All Chapters of Too Late to Win Back His Betrayed Wife: Chapter 231 - Chapter 240

Pagbalik ni Avery sa kanyang mesa, dala pa niya ang folder ng reklamong hahawakan.Isinulat niya ang mga dokumentong kailangan pang hingin, pinagmulan ng completion reports, records ng paglabas ng pera, at mga kasunduang hawak ng investors.Nasa unang pahina ang pangalan ni Nick.Tinakpan niya iyon ng kanyang mga folder.May trabaho siyang kailangang gawin. Hindi niya matatapos iyon kung bawat pagtingin sa pangalan nito ay ibabalik niya ang sarili sa gabing umalis siyang kasama ang mga anak.Nang sumapit ang lunch break, isinara niya ang folder.Dati, itutuloy niya ang pagbabasa hanggang sumakit ang ulo o kumalam ang sikmura. Ngayon, tumayo siya upang kumuha ng tubig.Mas tahimik na ang buhay niya. May sariling oras, trabaho, at mga gabing hindi na niya kailangang hulaan kung saan naroon ang asawa.Ngunit may galit pa rin sa kanyang dibdib.Hindi pa naghihilom ang lahat. Baka kailangan lamang niyang bigyan ang sarili ng panahon, kasama ang pahingang madalas niyang ipagkait sa sarili.

Hindi alam ni Avery na ang lalaking ayaw na niyang balikan ang nagpapadala ng mga regalong nagpapangiti sa kanya.Mula sa loob ng kotse, pinanood ni Nick na basahin nito ang card sa payong. Ilang hakbang lamang ang layo ng asawa, ngunit hindi siya makababa upang magpakilala.Nasa parking si Nick sa tapat ng Top Legal Aid. Paulit-ulit na hinahawi ng wiper ang tubig sa windshield. Sa ilalim ng bubong ng gusali, hawak ni Avery ang payong na ipinakiabot niya sa bata matapos magpaalam sa ina nito.Kanina, dadalhin sana niya iyon sa reception. Saka niya nakita ang asawa na naghihintay sa entrance, sumusulyap sa parking habang bumubuhos ang ulan.Nasa telepono niya ang mga confirmation ng mga orders sa iba’t ibang café, restaurants, at flower shop.Lahat, para kay Avery.Itinaas nito ang telepono sa tenga. May tinatawagan.Napahigpit ang kapit ni Nick sa manibela.Sino kaya ang kausap ni Avery?Hindi niya marinig ang usapan. Nakita lamang niyang napahawak ito sa noo bago ibinaba ang telepono

Tiningnan ni Nick ang dokumentong inilatag ni Avery.“Ang completion report na kasama ng billing. Pero kailangan kong balikan ang buong set para matiyak kung iyon mismo ang ipinakita sa akin.”“Kung ganoon, kailangan namin ang kumpletong kopya.”Ibinigay nito sa abogado niya ang listahan, mga kalakip ng approval, records ng pagproseso, at patunay kung saan napunta ang bayad.Nagkasundo sila sa petsa ng pagsusumite. Walang personal na usapang nakasingit habang tinitipon ni Avery ang mga papel.Bago ito tumayo, nagsalita si Nick.“Kumusta ka?”Huminto ang kamay nito sa folder.“Kung may kulang pa sa listahan, ipaaalam ko sa abogado mo.”“Avery—”“Salamat sa pagpunta.”Tumayo ito at binuksan ang pinto.Hindi na siya humabol.Pagbalik sa PrimeArc, naroon sa mesa ang imbitasyon sa charity auction sa Biyernes. Para sa pabahay ng mga benepisyaryo ang pondong malilikom.Nakumpirma na niya ang pagdalo bago pa ang pulong. PrimeArc ang kakatawanin niya, si Nessa naman ang dadalo para sa Apex Sol

Hindi nakasagot si Nick.May tumawag kay Don Aurelio mula sa pinto ng function room.“Aurelio! Aalis na kayo? May huling bahagi pa ang programa. Samahan muna ninyo kami.”Humarap ang ama sa kanya.“Gusto mo pang manatili?”Sumulyap siya sa kaibigan nitong naghihintay.“Sige po.”Hindi niya kailangang tapusin ang gabi dahil lamang sa asawang hiniwalayan niya.Bumalik siya sa loob kasama ang ama. Sa kanilang mesa, inilapag niya ang kahon sa tabi ng bag. Nakipag-usap si Don Aurelio sa kaibigan nito habang ipinakikilala ng host ang susunod na pagtatanghal.Tinapos lamang pala ang pasasalamat para sa auction.Nakita niyang bumalik din sina Nick at Nessa sa kanilang mesa.Ibinaling niya ang pansin sa entablado.Ngunit hindi pa lumuluwag ang dibdib niya. Kahit wala na sa tabi niya si Nick, ramdam pa rin niya ang presensiya nito.Mrs. Araneta forever. No way!Parang sapat ang apelyido upang mabura ang lahat ng dahilan kung bakit siya umalis.“Magpapahangin lang po ako,” sabi niya kay Don Aure

“Gusto ko. Pero puwede bang ipakuha ko na lang sa reception? Hindi pa ako handang magpakilala. Sa totoo lang, kinakabahan ako.”Binasa ni Avery ang sagot nang dalawang beses.Wala pa ring pangalan. Wala ring address.Napatingin siya sa fruit basket sa sulok ng mesa. Kayang magpadala ng pagkain, bulaklak, at regalo, pero sa pagtanggap ng cookies niya ay kinakabahan?“Cookies lang ang ipapadala ko, hindi summons.”“Hindi ko pa alam kung paano haharap sa ’yo.”May kumatok sa bukas na pinto. Si Ana, may dalang dokumentong kailangang pirmahan ni Avery.“Mukhang good mood po kayo, ah?”“May kausap lang.”Sumulyap ito sa teleponong hawak niya, saka sa mga padala.Ngumiti si Ana, ngunit hindi nagtanong.Pagkaalis nito, bumalik si Avery sa chat.“Dadalhin ko bukas. Puwedeng ipakuha kay Ana nang alas-diyes.”“Sige. Sasabihin ko rin kapag papunta na ang rider.”“May ayaw ka bang ingredients?”“Wala. Kung ano ang gusto mong gawin.”Chocolate chip cookies ang balak niya. Matagal na siyang hindi na