Chapter 11Lubos ang nararamdaman kong saya noong makita ko siya. Tulad ng sinabi ni Daddy, baka muli kong makikita ang kaibigan ko kung kailan ay hindi ko inaasahan. Tama siya, dumating si Dindo sa panahong hindi ko inaasahan. Sa pagkakataong hindi ko siya hinahanap.Unang araw pa lang ng pasukan ngunit kaagad na akong hindi maka-focus sa mga sinasabi ng aming mga guro. Wala akong naiintindihan sa aming asignatura. Si Dindo ang tumatakbo at walang pagod sa kalalaro sa aking isipan. Lagi ko siyang tinitignan ngunit malas lang dahil nasa likod ako samantalang siya ay nasa harapan. Tanging likod lang niya ang nakikita ko at ang kaniyang pisngi. Alam kong batid niyang naroon ako sa likod. Bakit hindi man lang ako lingunin? Bakit ni hindi niya magawang tapunan ako ng kahit man lang isang mabilis na sulyap? Galit pa rin kaya siya sa akin?Kringgggg! Kringgggg! Kringgggggg!Sa wakas, recess na rin. Mabilis akong lumapit sa kanya ngunit mas maagap ang kanyang pagtayo at pag-alis. Hindi ko al

CHAPTER 13 "Imbes na igugol natin sa pagrereview o pagbabasa sa next na subject natin ang oras na wala ang teacher natin sa first period ay mas pinipili pa ninyong makinig diyan sa walang kuwentang jokes ni Ancheta. Baka matulad kayo diyan, kababaeng tao pero puro yabang lang kahit halos bagsak na ang mga exam." Biglang tumaas ang dugo ko. Parang lahat ng natitira kong pasensiya sa kaniya ay tuluyan nang naglaho. Masyado na niya akong pinapahiya sa mga kaklase ko. "Ano bang problema mo sa akin, ha!" singhal ko. Napatayo ako sa inis. "Problema ko sa'yo? Masyado kang mayabang! Masyado kang epal! E kung gamitin mo kaya ang yabang at kaepalan mo sa discussion natin, siguro mas bibilib pa ako sa'yo." "E, ano kung bobo ako! Inaano ba kita ha! Tinigilan na kita ah! Baka gusto mong pansinin ka lang dahil lahat ng atensiyon nila ay napupunta sa akin." "Ulol! Hindi ako ganun kababaw. Nagsisimula

CHAPTER 15Nagtaas ako ng kamay."Aya! Wow! Okey ah! Salamat naman at may isa sa klase ko ang nag-aral at hindi lang kung ano ang nasa textbook. Sige nga, sabihin mo nga sa amin kung ano ang alam mo sa Qin dynasty?" Alam kong unti-unti ko na siyang uungusan. Simula palang iyon. Humanda siya sa mga susunod pa naming tunggalian. Unti-unti ko siyang patutumbahin. Ilalaglag ko siya sa sinimulan niyang laban.Nang matapos ang second year namin, siya na naman ang first honor at hindi man lang ako umabot sa top 5. Ang dahilan, huli na nang nagpakitang gilas ako. Pero hindi pa tapos ang laban. Nagsisimula pa lang ako at paghahandaan ko ang aming muling pagtatagian. May mga susunod pang mga taon.Dahil sa bakasyon ay minabuti ni Daddy na sunduin ako at doon sa bahay gugulin ang aking bakasyon. Hindi ako pumayag noong una ngunit napilit din nila ako. Naisip ko kasi, matagal na naman bago ko makakasama ang pamilya ko at wala rin namang silbi na manatili ako sa Diadi dahil hindi rin naman kami

CHAPTER 17 Intramurals. Nagkaroon ng classroom elimination sa paglalaro ng chess para maging pambato naming mga third year sa buong campus. Kami ni Dindo ang huling naiwan magtunggali.Naalangan ako nang umupo ako sa harap ng chess board. Napakalakas ng kabog ng dibdib ko nang naglalakad na siya palapit sa akin. Mas lalo na siyang pumogi sa tingin ko. Gumanda na lalo ang hubog ng kaniyang katawan. Tumangkad at mas pumogi dahil sa bago na ang kaniyang suot na uniform at sapatos. Alam kong lahat ng binibigay namin ni Daddy na tulong sa kaniya ay ginagamit niya iyon sa kaniyang pag-aaral. Hindi na siya mukhang gusgusin.Ngayon lang kami muling magkakaharap nang ganoon kalapit. Pagkaupo niya ay tinignan ko siya. Tumingin din siya sa akin. Naroon din ang coach naming at nakawak sa aming timer."May the best player win?" iniabot ko ang kamay ko sa kanya.Lumingon muna siya sa coach namin. Naalangan din siguro. Tinggap niya naman ang kamay ko at naramdaman ko ang init ng kaniyang palad.Ito

CHAPTER 19Matagal na akong nakahiga ngunit hindi pa siya tumatabi sa akin. Abala sa pag-eensayo sa kaniyang cartooning o maaring naaasiwang tabihan ako. Kahit pilitin kong matulog ay hindi din naman ako makatulog dahil sa hindi ko maipaliwanag ang aking nararamdaman. Hanggang sa pinatay na niya ang isang ilaw dahil nakatapat ang ilaw na iyon kay Coach kaya sinabihan siya ng coach namin na matulog na para makapagpahinga kaming lahat. Ngunit may isa pang ilaw na bukas sa loob at may ilaw din sa labas ng classroom namin na siyang sumasabog pa rin ng liwanag sa aming hinigaan.Nagtanggal siya ng pantalon at damit. Tanging mahabang jersey short lang ang suot niya. Nagkunwarian akong tulog na tulog nang inaayos na niya ang kumot at unan niya. May pekeng hilik pa nga ako para mas effective. Tahimik na ang lahat. Narinig ko na din ang mahinang hilik ng mga kasamahan namin. Maliban sa langitngit sa kama nina Sir at Rod na nakatalukbong at kumikilos. Naisip ko, bakit kaya anlikot nilang matul