All Chapters of Accidentally Pregnant With The CEO's Child: Chapter 101 - Chapter 110

EZEKIEL VALENCIA POVNakahawak pa rin ako sa kamay ni Alina habang dahan-dahang pumapasok ang SUV namin sa basement ng courthouse. Nararamdaman ko ang panginginig ng mga daliri niya. Kahit pilit niyang itinataas ang kanyang mukha para magmukhang matatag, alam kong malapit na siyang madaig ng kaba. Sino ba naman ang hindi kakabahan? Pagkatapos ng limang taon ng pagtatago at pananakot ng pamilya ko, ngayon lang siya pormal na tatapak sa teritoryo kung saan legal na naming babaklasin ang mga kasinungalingan nina Eduardo."Sir, narito na po tayo," maingat na sabi ni Robert sabay hinto ng sasakyan sa tapat ng elevator na nakalaan para sa mga private entries.Lumingon ako sa labas ng bintana at nakita ko agad ang dalawang security personnel na inarkila ni Attorney Mendoza para bantayan ang paligid. Mabuti na lang at naging mabilis ang pagkilos namin kaninang umaga mula sa penthouse. Kung dumaan kami sa main entrance, paniguradong hinarang na kami ng mga reporter o kaya ng mga tauhan ni Edua

ALINA MONTEJO POVPagkalabas na pagkalabas namin sa court hall, ramdam ko pa rin ang panginginig ng tuhod ko. Parang doon lang nag-sink in sa akin ang lahat ng nangyari sa loob. Naupo muna ako sa bench sa may hallway habang si Ezekiel naman ay abalang nakikipag-usap sa dalawang security guards na kasama namin."Alina, uminom ka muna ng tubig," sabi ni Robert sabay abot sa akin ng isang maliit na bote mula sa dala niyang paper bag."Salamat, Robert," sagot ko at mabilis na binuksan 'un. Sobrang tuyo ng lalamunan ko sa tindi ng kaba kanina habang kaharap ang judge at si Eduardo. Habang nakatitig ako sa bote ng tubig, hindi ko mapigilang balikan sa isip ang bawat segundong lumipas sa loob ng court hall. Noong mga unang buwan namin sa Maynila pagkaalis sa probinsya, nung panahong halos hindi ako makatulog dahil sa takot na baka mahanap kami ng mga tauhan ni Eduardo, pakiramdam ko ay palagi kaming talo sa buhay. Mula nung gabing mapilitan kaming lumuwas, nung makuha kami nina Ezekiel mula

ALINA MONTEJO POVMaganda ang gising ko kinabukasan dahil kahit papaano ay gumaan ang pakiramdam ko pagkatapos ng pagbisita ng social worker. Naghahanda ako ng almusal sa kusina habang si Kian naman ay nanonood ng cartoons sa sala. Pito pa lang ng umaga pero sikat na sikat na ang araw sa labas, sumislip sa malalaking glass windows ng penthouse."Alina, nasaan si Ezekiel?" tanong ni Nanay habang lumalabas mula sa labahan, may dalang tray ng mga nakatuping tuwalya."Nasa study room po yata, Nay. May tinatawagan bago pa ako mag-umpisang magluto," sagot ko habang isinasalin ang sinangag sa isang malaking mangkok.Naisipan kong dalahin si Ezekiel ng kape bago pa lumamig ang inihanda kong pagkain. Paglapit ko sa tapat ng pinto ng study room, napansin kong bahagya itong nakabukas. Rinig ko ang pamilyar at seryosong boses niya na mukhang may kausap na naman sa telepono, kaya napatigil muna ako sa paghakbang."Siguraduhin mo lang na walang makakalusot na anomang pekeng dokumento mula sa Carvaj

ALINA MONTEJO POVAlas-siyete pa lang ng gabi pero ramdam ko na ang bigat ng buong linggong ito. Pagkatapos ng hapunan, dinala muna ni Nanay si Kian sa kwarto para basahan ng kwento bago matulog. Naiwan kami ni Ezekiel sa dining table, kung saan nakalatag pa rin ang ilang kopya ng mga dokumentong iniwan ni Attorney Mendoza."Alina, uminom ka muna ng gatas. Kanina mo pa pinapakitang pagod ka," sabi ni Ezekiel habang inilalapag ang isang baso ng mainit na gatas sa tabi ng mga papel ko."Salamat," pilit akong ngumiti at kinuha ang baso. "Iniisip ko lang kasi 'yung susunod na paghaharap natin sa korte sa susunod na linggo. Kahit sabihing pabor sa atin ang report ng social worker, parang hindi pa rin ako mapalagay.""Natural lang 'yan. Pero tandaan mo, hawak na natin ang pinakamalakas na ebidensya. Si Eduardo ang kailangang magpaliwanag kung bakit may pekeng death certificate si Kian noon," seryosong sagot niya habang nauupo sa tapat ko, tinitignan ang mga notes na isinulat ko sa gilid. I

ALINA MONTEJO POV Alas-otso na ng gabi at tapos na kaming maghapunan. Tahimik na ang buong penthouse dahil dinala na ni Nanay si Kian sa kwarto nito para matulog nang maaga. Bukas ng umaga na ang schedule ng pangalawang hearing, kaya naman ramdam na ramdam ko ang bigat ng hangin sa loob ng bahay. Nakaupo ako sa carpet sa sala habang nakasandal sa couch, pilit na nag-re-review ng mga notes na ibinigay ni Attorney Mendoza kanina. Narinig ko ang mahinang yabag ng mga paa ni Ezekiel pababa mula sa study room niya. May dala siyang dalawang mug ng mainit na tsokolate at dahan-dahang naupo sa sahig, tabi ko. "Inumin mo muna ito. Masyado mong pinapagod ang sarili mo sa pagbabasa," sabi niya habang inaabot sa akin ang isang mug. "Salamat," sagot ko habang tinatanggap 'un. Naramdaman ko ang init ng baso sa malamig kong mga palad. "Hindi lang talaga ako makapili ng posisyon kung paano hihinga nang maluwag ngayon. Parang bawat segundo na lumilipas, mas bumibilis ang tibok ng puso ko." "N