All Chapters of Too Late to Win Back His Betrayed Wife: Chapter 1 - Chapter 10

Hindi alam ni Kiara kung paano niya nagawang umurong mula sa pintuan nang hindi bumigay ang mga tuhod niya.Parang hindi pa rin nagsi-sink in sa kanya ang nasaksihan. Kailangan niyang lumayo, ngunit tumangging sumunod ang katawan niya. Nanatili siyang nakasandal sa malamig na pader habang pilit inuunawa ng isip ang katotohanang matagal nang tinatanggihan ng puso niya.Muli siyang sumilip sa siwang ng pinto.Magkayakap sina Cassian at Natasha. Nagtagpo ulit ang mga labi ng dalawa, mas mapusok kaysa kanina. Narinig niya ang mahinang tawa ni Natasha nang hagkan ni Cassian ang leeg nito.Parang dinaganan ng malaking bato ang dibdib ni Kiara.The pain was too much.Hindi siya makahinga. Pakiramdam niya ay anumang sandali, sasabog muli ang kanyang dibdib sa sobrang sakit. Ilang ulit siyang umiling habang umaagos ang luha sa kanyang mga pisngi.Hindi ito totoo.Baka nananaginip lamang siya. Isa lamang itong bangungot at gigising siyang mag-isa sa dining room, naghihintay pa rin sa asawang hi

Mula sa business district, nagtuloy ang sasakyan sa hotel na pinanggalingan niya kagabi.Huminto ang kotse ni Cassian sa entrance. Makalipas ang ilang minuto, lumabas si Natasha at sumakay sa passenger seat.Mahigpit na napakapit si Kiara sa manibela.Hindi siya maaaring umatras.Sinundan niya ang dalawa hanggang sa isang bar sa kabilang bahagi ng lungsod. Ipinarada niya ang kotse sa kabilang kalye at nanatili sa loob habang nakatutok ang camera ng cellphone sa entrance.Bumaba si Cassian at umikot upang pagbuksan si Natasha.Pagkalapit ni Natasha, ipinalupot nito ang mga braso sa leeg ni Cassian. Hinapit naman siya ng lalaki sa baywang bago sinalubong ang kanyang halik.Tila tumigil muli ang naghihingalo niyang puso.Nanlabo sa luha ang mga mata ni Kiara, ngunit pinilit niyang panatilihing nakatutok ang camera upang makakuha ng mga pictures.Sa bawat kuhang pumapasok sa kanyang gallery, tuluyan namang nawawasak ang kanyang puso.Sunod-sunod niyang kinunan ang pagtataksil ng asawa. Pa

“Ano ang plano mo?” tanong ni Avery.Hindi pa niya kayang sabihin ang lahat, marahil dahil hindi pa rin niya matanggap na kaya niyang umabot sa ganoong paraan.“Alam ko ang kahinaan ni Cassian. Ang pride niya.”Kumunot ang noo ni Avery. “Ano ang balak mong gawin?”“Uunahin kong kumalap ng sapat na ebidensya. Pagkatapos, kakausapin ko siya tungkol sa annulment at ipapakita ko ang lahat.” Tumigas ang boses ni Kiara. “Kapag ayaw niyang mapahiya ang pamilya at kumpanya niya, pakakawalan niya ako nang mapayapa.”“At kapag tumanggi siya?”“May plan B ako.”“Kiara, huwag kang gagawa ng bagay na maaari mong pagsisihan.”Hindi siya sumagot. Sa limang taong pagsasama nila, alam niyang kayang tiisin ni Cassian ang luha, pagsusumamo, at galit niya. Ngunit may isang bagay itong hindi kayang palampasin, ang masaling ang ego nito.Lumapit si Avery at umupo sa tabi niya. “Bago ka kumilos, kailangan muna nating protektahan ang pamilya mo, pera mo, at mga original design. Maaari kang mapahamak sa legal

Sa live feed, nakita ni Kiara na naglapag si Cassian ng isang malaking velvet box sa mesa.Napatuwid siya sa pagkakaupo.Nang buksan ng kanyang asawa ang kahon, tumambad sa screen ang isang kumpletong jewelry set, necklace, earrings, at bracelet na kumikislap sa ilalim ng ilaw ng opisina.Parang may malamig na kamay na pumisil sa puso niya.Kilalang-kilala niya ang bawat detalye ng mga iyon. Siya ang gumuhit ng unang sketch, pumili ng mga bato, at ilang gabing nagpuyat upang matapos ang disenyo noong nakaraang buwan. Bahagi iyon ng collection na hindi pa inilalabas sa market. Maging ang launching date ay hindi pa inaanunsiyo.Ngunit si Natasha na ang unang magkakaroon nito.“Oh, my God!” bulalas ng babae. “It’s beautiful.”“Kunin mo na,” sabi ni Cassian.“Para sa akin lahat?”Tumango ito.Kinuha ni Natasha ang kuwintas at humarap sa salamin. “Ikaw ang magsuot sa akin.”Tumayo si Cassian mula sa swivel chair. Hinawi nito ang buhok ng babae at inilagay sa isang balikat. Pagkatapos ay ik

Dali-daling bumaba ng hagdan si Kiara.Inabutan niya sina Cassian at Natasha sa sala. Nakatayo ang asawa sa tabi ng sofa habang kausap ang isang kasambahay. Si Natasha naman ay nakaupo habang nakahalukipkip na para bang matagal nang pamilyar sa bahay.Ngunit ang malaking maleta sa tabi nito ang nagpahinto kay Kiara sa huling baitang.Hindi simpleng pagdalaw ang pakay ng babae.“Bakit may maleta siya?” tanong niya.Lumingon si Cassian. Mabilis na dumako ang tingin nito sa mukha niya bago bumaba sa gusot niyang damit.“Dito muna titira si Natasha,” sagot nito. “Nagkaproblema ang electrical wiring sa condo niya. May nasunog na outlet at kailangang suriin ang buong linya. Hindi ligtas na matulog doon hangga’t hindi tapos ang repair.”Parang may matalim na bagay na bumaon sa dibdib ni Kiara.Napakaraming hotel sa bayan. May pamilya si Natasha at tiyak na marami itong kaibigang maaaring magpatuloy sa kanya. Puwede rin itong lumipat sa ibang condo.Bakit kailangang sa bahay nila?“Sorry, Kia