SINALUBONG ni Martin si Gieselle nang lumabas na ito ng kwarto. Sabado na at kagaya ng napag-usapan nila'y pupunta sila sa kaarawan ni Adrian. Kinuha kaagad ng lalaki ang dala niyang bag lalo't may kabigatan ito. "Ingat kayo mga apo," kumakaway na sabi ni Lola Carmen nang ihatid sila sa labas. Hindi na niya kailangang pilitin ito upang payagan siya sa dadaluhang kaarawan lalo't si Martin naman ang kanyang kasama. "Pwede kang matulog habang nasa biyahe pa tayo," sabi ng binata nang medyo nag-preno ito sa may rotonda. Disiplinadong driver iyon ang napansin niya sa lalaki. Dahan-dahan namang pinausad nito ang sasakyan at sobrang gwapo lang nito habang nagmamaneho. Naka-itim na fit T-shirt at cargo shorts, pinarisan ng topsider shoes. Itinatago ng suot na rayban ang mapilantik na pilik-mata pero kitang-kita niya ito mula sa inuupoang passenger seat. Napakapit tuloy siya ng mahigpit sa seatbelt dahil baka masunggaban niya ito. "No. Ang unfair naman kung tutulugan

  "MANLILIGAW ka na ba?" parang maiihi si Gieselle sa kilig. May munting ngiti sa labi ni Martin at mataman siyang tiningnan."Oo, sana," sagot nito sa namumungay na mata.Inipit ni Gieselle labi para pigilan ang impit na sigaw. Huminga siya ng malalim dahil kinakapos ng hangin. Pinipilipit niya ang mga daliri para masaktan ang sarili at hindi matalo ng kilig pero nangibabaw pa rin ang huli."Sige, we will see," kunyaring pakipot niya."Thank you for giving me a chance. Pumasok ka na sa loob." Sumulyap ito sa bahay.Tumango siya bago tumalima. "Ingat ka sa pag-uwi." Halos ayaw pa niyang lumisan doon."I will. Dapat lang talaga na mag-ingat kasi may liligawan pa ako," sabay kindat nito.Parang uod na binudburan ng asin si Gieselle pagkapasok sa sariling kwarto. Napasandal siya sa pintuan at dumausdos pababa saka nagbuga ng hangin.Nagsasaya ang kanyang kalooban. Sino nga ba ang hindi sasaya kung liligawan ng taonggusto mo?Pakiramdam niya'y parang first t

  PILIT iwinaglit ni Gieselle sa kanyang isipan ang mga sinabi ni Ma'am Dina. Gusto niyang tanungin si Martin tungkol dito pero mas pinili niyang huwag na lang. Baka isipin ng lalaki na wala siyang tiwala at maging mitsa pa iyon ng kanilang pagtatalo.Unang beses itong ayaw niyang makipagtalo. Dati’y gustong-gusto niyang nang-aaway ng boyfriend lalo na kung sinasapian ng tupak. Pero ngayon ay umiiwas na siya. "Paano mo nga pala nalaman na mahilig ako sa minatamis na saging?" pagbubukas ng lalaki sa usapan. "Nabanggit lang ni Ate Toyang," simpleng sagot niya at tumahimik ulit. "Bili muna tayo ng softdrinks." Inihinto ng lalaki ang sasakyan sa labas ng convenience store. Bumaba na rin siya at sinamahan ito sa loob. Pagkatapos kunin ang sadya, pumila na sila sa counter. "Mauna ka na sa sasakyan, ako na ang pipila," alok niya sa lalaki. "Sigurado ka?" Tinanguan niya ito. Napapansin rin niya ang simpleng sulyap ng mga cashier sa kanyang kasama kaya gusto niyang

  PAGBALIK ni Martin sa kwarto ay nakabihis na si Gieselle. Inayos na niya ang sarili bago pa man mapunta sa kung saan ang kanilang kapusukan. "Delivery boy lang pala. Akala niya ito ang bahay na hinahanap niya, hindi pala. Inistorbo lang tayo." "Ah, I think kailangan ko ng umuwi. Ba-baka kasi gabihin ako at magalit si Lola," palusot niya. Kahit pa ang totoo’y iniiwasan niyang maulit ang nangyari kanina. Dahil pagdating kay Martin, nawawala siya sa sariling katinuan. "Nagsisisi ka ba sa nangyari kanina?" tanong ng lalaki nang makarating na sila sa bahay ni Lola Carmen. Umiling siya bilang sagot. Wala naman siyang naramdamang pagsisisi pero mayroong takot. Natatakot siya dahil kapag si Martin ang nagsabi, wala siyang lakas na tumutol. Halos hindi na siya makapag-isip ng mabuti. Kung tutuusin ay bago pa lang ang kanilang relasyon pero hulog na hulog na siya. Natatakot siyang baka sa huli, mabigo siya't masaktan. "Then why are you acting like that? Na parang may gi

  MAAGANG nagising si Gieselle dahil sa pambubulabog ng kung sinong tumatawag sa kanya. Kahit nakapikit pa ang mata’y kinapa niya ang cellphone sa ilalim ng unan at hindi na tiningnan ang caller at deritsong sinagot iyon. "Hello," inaantok niyang sabi. "Gie? Gising ka na ba o nananaginip pa?" tanong ni Ate Toyang sa kabilang linya. "Gising na po ngayon dahil sa tawag mo," halos bulong na lang 'yon."Kasi naman nakakabagot dito. Ako lang mag-isa. Kailan ka ba uuwi rito at nang may makasama na ako?" "Sa lalong madaling panahon, Ate. Naghahanap pa ako ng bibili ng condo unit ko," paliwanag niya. "May balita nga pala ako sa'yo," mas sumigla pa ang boses nito. "Magandang balita?" "Siguro. Alam mo bang may darating ngayong buwan. May uuwi!" Mababakas ang sobrang kasiyahan sa boses ni Ate Toyang. "Pinoy Henyo na ba tayo, Ate?" walang ganang tugon niya. "Si Martin! Uuwi si Martin!!" Kulang na lang ay tumalon ito sa sobrang tuwa. Matagal siyang hindi naka-imik