كانت عيلتها فقيرة واتربت محرومة حتى من اللقمة ولما بابا حبها كانت فرصة لهم كلهم بس بابا كان رقيق القلب حنين وأمي كانت قاسية بطريقة رهيبة حبها واتجوزها رغم بردة معارضة أبوه والمفروض كانت تصون الحب ده وتحمد ربنا أن ربنا رزقها بنتين أنا وسامية وكنا الحمد لله أخدين طباع بابا رقة القلب وحنيته وعينه المليانة لكن أمي مقدرتش ده؟

(فاطمة) ازاي يعني؟

(أم محمد) كانت مبهدلة أبويا بلسانها الطويل وكانت دايما تسرق فلوسه وتديها لأخوها وكانت بتعذب فينا أنا وسامية ضرب وبهدلة وشتيمة وقذارة وأبويا لأنه بيعشق التراب اللي تمشي عليه ساكت

صوت سهيرعشان كده ياحماتي أنت ست معقدة

(أم محمد) يخرب بيت اليوم اللي شوفنا خلقتك فيه أنت واقفة تتصنتي علينا

ودخلتي أمتي ومين فتح لك

(سهير) تزعق أيوة أيوة خرجينا من موضوع أمك وعقدك ونقصك اللي بطلعيه عليا

(أم محمد) واضح أنك مش بتحرمي وجسمك نحس وأخدتي على الضرب والإهانة وتمسك سهير من شعرها تعالي هنا يابنت الك......