“GUSTO mong magtrabaho?” Umayos si Martin ng pagkakaupo at ibinigay niya ang buong atensiyon kay Milagros. “Kaya ko naman na mag-ipon nang mag-isa sa kailangan natin para rito sa bahay pero kung naiinip ka at gusto mo ng pagkakaabalahan ay baka gusto mong bigyan na lang kita ng puhunan. Mag-negosyo ka. Gamitin mo ang husay mo sa pagluluto.”“Hindi ko gusto na magnegosyo, Martin. Ang gusto ko ay trabaho talaga. `Yong kagaya ng sa iyo. Okay lang ba?”Sandaling nag-isip si Martin. Nagulat kasi siya sa kagustuhan ni Milagros na magtrabaho. Kung siya kasi ang papapiliin ay mas nais niya na sa bahay lang ang kaniyang asawa upang pag-uwi niya ay palagi niya itong makikita agad. Saka may takot pa rin siya na baka maulit iyong nangyari rito o kaya ay mawala ulit ito nang matagal. Bumabawi pa rin siya sa mga taon na nawala si Milagros at mababawasan ang oras nil

       PAGKAUWI ni Ambrose sa kaniyang malaking bahay ay sinalubong siya ng isa sa tatlo niyang kasambahay. Sinabihan niya ito na hindi na siya magdi-dinner at dalhan na lang siya ng isang bote ng wine sa kaniyang office room na nasa third floor.Ang bahay na iyon sana ang magiging tahanan nila ni Monica kapag naikasal na sila. Matagal na niya iyong lihim na naipagawa at isang malaking sorpresa sana niya iyon kay Monica ngunit hindi na iyon mangyayari dahil sa wala na ito. Tuluyan na siya nitong iniwanan. Kaya nakakalungkot na tumitira siya sa bahay na iyon nang hindi niya ito kasama.Marahil, kung naikasal na sila noon ay baka sa kasalukuyan ay may anak na sila. Puno na siguro ng tawa at iyak ng bata ang bahay na iyon. Nakakalungkot isipin na hindi na iyon mangyayari.Sumaglit lang si Ambrose sa kaniyang silid-tulugan upang magpalit ng damit na pambahay. Sa kaniyang kwarto ay nakasabit sa dingding ang isang napakala

       SABADO ng araw na iyon ngunit ang salitang “pahinga” ay wala sa bokubolaryo ni Ambrose. Imbes na ipagawa sa mga staff niya ang mga ibang bagay ay siya pa rin ang gumawa. Ngunit sa darating na Lunes ay alam niya na mababawasan na ang mga gawain niya dahil magsisimula na si Milagros sa pagtatrabaho sa kaniya bilang personal assistant niya.Sino bang mag-aakala na ang dating trabaho nito sa namatay niyang nobya ay siya ring magiging trabaho nito sa kaniya? Malaki ang tiwala niya kay Milagros lalo na’t nakita niya kung paano ito magtrabaho. Kung purihin ito ni Monica noon ay para bang sobrang perpekto nito. Isa pa, hindi naman magiging ganoon kabait si Monica kay Milagros kung hindi mabuting tao ang huli.Kilala niya si Monica—bihira itong maging mabait ng ganoon sa ibang tao. May nakita ito kay Milagros upang maging maganda ang pakikitungo nito sa naturang babae. Alam niya na bukod pa roon ang gi

TILA nakakita ng multo si Monica nang madatnan niya sa opisina ni Ambrose si Valentina. Iyon ang unang araw niya sa trabaho sa resort bilang personal assistant ni Ambrose at hindi niya inaasahan na sa unang araw niya roon ay isang hindi inaasahang tao ang makikita niya. Talagang ang nanay pa niya na alam niya na ayaw na ayaw na makikipaglapit siya kay Ambrose.Nang nakita siya ni Valentina ay pinanlisikan siya nito ng mata at isang pamilyar na pakiramdaman ang lumukob sa buo niyang pagkatao. Takot na takot siya sa sariling ina hanggang sa nanginig ang mga kamay niya at nabitawan niya ang hawak na kape. Hindi niya maintindihan kung bakit ganoon na lang ang takot niya kay Valentina na parang noon pa man ay natatakot na siya rito. Kabaligtaran sa sinabi nito na maganda ang relasyon nilang mag-ina at malapit talaga sila sa isa’t isa. Kaya bakit may ganoon siyang takot para kay Valentina?Sa sobrang takot niya ay hindi na niya naramdaman ang pagkapaso ng paa niya mula sa mainit na kap

HABANG katabi ni Martin si Milagros sa tricycle ay nararamdaman niya na meron itong itinatago sa kaniya na natatakot itong malaman niya. Kung ano man iyon ay dapat nitong sabihin sa kaniya dahil isa sa ipinangako nila dati sa isa’t isa ay dapat wala na silang ililihim. Kapag may problema ang isa ay sabihin sa isa upang magtulungan silang ayusin.Kung tutuusin ay pwede siyang magalit kay Milagros dahil sa pagsisinungaling nito ngunit mas gusto muna niyang malaman ang side nito. Gusto niyang marinig ang paliwanag nito kung bakit kailangan nitong hindi sabihin ang totoo sa kung saan ito tunay na naroon.Makalipas ang ilang minuto ay huminto na ang tricycle sa harapan ng bahay nila. Nauna siyang bumaba at binayaran na niya ang driver. Inalalayan niya pa rin si Milagros sa pagbaba nito sa tricycle hanggang sa makapasok na sila sa kanilang bahay.Tila pagod na pagod na napaupo si Milagros sa mahabang upuan at napansin niya ang pamumula ng kaliwang pisngi nito. Buong pag-aalala na umupo