Semua Bab The CEO's Discarded Wife: Bab 1 - Bab 5

Nagsimula nang umambon bandang alas-singko ng hapon. At paglabas ni Isabelle mula sa kanilang opisina, bumuhos na ang malakas na ulan. Pinalubha nito ang kalagayan ng masikip at magulong lansangan ng Mandaluyong. Mahigpit niyang hinawakan ang dala niyang pumpon ng mga sunflower habang ibinabalik ang cellphone sa bulsa ng kaniyang coat. Wala siyang nakita ni anumang notification mula roon. Walang mensahe. Walang missed call. Nanikip ang dibdib niya dahil doon. Ika-walong anibersayo nila ng kaniyang asawa ngayon. Lihim niyang inihanda ang lahat—isang dinner reservation sa isang rooftop restaurant sa Bonifacio Global City, mga putahe na paborito ng kaniyang asawa, at isang customized cake na may nakasulat na, “To eight imperfect but real years.”Ngunit ang kaniyang asawa na si Lucas ay hindi man lang tumawag o nag-text man lang sa kaniya. O kahit voice mail man lang. Napailing si Isabelle habang tinatawid ang kalsada papuntang parking building. Ipinangako niya sa kaniyang sarili na

Ortigas, Metro Manila | 6:22 AMAng mahinang ugong ng mga sasakyan ang unti-unting gumising kay Isabelle. Ang sakit ng ulo niya. Pati ang lalamunan niya ay nananakit din dahil nabasa siya ng ulan kagabi. Napapikit siya dahil sa liwanag na sumisilip sa see-through curtains. Ang tahimik ng kapaligiran. Walang maingay na yabag ng bata at mga katulong na abala sa labas ng kwarto. Wala rin ang amoy ng pabango ni Lucas na naiiwan kadalasan sa kaniyang unan.Tahimik na. Sa wakas.Pinilit ni Isabelle na bumangon. Napamasahe siya sa kaniyang sentido. Pakiramdam niya ay ang bigat-bigat ng katawan niya. Nang kinapa niya ang kaniyang leeg ay saka niya lang napagtanto na nilalagnat pala siya. Hindi kinaya ng katawan niya ang emotional crash at pagkababad niya sa ambon kagabi.Inabot niya ang kaniyang maleta para kumuha ng malinis na damit nang biglang may nasagi ang siko niya. Isang maliit na bagay na nahulog sa sahig.Nalipat ang atensyon niya sa isang silver flash drive na gumulong sa ilalim ng

Mahigpit ang pagkakahawak ni Isabelle sa kaniyang cellphone habang papalabas ng gusali. Nakasunod naman sa kaniya si Nina sa likod niya. Ang kaninang mahinang ingay mula sa loob ng bar ngayo'y rinig na rinig na sa labas dahil sa pagbukas nila ng pinto. Ayaw niya na ng dagdag drama sa buhay niya. Nakuha niya na ang kailangan niya. At na-save niya na ang mga larawang nakuha niya. Ngayon, ang gusto niya na lamang ay makaalis sa lugar na iyon. Malayo kay Lucas. Pakiramdam niya kasi ay sinasakal siya sa tuwing nasa iisang lugar lang sila. Ngunit nakakatatlong hakbang pa lang sila sa labas nang biglang may humarang sa kanilang daanan.Isang lalaking nakasuot ng itim na suit ang ngayo'y nakatayo sa kanilang harapan. Naka-clean cut ito. Wala ring mabasang emosyon sa mukha nito. Nakalagay ang kaniyang mga kamay sa likuran. Animo'y may hinihintay itong utos mula sa kung sino man. Parang hinalukay ang lamang-loob ni Isabelle nang mamukhaan niya ang lalaki. Si Daryl Cortez—ang kanang kamay ni