All Chapters of رجوعه متأخر وقلبي بقى لغيره: Chapter 41 - Chapter 50

نور فتحت الباب بسرعة عشان تهرب، قلبها كان بيدق بعنف لدرجة إنها حاسة صوته عالي أكتر من صوتها، دخلت خطوة لجوا بس قبل ما تلحق تقفل، عمر زق الباب تاني ودخل رجله وزقه بقوة خلاها تتراجع لورا وشنطتها وقعت منها على الارض وكل اللي فيها اتبعتر منها. "قولتلك مش همشي..لازم تفهمي انك ملكي انا..انا وبس يا نور..ومتخافيش انا كل البنات بتحبني اشمعنى انتي بقي يعني." صوته كان تقيل، ونظرته فيها حاجة خلت جسمها كله يقشعر، نور رجعت خطوة ورا التانية وهي بتحاول تلاقي أي مساحة تبعد عنه، وقالت بصوت متقطع "عمر… كفاية… عشان خطري كفاية بقى.. امشي…" لكن هو ما وقفش، بالعكس قرب أكتر،وهو بيبص علي جسمها وبيبلع ريقه، وهي أول ما حسّت إنه بقى قريب بالشكل ده، لفت بسرعة وجريت على أوضتها، دخلت وقفلت الباب وراها بسرعة وسندت ضهرها عليه، وإيديها الاتنين بتزق الباب كأنها بتحارب الباب نفسه. بره، صوت عمر وهو بيخبط على الباب بعنف، مرة ورا مرة، وصوته بيعلى "افتحي يا نور! مش هتستخبي مني! انا مش همشي غير وانتي بتعتي انا بس. " إيدها كانت بتترعش، أنفاسها سريعة ومش منتظمة، عينيها بتلف في الأوضة كأنها بتدور على أي حاجة تنقذها… و

بعد ساعات طويلة من الانتظار اللي ما كانش ليها شكل ولا معنى، خرج الدكتور تاني، بس المرة دي خطواته كانت أهدى، وملامحه أخف شوية من قبل كده، كأن فيه حاجة اتغيرت ولو بنسبة بسيطة، كلهم وقفوا في نفس اللحظة تقريبًا، كأنهم مربوطين بخيط واحد، آسر اتحرك أول واحد ناحيته، قلبه بيدق بعنف وهو مستني يسمع كلمة تطمنه، الدكتور بص لهم وقال بهدوء محسوب "الحمد لله… الحالة عدّت مرحلة الخطر"، الجملة وقعت عليهم زي النفس اللي بيرجع بعد غرق، بس قبل ما الفرحة تكمل، كمل كلامه "بس هتفضل في العناية ٢٤ ساعة كمان للملاحظة"، المرة دي محدش اعترض، ولا حتى سأل، لأن مجرد إنها عدّت الخطر كان كفاية، باباها غمض عينه للحظة طويلة وسند بإيده على الحيطة، كأنه أخيرًا سمح لنفسه يضعف بعد ما كان واقف متماسك بالعافية، شفايفه اتحركت بكلام مش مسموع، يمكن دعاء، يمكن شكر، يمكن الاتنين مع بعض، ريم دموعها نزلت بسرعة بس المرة دي مش زي قبل كده، كان فيها ارتياح غريب، إيديها كانت على بوقها وهي بتحاول تستوعب إن نور لسه موجودة، إن في فرصة، إن النهاية لسه ما كتبتش، أما آسر… ففضل واقف مكانه، ما اتحركش، ولا حتى حاول يقرب، عينيه بس كانت ثابتة على با

نور كانت لسه باصة له… عينيها عليه، وفيهم نفس اللخبطة، نفس الوجع… بس المرة دي كان في حاجة زيادة… حاجة قريبة من قرار.إيدها اتحركت سنة صغيرة فوق الملاية، صوابعها اترعشت كأنها بتقاوم حاجة جواها، وكأنها بتحاول تقرب… أو يمكن تنده له من غير كلام.آسر واقف مكانه، قلبه بيدق بسرعة، مش قادر يتحرك، خايف لو قرب تضيع اللحظة… أو تضيع هي.ثانية… واتنين…نور بلعت ريقها، عينيها ما اتحركتش من عليه، دمعة نزلت ببطء على خدها، وإيدها اتحركت تاني… أقرب شوية لطرف السرير…وفجأة…الباب اتفتح.الدكتور دخل ومعاه ممرضة، وصوتهم قطع اللحظة كأنها ما كانتش.نور اتجمدت، إيدها وقفت في نص الحركة، وعينيها اتحولت بعيد عنه فورًا، كأنها رجعت لنفس الحاجز اللي كانت حاطاه.آسر حس كأن حد شده لورا مرة واحدة.رجع خطوة، سكت… وبلع كل اللي كان هيقوله.الدكتور قرب من السرير بابتسامة خفيفة، بص لنور وقال بهدوء: "صباح الخير… عاملة إيه النهاردة؟"نور بصت له وحركت راسها وقالت "الحمد لله"، عينيها كانت هادية شوية… بس لسه فيها تعب.باباها، قام بسرعة وقاله : "خير يا دكتور؟"الدكتور بص له وقال: "الحمد لله… حالتها بتتحسن كويس جدًا… الاستجابة ك

نور كانت طالعة السلم بسرعة، قلبها بيدق بطريقة غريبة… مش بس من الموقف، لأ… من إحساس إنها سايبة حاجة وراها. أول ما وصلت عند الدور بتعها، وقفت لحظة وكأن جسمها سبقها، بس عقلها لسه تحت. لفت راسها بسرعة ناحية السلم كأنها مستنية تشوفه طالع وراها، بس ما كانش فيه حد. عضّت على شفايفها بخفة، ولفت تاني، فتحت الباب ودخلت بسرعة، وقفلت وراها، وسندت ضهرها على الباب لحظة. سكتت… وقلبها لسه بيدق."مالك في اية ما تهدي…" قالتها لنفسها بصوت واطي، وهي مش فاهمة هي ليه مهتمة أصلاً. بس ما استنتش إجابة، اتحركت بسرعة ناحية أوضتها، فتحت الباب ودخلت، وعلى طول راحت ناحية الشباك. وقفت ورا الستارة وبصت لتحت… وأول ما بصت، لقته. آسر. واقف زي ما هو، رافع عينه لفوق كأنه كان متأكد إنها هتبص.نور اتسمرت مكانها، قلبها دق أقوى، إيدها شدت على طرف الستارة وسحبتها بسرعة شوية كأنها بتستخبى، بس بعد ثواني رجعتها تاني ببطء وبصت له. المرة دي من غير ما تحاول تخبي نفسها. عينهم اتقابلوا من المسافة، ثواني طويلة محدش فيهم اتحرك. آسر ابتسم ، و عينه كانت ثابتة عليها، فيها كلام كتير من غير صوت.نور بلعت ريقها وحست بحرارة في وشها، حاولت تبص

آسر اتحرك فجأة، جري ناحيته بكل قوته، وخطواته كانت سريعة وغاضبة لدرجة إن الأرض نفسها كانت كأنها بتتزحلق تحته. مكنش شايف قدامه غير عمر… ولا سامع غير صوت دقات قلبه اللي بقت أعلى من أي حاجة حواليه."آسر! استنى!"صوت نور طلع وراه، مكسور ومليان خوف، وجسمها اتحرك غصب عنها تجري وراه رغم إن رجليها كانت بتترعش. كانت عارفة إن اللي جاي مش هيبقى سهل، وعارفة إن آسر لو وصله وهو بالحالة دي… مش هيفكر.عمر كان لسه واقف عند عربيته، شايفه جاي عليه، بس ما اتحركش. عينه كانت ثابتة، وفيها نظرة غريبة… مش خوف، مش هروب… حاجة بين الاتنين، كأنه مستني المواجهة دي تحصل او انه مش فارق معاه حد غير نور.آسر قرب منه بسرعة، مسافة صغيرة وبقت بينهم خطوة واحدة، إيده اتقبضت بقوة، وصوته خرج متحشرج من الغضب: "إنت مش خايف بقى وجاي لغابة هنا بنفسك؟!"عمر رد بهدوء غريب: "عاوز أشوفها."الكلمة دي كانت كفاية.آسر مسكه من ياقة قميصه بعنف، زقه على العربية ووشه قرب منه جدًا: "تشوف مين؟! بعد اللي عملته ؟انا مس هخليك تشوف تاني اصلا !"نور وصلت في اللحظة دي، نفسها مقطوع، إيدها مسكت دراع آسر بسرعة: "آسر لا! سيبه!"بس آسر ما سمعش. كان خلا