All Chapters of Island of Desire with my Billionaire: Chapter 71

Kinabukasan, dahan-dahang iminulat ni Alyssa ang kaniyang mga mata kasabay ng pagdampi ng banayad na sikat ng araw na sumisingit mula sa siwang ng makapal na kurtina.Ngunit sa pagkakataong iyon, kakaiba ang umaga. Wala na ang pamilyar na kaba sa kaniyang dibdib. Wala na ang takot na laging bumabalot sa kaniyang pagkatao. Wala nang mga misteryosong mensahe o madidilim na lihim na kailangang isipin pagkagising.Sa halip, ang unang bumungad sa kaniyang paningin ay ang maamong mukha ni Damien.Mahimbing itong natutulog sa tabi niya. Ang isang matipunong braso nito ay mahigpit at possessive na nakapulupot sa kaniyang baywang, na para bang kahit sa pagtulog ay pinoprotektahan siya nito at ayaw siyang pakawalan.Isang matamis na ngiti ang sumilay sa mga labi ni Alyssa. Dahan-dahan niyang iniangat ang kaniyang kamay at marahang hinaplos ang magulong buhok ng binata."Dami..." malambing na tawag niya.Bahagyang gumalaw ang lalaki, umungol ng mahina at lalong isiniksik ang mukha sa leeg niya.