Novelas web de Third-Person POV Romance e historias con Intelligent

Anim na taong pinalaking mag-isa ng isang ulila at dalagang inang si Tasha Lane ang kaniyang anak na lalaking si Bailey. Isang kahig, isang tuka man ang uri ng pamumuhay, lumaking edukado si Bailey na mayroong pambihirang katalinuhan at interes sa panggagamot at medisina. Iniimbak niya ang kaniyang karunungan—sapat upang maging laging handa para matulungan ang kaniyang inang tila lapitin sa aksidente. “Bailey, saan mo ba natutunan lahat ng 'yan?” Pagtatakang tanong ni Tasha sa kaniyang anak na tutok sa pagpapatak ng betadine sa maliit na hiwa ng kaniyang ina. “Sa books.” “Lahat?” “Mostly. May videos din. But I don’t watch them when you’re around. Sabi mo kasi, baka hindi ako makatulog.” “BAILEY! Hindi naman talaga dapat nanonood ng gano'n ang anim na taong gulang!” “Five ako noong una kong napanood. For educational purposes, ma.” Napapailing na lang palagi si Tasha sapagkat minsan, iniisip niyang may matandang doktor na nakasapi sa katawan ng kaniyang anak. Ngunit lingid sa kanilang kaalaman, ang pambihirang kakayahan at pagkakahawig ni Bailey sa tinaguriang prodigy at billionaire doctor na si Dr. Kael Reed ang siyang magkokonekta sa kanilang mga buhay at mag-uungkat sa anim na taong lihim na maaaring magpabago sa kanilang kapalaran magpakailanman.

Sa loob ng sampung taon, itinago ni Allan Santos ang tunay na pagkatao ni Jane Vasquez—ang babaeng pinakasalan niya matapos itong mabuntis. Para sa pamilya ni Allan, isa lamang si Jane sa mga babaeng naghahanap ng pagkakataong makapangasawa ng mayaman. Nakilala niya si Allan sa isang bar kung saan nagtatrabaho siya tuwing gabi. Hindi nila alam na sa umaga, isa siyang respetadong propesyonal at dating Chief Technology Officer (CTO) ng Aurelion Technologies International, isang kilalang kumpanya sa larangan ng teknolohiya at artificial intelligence. Nagtatrabaho si Jane sa bar hindi dahil wala siyang ibang kakayahan, kundi dahil kailangan niyang makalikom ng pera para sa operasyon ng kaniyang ina. Ngunit nang mabuntis siya at pakasalan ni Allan, iniwan niya ang kaniyang mataas na posisyon upang italaga ang sarili sa kaniyang pamilya. Para sa kanila, isa siyang babaeng mapagsamantala. Para sa kaniyang biyenan, hindi siya karapat-dapat sa kanilang pamilya. Ngunit ang pinakamasakit na katotohanan ay hindi lamang ang pangmamaliit sa kaniya. Kundi ang araw na nalaman niyang ikakasal ang sarili niyang asawa sa dating secretary ng kanyang asawa na si Alexa Cruz. Sa araw ng kasal, sa harap ng mga panauhin at ng pamilyang minsang ipinaglaban niya, tuluyan nang gumuho ang mundong binuo ni Jane. Sa halip na humingi ng tawad, itinaboy siya ni Allan. Maging ang sarili niyang anak ay pinili ang babaeng papalit sa kaniya. Pagkatapos ng sampung taon ng pagtitiis at pagsasakripisyo, tuluyan siyang lumayo sa lalaking minahal niya nang higit pa sa sarili niya. Ngunit hindi alam ni Allan na ang babaeng itinuring niyang pabigat ay ang mismong propesyonal na kailangan ng kaniyang kumpanya. Hindi niya alam na ang dating CTO na matagal nang hinahanap ng Aurelion Technologies International ay walang iba kundi ang sarili niyang asawa.

“Gusto mo ba akong pakasalan?” Napatingin si Lalaine Velasco sa lalaking nasa harapan niya. Sa kanyang unang buhay, naniwala si Lalaine sa maling mga tao. Ibinigay niya ang kanyang kabaitan, pagkain, at tiwala sa mga taong tinawag niyang kaibigan. Ngunit ang kapalit? Pagtataksil, kahihiyan, at isang buhay na puno ng pagsisisi. Ang kanyang pinakamatalik na kaibigan na si Rowena Villaruel, ang nagdala sa kanya sa kapahamakan. Si Carlos Villapando naman, ang lalaking pilit niyang tinanggihan, ang muntik nang sumira sa kanyang kinabukasan. Ngunit nang akala niya ay wala nang pag-asa, bigla siyang nagising sa nakaraan. Bumalik siya sa panahong ipinadala ang mga kabataan sa kanayunan—sa lugar kung saan nagsimula ang kanyang mga paghihirap. Sa pagkakataong ito, hindi na siya ang dating Lalaine. Pinangako niya sa sarili na hindi na siya magpapagamit kahit kanino at hindi na niya hahayaang may ibang magdikta ng kanyang kapalaran.  Dahil dito gumawa siya ng isang desisyong ikagugulat ng lahat. Pakakasalan niya si Jason Madrigal. Ang lalaking itinakwil ng buong nayon. Ang lalaking tinatawag nilang masama at sapilitang pinatira sa isang lumang kulungan ng baka. Ngunit may isang bagay na alam ni Lalaine na hindi alam ng iba. Ang lalaking kinukutya nila ay may nakatagong potensyal na maaaring magbago ng kanilang kapalaran. Ang problema? Hindi madaling pagkatiwalaan ang isang Jason Madrigal. Malamig ang kanyang mga mata, misteryoso ang kanyang pagkatao, at tila alam niyang may itinatago ang kanyang bagong asawa. Bakit biglang nagbago si Lalaine? Bakit tila alam nito ang mga bagay na hindi pa nangyayari? At bakit, sa kabila ng kanyang tapang, nanginginig siya sa tuwing lumalapit ang lalaki? Bumalik si Lalaine para sa paghihiganti. Ngunit hindi niya inaasahan na ang lalaking pinakasalan niya para sa kanyang kaligtasan ang magiging pinakamalaking misteryo ng kanyang bagong buhay. At maaaring… ang kanyang pinakamalaking pag-ibig.

“Kung kailangan kong magpakasal sa isang estranghero para makaligtas sa sarili kong pamilya, gagawin ko!” Iyon ang naging paninindigan ni Andrea Villanueva nang malaman niyang hindi siya tunay na anak ng pamilyang kumupkop sa kanya. Sa loob ng dalawampung taon, naniwala siyang minahal siya ng mga Villanueva—hanggang sa bumalik ang kanilang tunay na anak at tuluyang mabunyag ang lihim na matagal nilang itinago. Upang maisalba ang negosyo ng pamilya, nilasing at ipinagamit siya ng mga taong itinuring niyang magulang sa isang mayamang matandang lalaki. Ngunit sa desperadong pagtakas ni Andrea, napadpad siya sa isang estranghero—si Alexander Monteverde, ang makapangyarihan at malamig na pinuno ng isang malaking business empire. Pareho silang nasa ilalim ng impluwensiya ng gamot. Isang gabing hindi nila inaasahan ang nagbuklod sa kanilang dalawa, at kinabukasan, isang alok ang nagpabago sa buhay ni Andrea: kasal. Para kay Alexander, ang pagpapakasal ay paraan upang matigil ang pangungulit ng kanyang lolo. Para naman kay Andrea, ang pagiging asawa ng isang makapangyarihang lalaki ang maaaring maging panangga laban sa pamilyang minsang nagtaksil sa kanya. Kaya pumayag siyang sumugal—kahit halos hindi niya kilala ang lalaking magiging asawa niya. Sa isang iglap, naging asawa ng malamig at mailap na bilyonaryo ang dalagang itinuring lamang na kapalit. Ngunit sa likod ng kanilang kasal na nagsimula sa kasunduan, may mga damdaming hindi nila kayang kontrolin. Nang mabalitaan ni Andrea na bumalik na sa bansa ang babaeng pinaniniwalaang unang minahal ni Alexander, iniwan niya ang kasunduan sa diborsiyo at tumakas. Akala niya, madali siyang pakakawalan ng kanyang asawa. Ngunit sa gabing iyon, sa harap ng bintanang tanaw ang lungsod, hinarap siya ni Alexander at bumulong: “Wala akong ibang babaeng iniingatan sa puso ko. Ikaw lang, Andrea.” Kung kasal ang nagsimula sa isang gabing hindi nila maalala, pag-ibig ba ang magiging dahilan para hindi na sila maghiwalay?