All Chapters of Daddy, Let's Get Mommy Back! : Chapter 51 - Chapter 60

Bago pa man makareact si Iya, mabilis na tumakbo ang dalawa patungo sa kaniya. Yumakap si Blake sa kaniyang baywang habang si Drake naman ay yumakap nang mahigpit sa kaniyang bisig. Sa sobrang lakas ng pagtakbo ng kambal, napaatras nang kaunti si Iya at halos maipatong ang kamay sa ulo ng dalawa para hindi sila matumba."Blake? Drake?" gulat na gulat na sambit ni Iya, nanlalaki ang mga mata habang nakatitig sa dalawang bata. Pakiramdam niya ay tumalon ang kaniyang puso sa matinding gulat at saya nang marinig uli ang tawag sa kaniya ng mga ito, pero agad siyang napatingin sa paligid."Mommy, akala namin wala ka na rito!" Umiiyak na sa tuwa si Blake habang nakatingala siya kay Iya. "Akala namin galit ka sa amin ni Daddy!""Mommy, hinanap ka talaga namin ngayong umaga," dugtong ni Drake habang nakakapit pa rin nang mahigpit.Nanlamig ang mga pisngi ni Iya sa tawag ng dalawa lalo na't nararamdaman niyang may nakatitig sa kaniya mula sa ‘di-kalayuan. Nang mag-angat siya ng tingin, nagtagpo

Matapos silang kumain, nanatili pa sila ng kaunting oras sa restaurant habang umiinom ng fruit shake ang kambal. Pinagmamasdan ni Iya ang paligid: ang malalaking glass window na nakaharap sa magandang tanawin at ang malamig na simoy ng hangin na pumasok nang bahagyang binuksan ng waiter ang pinto patungo sa veranda.Mula sa kabilang dulo ng mesa, pormal na inilapag ni Drew ang kaniyang napkin at tumingin sa kaniyang oras. Wala pa ring ngiti sa kaniyang mukha, pilit na pinapanatili ang pader sa pagitan nila ni Iya."Tapos na ba kayong kumain?" tanong ni Drew sa mababang tono, habang nakatitig sa dalawang bata. "Baka gusto niyo nang umuwi para makapagpahinga?""Daddy, ayaw pa po namin!" mabilis na apela ni Blake habang mahigpit na nakakapit sa braso ni Iya. "P’wede po bang mamasyal muna tayo sa may park o kaya maglakad-lakad muna kasama si Ate Iya?""Oo nga po, Daddy," pagsang-ayon ni Drake habang inaayos ang kaniyang salamin. "Maaga pa naman po. Ayaw pa naming maghiwalay kay Ate Iya."

Hindi pa rin bumababa ang mataas na lagnat ng kambal. Nakatayo si Drew sa gilid ng kama habang nakalagay ang mga kamay sa kaniyang bulsa, matigas ang mukha pero bakas ang matinding pagod sa kaniyang mga mata. Nakaitim siyang polo shirt na may nakatupi na mga braso, at gulo-gulo ang kaniyang buhok—isang bagay na bihirang mangyari sa isang taong tulad niya na laging maayos at pormal."Sir Drew, ayaw po talagang kumain nina Blake at Drake," nag-aalalang ulat ni Aling Beth habang hawak ang tray ng lugaw at mainit na tubig. "Kahit 'yong paborito nilang pancake, tinatanggihan nila. Tubig lang ang naiinom nila tapos umiiyak na naman kapag nakakatulog."Lumapit si Drew sa kama. Lumuhod siya sa pagitan nina Blake at Drake at dahan-dahang hinawakan ang kamay ni Blake. Nagdilat ng kaunti ang mga mata ng bata, mamula-mula ang kaniyang mga pisngi at tuyo ang kaniyang mga labi."Daddy..." mahinang bulong ni Blake, paos ang boses. "Si Ate Iya... gusto ko po si Ate Iya...""Ako rin, Daddy..." pabulon

Nang mag-alas-siyete ng gabi, dahan-dahang naibaba ni Iya ang kaniyang telepono matapos makipag-usap sa kaniyang Ahma. Sinadya niyang itago ang totoong dahilan at hindi binanggit ang tungkol sa dalawang batang maysakit, maging ang tungkol sa kaniyang trabaho sa convenience store. Alam niyang kapag nalaman ng matanda na nagtatrabaho siya o nag-aalaga ng anak ng iba, agad siyang papauwiin nito at hindi papayagan. Para sa kaniya, pansamantala lang naman ang lahat. Isang pagtulong lang sa dalawang batang napamahal sa kaniya bago siya tuluyang bumalik sa kaniyang sariling buhay. Paglabas niya sa kuwarto ng kambal, naisipan niyang bumaba muna sa kusina para kumuha ng mainit na tubig. Nang makarating siya sa ibaba, napatigil siya. Nakatayo si Drew sa harap ng malaking glass window sa sala, nakahawak ang dalawang kamay sa kaniyang baywang habang nakatitig sa dilim sa labas. Nakatupi pa rin ang mga braso ng kaniyang polo shirt, at halatang napakagulo ng kaniyang isip.Narinig ni Drew ang mabag

"Ate Iya, ano pong nangyari kay Papa?" natatakot na tanong ni Blake, mabilis na bumaba ng hagdan kasunod si Drake."Bakit po natutulog si Daddy sa sahig? May sakit din po ba siya?" umiiyak na tanong ni Drake habang pumupulupot sa braso ni Iya.Pilit na nagpakagiting si Iya at ngumiti nang kaunti para hindi tuluyang matakot ang dalawa. "Huwag kayong mag-alala, baby. Naambunan lang siguro si Daddy niyo kahapon kaya nilalagnat din siya. Tulungan niyo si Ate Iya, okay?"Mabilis na tumango ang kambal habang pinupunasan ang kanilang mga luha."Blake, kumuha ka ng maliit na planggana ng maligamgam na tubig at dalawang malinis na bimpo sa banyo. Drake, kunin mo 'yong kumot sa sofa at ipatong mo rito sa paa ng Daddymo," utos ni Iya.Mabilis na sumunod ang dalawa. Kahit bata pa, kitang-kita ang pag-aalala sa kani-kanilang mga mukha habang tinutulungan ang dalaga.Dahil hindi kayang buhatin ni Iya si Drew papunta sa k'warto nito sa itaas, nagpasya siyang hilahin ito nang dahan-dahan patungo sa m