"Huwag ka ngang matakot. Normal lang daw ang spotting sa first trimester sabi sa internet."Tinutok nito ang tingin sa hawak na cellphone at muling nag-scroll."Pero kailangan mo pa ring magpatingin sa doktor, Mayu-Rio pala."Mariin akong pumikit at ayaw gumalaw sa kinauupuan ko. Natatakot akong muling duduguin at baka mawala ang baby ko. Nanginginig ang kamay kong yumakap sa aking tiyan. Ni hindi pa nga lumalaki ang tiyan ko ay kukunin na yata ang baby ko.Sa naisip ay bumagsak ang mainit na likido sa aking pisngi. Humikbi ako nang mahina at mas niyakap ang sarili."Mayu! Huwag ka ngang umiyak diyan! Kalma ka lang, okay? Huwag ka munang mag-isip ng masama," pagpapakalma niya ngunit ang mga mata niya ay kababakasan din ng pag-aalala."H-indi ko mapigilan, Alice. P-aano kung, w-ala na p-ala ang b-aby ko?"Nag-aalala siyang tumango at linapitan ako, "Shh, huwag mo munang isipin iyan, Mayu. Magpapatingin ka sa doktor, bukas na bukas din.
Read more