All Chapters of Breaking Rules: The Sweetest Risk: Chapter 91 - Chapter 94

FERLYNapatayo si Mama.Nagpalipat-lipat ang tingin niya kina Papa at Jyrone, na parang pinaghahambing ang hitsura ng dalawa.“Si Jyrone… anak mo?” Napuputol at nanginginig ang boses ni Mama.Namula na rin ang mga mata niya na parang maiiyak na.Mas humigpit ang pagkakahawak ni Jyrone sa kamay ko nang iamba at ituro siya ni Mama.Akmang tatayo si Papa para hawakan ang mga braso ni Mama, ngunit marahas siyang itinaboy at winaksi nito.Tuluyan na ring pumatak ang mga luha ni Mama.“Kailan pa? Kailan mo pa nalaman na anak mo si Jyrone? Answer me, Daniel!”Napasinghap ako. Ramdam kong nadudurog si Mama, pero hindi ako makalapit sa kanya. Wala akong magawa kundi panoorin lang siya.“Noong unang araw na pumunta siya rito,” yuko ang ulo na sagot ni Papa.Umiiyak na tumawa naman si Mama. Isang tawang puno ng pait at panlulumo.“Gano’n na katagal? Dios mio, Daniel… Pinagmukha n’yo kaming tanga! Nanood ka lang na inasawa ng anak mo ang anak ko.”Bago ko pa mapigilan si Jyrone, mabilis na siyang

FERLYMula sa ospital, sa morgue, maging sa lamay ni Lola, hindi pa rin ako pinapansin ni Mama. Maski tingnan man lang niya ako, hindi niya ginawa.Ilang beses ko ring sinubukang lapitan at kausapin siya, pero lagi siyang umiiwas.Kaya hinayaan ko na lang. Sigurado akong ako rin ang sinisisi niya sa pagkawala ni Lola.“Ferly…” Mahinang pinisil ni Jyrone ang kamay ko. Katabi ko siya. Tinatanaw namin si Mama na kanina pa nakatayo sa harap ng kabaong ni Lola.Humihikbi pa rin siya. Hindi ko na nga mabilang kung ilang beses na niyang pinunasan ang mukha niya o ilang beses na siyang huminga nang malalim.Inihilig ko na lang ang ulo ko sa balikat ni Jyrone.Maya-maya’y dumating si Papa. Pinilit niya si Mama na umupo muna at magpahinga.Nakailang suyo pa si Papa bago siya sumama rito at umupo sa pinakaharap na upuan habang iniiwasan pa rin niyang mapatingin sa akin.Si Papa lang ang bahagyang ngumiti sa amin ni Jyrone.Malungkot na ngiti ang isinagot ko sa kanya.“Ferly… magpahinga ka muna,”