حنين بعدما بدى عليها ملامح الخوف والتوتر قالت: "يعني التار ده لسه بيآخدوه لحد دلوقت بعد عشرين سنه؟ هو الكلام ده معقول حد ممكن يصدقه؟"أجابها أدهم قائلاً: "اللي متعرفيهوش أن الراچل اللي مات عنديه واد وبتين اتنين متچوزين، الواد كبر وبقي ظابط وشكله أكده هو اللي اخد بتار ابوه."حنين قائلةً: "يعني ممكن يكون هو اللي عمل كده وهو اللي بعتلك الرسالة دي، طيب ده ظابط يعني مش خايف على وظيفته يعني لو هو اللي عمل كده؟ طيب يفكر شويه يعني هو أزاي ده ممكن يحصل، يتحبس بسهولة كده ويبقى قضى على مستقبله بإيده؟ هو في حد كده؟ والله يا أدهم أنا مش قادره أصدق اللي بسمعه منك ده."أدهم قائلاً: "ما هو اخد بتار ابوه ومش بيده، يعني مهيوديش روحه ووظيفته في داهيه ولكن ممكن يسلط حد غيره يعملها وهو بعيد ويده تفضل نضيفه، ما انتي عارفه العادات والتقاليد والچهل. تعرفي لو معملش أكده يفضلوا اهلوا يعايروه طول ما هو عايش ويقولوا عليه عويل معرفش يآخد تار أبوه ويبقى في الراحه والرچعه تريقتهم ويسمعوه حديت يسم البدن لچل ما ينحرروه يآخد بتاره وتار أبوه ويقدر يرفع رآسه بيناتهم."حنين بتوتر قائلةً: "يعني اللي بنشوفه في الأفلام
آخر تحديث : 2026-06-09
