All Chapters of رجوعه متأخر وقلبي بقى لغيره: Chapter 31 - Chapter 40

البيت كان هادي نور رفعت راسها وبصت لآسر... اخدها ودخلها غرفتها... حطها في سريرها.. مسكت ايده وقالته.. انا خايفة ارجوك متسبتيش قعد. جمبها وفضل يمشي ايده على شعرها.. وقالها بصوتزكله هدوء وحنيه... ممكن تهدي ومتخافيش انا جمبك محدش هيقدر، يقرب منك طول مانا موجود.. نامي ومتفكريش في اي حاجة... الصبح دخل على أوضة نور بهدوء غريب، نور الشمس كان خفيف لكنه كفاية يفتح عينيها بعد ليلة تقريبًا من غير نوم، فتحت عينيها ببطء وهي باصة للسقف كأنها بتحاول تجمع نفسها من جديد، كل حاجة حصلت امبارح رجعت قدامها مرة واحدة، صوت آسر، هدوءه، طريقته، وبعدين صوت عمر وهو بيكلمها وكأن جزء منها رجع يتنفس فجأة بعد ما كان مخنوق، غمضت عينيها تاني وزفرت نفس طويل وهي بتحاول تهرب من الإحساس المتلخبط اللي جواها، لكنها فشلت، لأن الحقيقة كانت واضحة جدًا قدامها حتى لو مش عايزة تعترف بيها.. كانت افكرها كتير بينهم كلهم والدها دة كان اصعب تفكير. قامت من على السرير وبصت لآسر اللي كان نايم على الكرسي اللي جمب السرير... ومشيت ناحية المراية، وقفت قدامها شوية تبص لنفسها، ملامحها كانت هادية لكن عينيها فيها حاجة مختلفة، مش ضعف زي زمان،

الصبح كان هادي ، نور الشمس داخل من الشباك على وش نور وهي قاعدة قدام المراية، باصة لنفسها بتركيز، كأنها بتحاول تقرا ملامحها من جديد، كأنها بتسأل نفسها سؤال مش لاقية له إجابة واضحة: "أنا عايزة إيه فعلًا؟" كانت شايفة قدامها واحدة مختلفة عن زمان، مش نفس البنت اللي كانت بتجري ورا إحساسها من غير ما تفكر، ولا نفس اللي كانت بتسامح بسهولة، لكن برضه مش قوية لدرجة إنها ما تتأثرش، كانت واقفة في النص، بين عقل بيقولها كفاية، وقلب لسه بيضعف. قامت بهدوء، لبست، وخرجت من أوضتها، وآسر كان مستنيها في الصالة، واقف عند الشباك وباصص برا، أول ما سمع صوتها لف وبصلها، وابتسم ابتسامة هادية فيها راحة واضحة، كأنه كان مطمن إنها هتكون كويسة. قالها بصوت بسيط: "جاهزة؟" هزت راسها وقالت بابتسامة خفيفة: "جاهزة بس مكنش ليه لزمه تتعب نفسك وتيجي تاخدني نرزح الشغل سوا.." ابتسم آسر..و خرجوا سوا، وآسر كان ماشي جنبها من غير ما يحاول يقرب زيادة، لكنه في نفس الوقت كان موجود، حضوره واضح، هادي، من غير ضغط، وده كان بيريحها بشكل غريب، لأنها لأول مرة تحس إن في حد مش مستني منها حاجة مقابل وجوده. في الطريق، نور كانت باصة من الش

الصمت سيطر على الترابيزة لدرجة إن صوت النفس بقى مسموع، وكل واحد فيهم كان باصص للتاني كأنه مستني منه غلطة واحدة بس عشان يهاجم.نور كانت قاعدة بتحاول تفهم نظرات عمر المتوترة… ، و كمان جواها كانت بتحاول تستوعب كلام آسر ، بين نظرات عمر اللي فيها حاجة بتشدها، ونظرات آسر اللي فيها ثبات بيطمنها، لكنها في نفس الوقت مش قادرة تتجاهل التوتر اللي بيكبر ثانية ورا التانية.عمر حاول يرجّع هدوءه، شد نفسه لقدام، وحط إيده على الترابيزة بثبات مصطنع، وقال بنبرة أهدى من الأول، لكنها مليانة ضغط:"أنا مش فاهم إنت لية بتحاول توقع بيني وبين نور مش قادر استوعب ليه حاطت نفسك بينا … الموضوع يخصني ويخصها هي بس."آسر ما اتحركش من مكانه، فضل بنفس وضعيته، رجله على رجل، وإيده على الكرسي، وبصله بنظرة ثابتة وقال:"أنا مش داخل بينكوا انا بحمي نور وفرق كبير بين الاتنين."الجملة كانت بسيطة… لكن معناها كان واضح جدًا.نور بصت بينهم، وحست إن الجو بدأ يسخن أكتر من اللازم، فقالت بصوت هادي لكنه حازم:"كفاية… أنا مش جاية أتخانق مع حد… أنا جاية أفهم."سكتت لحظة، وبعدين بصت لعمر مباشرة، وعينيها ثبتت فيه بشكل خلى حتى هو يتوتر

نور عينيها كانت ثابتة على آسر، بس المرة دي مش نفس النظرة اللي كانت من شوية، مش أمان… مش راحة… دي كانت نظرة صدمة، نظرة واحدة اكتشفت فجأة إن الأرض اللي واقفة عليها اتهزت. آسر واقف مكانه، ملامحه اتجمدت، وكأنه للحظة مش لاقي رد، مش عارف يقول إيه."نور…اهدي انتي فاهمه غلط. "قال اسمها بهدوء، خطوة صغيرة اتحركها ناحيتها، لكن رد فعلها كان أسرع.رجعت لورا خطوة، كأن نفس الشخص اللي كان مصدر أمانها من شوية… بقى مصدر خوفها."إوعى تقرب."الجملة خرجت منها حادة، من غير صوت عالي، لكن مليانة وجع كفاية يوقفه مكانه.سكت.ولأول مرة… آسر ما حاولش يقرب.نور كانت بتبص له ودموعها بتنزل.. ضحكت ضحكة خفيفة،بصدمه. "يعني… كل ده كان تمثيل؟"صوتها كان واطي. آسر أخد نفس، وقال بسرعة: "لا… مش تمثيل، نور اسمعيني—""اسمعك؟!"المرة دي صوتها علي، وقطع كلامه فورًا."أسمعك في إيه؟! أسمعك وانت بتقول إنك شغال معاه؟! أسمعك وانت بتقول إنك هنا دلوقتي عشان هو عاوز كدة ؟!"كل كلمة كانت بتخرج منها ومعاها وجع سنين، مش بس وجع اللحظة."أنا كنت فاكرة…"سكتت لحظة، صوتها اتهز، لكنها كملت بالعافية:"فاكر لنك بجد في حاجة جواك"آسر بص له

بعد مامرّت تلات أيام…تلات أيام كانوا كفاية يغيّروا حاجات كتير جوا نور، من غير ما حد ياخد باله.بعد ما خرجت من المستشفى بهدوء غريب، من غير زعيق، من غير دموع، من غير حتى ما تبص لحد فيهم… لا آسر، ولا عمر، ولا حتى ريم. كأنها قررت فجأة إنها تقفل كل حاجة مرة واحدة، من غير ما تسيب باب موارب.كانت ماشية لوحدها… فعلاً لوحدها.أول مرة تحس إنها مش مستنية حد يمشي جنبها، ولا حتى تبص وراها تشوف مين موجود… أو مين اختفى.وصلت البيت، دخلت، قفلت الباب وراها، وسندت عليه ضهرها لحظة… مش ضعف، لكن كأنها بتفصل نفسها عن العالم اللي برا."كفاية…"همست بيها، صوتها طالع بهدوء مرعب."كفاية لحد كده."بعد تلات أيام…نور دخلت الشركة.كل حاجة كانت زي ما هي… نفس المكان، نفس المكاتب، نفس الأصوات، لكن هي… ما كانتش زي ما هي.خطواتها كانت ثابتة، عينيها هادية، بس مفيهاش أي إحساس… لا خوف، ولا حب، ولا حتى لخبطة.وقفت قدام مكتب آسر.خبطت."اتفضل."دخلت.آسر كان قاعد على مكتبه بيشتغل ، أول ما شافها… عينيه اتعلقت بيها فورًا، كأنه مستني اللحظة دي من ساعة ما اختفت اتحرك من مكتبه بسرعه وقرب منها.. "نور…"قال اسمها بهدوء، وفي صوت