Chapter 16

 

 

PINATAKAN pa siya ni Martin ng isang munting halik nang maghiwalay ang kanilang mga labi.

Kahit nakaupo’y nanghihina pa rin ang mga tuhod ni Gieselle.

"Sana’y malinaw ang usapan natin, Gie. Walang two timing na mangyayari. Sisiguraduhin kong ako at ako lang ang hahanapin mo."

"O-oo." Parang bata siyang napatango.

"Pumasok ka na sa bahay. Baka matukso ako at saan pa tayo umabot." Hinalikan siya sa noo at sa labi ulit.

Hindi na niya matandaan kung paano siya nakapasok sa kwarto dahil para siyang lumulutang. Daig pa ang naglalakad habang nananaginip.

"Talaga? As in? Nag-kiss na kayo?" Gusto niyang sungalngalin ang nguso ni Katarina dahil sa naging reaksiyon nito pagkatapos niyang i-kwento ang lahat-lahat.

"Gumamit ka na lang ng mega phone para marinig ng lahat total hindi naman kilala ang lalaking pinag-uusapan natin." Pinanlakihan niya ng mata ang pinsan. Nasa loob sila ng isang coffee shop at sinamantala ang araw ng Sabado para lumabas.

"Sino ba naman kasi ang