KABANATA 16

"Two months advance, one month deposit. Anim na libo lahat." Nilahad pa ng landlady na si Aling Glenda ang mga palad niya.

Nagkatinginan kami ni Alice at sabay ding tiningnan ang kubo sa harapan.

"Dalawang libo ang renta niyan? Niyang kahoy na 'yan?" hindi makapaniwalang tanong ni Alice.

Ako man ay hindi makapaniwala sa halaga. Kung titingnan ay malakas na ihip na lang ng hangin ay tutumba na ang kubo sa harapan kaya lang wala na kaming choice, maggagabi na at heto lang ang malapit.

"Kung ayaw ninyo ay maghanap kayo ng iba!"

Nanlaki ang mga mata ko at agad na pinigilan sa braso ang ginang nang akma itong aalis. Tumawa ako nang alanganin at pinanlakihan ng mata si Alice. Nakakaintindi itong tumawa at agad na umangkla sa braso ng Ginang.

"Aling Glenda naman, joke lang iyon. Ang ganda nga nitong kubo mansyon mo! Naku, pasadong-pasado na 'to. Worth the price talaga!" Sumenyas pa siya ng money sign na kinatuwa ng Ginang.

"Mukha lang iyang