All Chapters of Loveless Deal with the Cold-Hearted CEO: Chapter 671 - Chapter 680

Naging mainit ang paglalapat ng labi nila Candice at Brent. Sapat upang maniwala ang lahat.Nag-echo ang palakpakan sa buong function hall ng maghiwalay ang mga labi nila.May ilang napa-aww, may ilang napangiti nang maluwag, at halatang kinikilig ang mga tao habang mabilis na kumikislap ang camera flashes sa paligid nila. Ang photographer ay sunod-sunod ang kuha, tila alam na nakuha nila ang pinakaimportanteng sandali ng event.Pero sa gitna ng lahat ng iyon, litong lito siya.Mainit pa ang halik ni Brent sa labi niya.Pero para siyang nakalutang.At ang singsing, ang singsing na ilang segundo pa lang ang nakakaraan ay nasa palad nito ay marahan nang isinuot ni Brent sa daliri niya.Tumigil ang mundo sa ilang segundo habang dumudulas ang malamig na dyamante sa kanyang daliri. Napakaganda niyon sa liwanag ng chandelier, pero ang mas lalong nakakapanghina ay ang paraan ng pagtingin ni Brent sa kanya habang ginagawa iyon.Walang bakas ng pag-aalangan.Sa paraang iyon, parang siya lang an

Napalunok si Candice.“Malaking problema ’yan,” sabi pa ni Hailey.Napapikit siya. Alam niyang tama ito.Kung hindi pa siya nahuhulog, bakit kailangang paulit-ulit niyang paalalahanan ang sarili na hindi permanente si Brent?Kung wala lang itong epekto sa kanya, bakit kailangan pa niyang i-enjoy ang bawat maliit na sandali sa tabi nito dahil alam niyang hindi naman ito magtatagal sa buhay niya?“Huwag kang mag-alala,” sabi niya, pero hindi niya alam kung si Hailey ba ang kinakausap niya o ang sarili niya. “Kaya kong pigilan ang damdamin ko.”Naputol ang pag-uusap nila nang dumating si Atty. Henry Tecson sa opisina ni Candice.Pagpasok pa lang nito sa glass door ng executive office, agad na niyang napansin ang pamilyar na aura ng abogado, maayos ang bihis, tahimik ang lakad, at iyong tipo ng lalaking hindi kailangang magtaas ng boses para maramdaman ang presensiya. Matanda lang ito sa kanya ng limang taon, at mula pagkabata ay kilala na niya ito.Ang kanyang ina ang nagtiwala dito at na

Nanatiling tahimik si Brent matapos marinig ang alok.“Isangdaang milyon,” malinaw at malamig na ulit ni Don Carlos. “Mag-file ka ng annulment sa kasal ninyo ni Candice.”Hindi siya agad nakasagot.Sa katahimikang iyon, parang mas lumakas ang tikatik ng mamahaling orasan sa dingding.Dahan-dahan niyang itinaas ang tingin sa ama ni Candice.“Hindi ako mabibili, Don Carlos.”Bahagyang naningkit ang mga mata ng matanda.“At hindi ako-magpa-file ang annulment,” dugtong ni Brent, mababa ang boses pero matigas. “Mahal ko ang asawa ko.”Napatawa nang mahina si Don Carlos. Isa iyong maikli at mapait na tunog na tila hindi naniniwala sa naririnig.“Mahal?” ulit nito. “Huwag mo akong lokohin. Hindi kita kilala nang lubusan, pero sapat na ang alam ko para maintindihang walang lalaking gaya mo ang basta-basta nagpapatali sa isang babae. Kapag nagsawa ka, iiwan mo din si Candice.”Tumigas ang panga ni Brent.“Hindi kita tanggap,” deretsong sabi nito. “Hindi ka sapat para sa anak ko.”Bahagyang kum

Nanlaki ang mata ni Cassandra nang tuluyang bumukas ang pinto.Limang lalaki ang pumasok.Mga naka-maskara.Malalaki ang katawan.Mabilis siyang napaatras sa kama hanggang sa tumama ang likod niya sa headboard.“A-anong kailangan ninyo sa akin?” nanginginig niyang tanong, pilit pinatatapang ang boses pero halatang basag na iyon ng kaba.Ang isa sa mga lalaki ay huminto sa gitna ng silid. Nakasuot ito ng itim mula ulo hanggang paa. Maging ang kamay ay may guwantes. Nang magsalita ito, may kakaiba sa boses, parang dumaan sa kung anong device, mababa at garalgal, hindi natural.“Walang mangyayaring masama sa ’yo,” sabi nito, “kung sasagutin mo ang mga tanong ko.”Napakapit si Cassandra sa kumot.“Anong gusto ninyo? Pera?” mabilis niyang sagot. “Magkano? Sabihin n’yo lang. Palayain ninyo ako at babayaran ko kayo.”“Tumahimik ka.” Umalingawngaw ang boses ng lalaki sa silid. “Masyado kang madaldal. Sagutin mo lang ang mga tanong ko.”Napasinghap siya.At nang marinig niya ang susunod na tano

“Ipaliwanag mo nang mabuti,” ani Brent.Humakbang ito pasulong, at tahasang pumuwesto sa pagitan ni Candice at ni Zion.Walang bahid ng pag-urong sa mukha ng bodyguard, pero may bigat sa panga at sa mga mata.“Ako ang nagpakidnap kay Cassandra,” ulit nito, mas malinaw ngayon. “Dinala ko siya sa isang secured na lugar. Wala akong ibang intensyon kundi takutin siya at pilitin siyang magsabi ng totoo.”“My God, Zion,” bulalas ni Candice, napahawak sa sintido. “Alam mo ba kung gaano kabigat ang ginawa mo?”“Alam ko po.”“Hindi, hindi mo alam!” Napahakbang siya palapit. “Kidnapping ’yon! Pwede kang makulong dahil doon!”Hindi man lang kumurap si Zion. “Tatanggapin ko ang kapalit kung kinakailangan.”Mas lalong uminit ang ulo ni Candice sa kalmadong sagot nito.“Ano’ng nakuha mo?” tanong ni Brent. “Kung umabot ka sa ganitong kalokohan, may napala ka ba?”Doon lamang bahagyang gumalaw ang ekspresyon ni Zion.“Hinarap ko siya nang diretsahan,” sagot nito. “Paulit-ulit kong tinanong kung may ki