“Akin na ‘yang pagkain mo,” wika ng isang lalaking may mahabang buhok. Tumatawa ito ng malakas habang kinukuha ang pagkain ng isang kaawa-awang matanda. May kasama pa itong ibang lalaki na may malalalaking pangangatawan. “Parang awa niyo na ibalik niyo sa akin ‘yan. Hindi pa kumakain ang mga apo ko simula kahapon,” pagmamakaawa ng matanda. Nanghihina na rin ito dulot ng gutom dahil pati siya ay hindi pa kumakain ng araw na iyon. “Wala kaming pakialam! HAHAHA!” dagdag pa ng lalaki. Ang pagkain na kinuha nila sa matanda ay galing sa pagkaing nirarasyon nila Heneral Cleo sa bayan. Inabangan nila ang lola sa isang maliit na eskinita. Tiyempo namang naglalakad-lakad si Heneral Cleo sa paligid upang magmasid. Nasaksihan niya a

Unti-unti kong minulat ang aking mga mata. Nag-unat unat ako ng katawan sabay pumunta sa harapan ng bintana. Ang mainit-init na liwanag mula sa araw ang mas lalong nagpagising sa aking diwa. “Grabe ang sarap ng gising ko,” humihikab kong wika sa sarili. “Sana ganito na lang palagi gising ko, mapayapa at walang iniisip na problema.” Mabilis na katok ang bigla kong narinig mula sa pinto. “Hays! Ang aga naman nito nambubulabog. Sino kaya ‘to?” Naglakad ako papunta sa pinto kamot-kamot ang aking nangangating likod. Bubuksan ko pa lamang ito pero agad na itong bumukas. “Mac!!! Anong oras na mahuhuli na tayo sa pagsusulit,” sigaw ni J

Kaming magkakaibigan ay nagmula sa mundo kung saan hindi laganap ang gera. Mapayapang namumuhay ang mga tao at ang teknolohiya ay patuloy na umuunlad kasabay ang ekonomiya. Simula ng mapunta kami sa mundo ng Aragona, hindi namin alam noong una kung paano kami makikiangkop sa kakaibang sistema ng mundong ito. Dahil sa aking makasariling desisyon, nadamay ko ang aking mga kaibigan kahit dapat ako lamang ang mapupunto sa mundong ito. Hanggang sa ngayon, ito ang nilalaman ng aking isipan. Kailangan ko silang maibalik sa aming mundo kahit Diyos pa ang pumigil sa akin at humarang sa aming kapalaran. Lumapit silang lahat kaya sinimulan ko nang ipikit ang aking mata at pinakinggan ang kanilang hiling. Hindi ko maramdaman ang mainit na pakiramdam na lumalabas sa akin sa tuwing tumutupad ako ng kahilingan. “Mac, ayaw ba gumana?” tanong ni Mercury. “Ayaw ata eh pre. Sa tuwing gumagana kasi ito may nararamdaman akong parang mainit na pakiramdam. Pero ngayon wala akong maramdaman,” wika ko sa

“Ano ang magagawa ng isang batang may taglay na kakaibang lakas, pero walang sapat na karanasan sa pakikipaglaban?” “Saan aabot ang kaniyang kahibangan?” Ito ang mga katanungan na pilit na gumugulo sa aking isipan. Habang ako ay papalapit ng papalapit sa bilog, hindi ko maiwasang mapaisip kung tama ba ang aking mga naging desisyon. “Dahil nandito na rin naman na ako, kailangan ko na itong panindigan. May pangako pa akong kailangang tuparin, unang hakbang pa lang ito para sa amin,” bulong ko sa aking isipan upang aking mabigyan ng lakas ang aking kalooban. “Siguro wala ka talagang plano na sabihin sa akin kung anong ginawa mo para makapasa silang lahat sa pagsusulit na ‘to. Huwag kang mag-alala, gagawin ko ang lahat para malaman ko kung anong ginawa mo,” pagbabanta ni Steban. Hindi naman namin siya kaaway, pero hindi pa rin talaga kami sobrang tiwala sa kaniya. Sa mundong ito kung saan maituturing kaming isang dayuhan, ang magtiwala sa mga taong naninirahan dito ay sobrang mahirap

Tanghaling tapat habang tirik na tirik ang araw, "Handa ka na ba?" tanong ni Doktor Antonio kay Nads. "Opo. Siya nga po pala, paano ko nga po pala babayaran si Doktor Gazebo?" pabalik na tanong ni Nads. "Ahh, wag ka mag-alala. Ang may-ari na raw ng paaralan ang bahala sa gastusin mo," tugon ni Doktor Antonio. "Ganoon po ba? Pagkatapos po pala nito ay kailangan kong magpasalamat kay Mang Steban," sambit ni Nads. Ngumiti si Doktor Antonio sa sinabi ni Nads bago sila tuluyang tumungo kay Doktor Gazebo. Tatlong beses na kumatok si Doktor Antonio sa pinto ng opesina ni Doktor Gazebo, at tulad kahapon ay bumukas agad ito. Pumasok sa loob sila Nads at kanilang naabutang nag-aayos ng gamit si Doktor Gazebo. Makikita ang mga halamang gamot na may kakaibang itsura na nakalagay sa isang mesa. "Ano pong halamang gamot ang mga iyan?" pagtataka ni Nads. "Ahh ito? Ayan ang gagamitin ko mamaya para gamutin ka," wika ni Doktor Gazebo. "Halika dito, humiga ka na at magpahinga bago natin simula