All Chapters of LOVE ATTACK Hostage and the Syndicate: Chapter 311

Hindi maipinta ang mukha ni Renz dahil mauubusan na siya ng hangin. Kanina pa niya pinipigilan ang huminga habang nakatakip ang isang kamay sa ilong. Ang isang kamay naman niya ay nakahawak sa dalawang maliliit na paa ni baby Franco, ang isa sa kambal ni Leon. “Ang tagal!” reklamo niya bago muling pisilin ang sariling ilong. Habang si Leon naman ay abalang abala sa pagbukas ng isang kahon ng baby wipes. “Sandali.” kalmadong sabi nito. Napapailing na lang si Renz sa kanyang sitwasyon. Ngayon lang niya naabutang gising ang pamangkin, kaso tumae naman. Wala nang bukas na pakete ng wipes kaya pinahawakan muna ni Leon sa kanya ang paa ng sanggol. At ang malala ay hindi pa yun nalilinisan habang nakabuyangyang pa rin ang diaper na may dumi. Sa wakas ay nabuksan din ni Leon ang wipes at agad na lumapit sa crib saka inagaw ang paa ng bata mula kay Renz. Pero narinig muna ni Leon na naduwal ang pinsan. “Ughk…” Mabilis na lumayo si Renz sa pwesto ng mag-ama. “Nalunok ko yu