Novel Web Romance & Cerita Teenager Second Chance Tragedy

Si Athena Buenaventura ay nasaktan nang matuklasan niyang maaaring hindi naging totoo ang pagmamahal sa kaniya ni Akhiro Fuentes. Ang mas masakit, ang sarili niyang kakambal na si Alexa ang sangkot sa panlilinlang na sumira sa tiwala niya. Nang mabunyag ang katotohanan sa likod ng mga cookies at sticky note, sumabog ang matagal nang kinikimkim na galit, selos, at sakit. Sa gitna ng kanilang paghaharap, muntik nang mahulog si Athena sa hagdan—isang sandaling nagpaunawa kay Akhiro kung gaano siya kalapit na tuluyang mawala sa buhay nito. Nailigtas man niya si Athena, hindi ito nangangahulugang maililigtas din niya ang pag-ibig na siya mismo ang sumira. Ngayon, kailangan ni Akhiro na patunayan na higit pa sa mga salita ang kaniyang pagsisisi at na tunay ang pagmamahal niya kay Athena. Ngunit matapos ang lahat ng kasinungalingan, kaya pa bang magtiwala si Athena sa lalaking minsang dumurog sa kaniyang puso? Darating ang araw na matututuhan ni Akhiro ang pinakamapait na aral—na may mga pag-ibig na dumarating lamang kapag huli na ang lahat?

“Bawal ako sa'yo... pero bakit puso ko ang lumalaban?” Si Amara Villanueva ay isang ordinaryong dalagang tahimik ang buhay sa bayan ng El Cielo. Pero nagbago ang lahat nang isang gabi’y matuklasan niyang isa siyang Loba — isang babaeng lobo na isinumpa ang kapangyarihan. Sa gitna ng kaguluhan, dumating ang makapangyarihang Alpha na si Kael Donovan—mapanganib, mailap, at hindi dapat sa kanya. Pero kahit anong pilit nilang lumayo sa isa’t isa, mas lalong humihigpit ang ugnayan nilang pinagtagpo ng tadhana... at ng iisang kapangyarihang hindi nila lubos na naiintindihan. Handa ba si Amara na suwayin ang batas ng Buwan para sa lalaking ipinagbabawal sa kanya? O tuluyan siyang magpaparaya sa takot at kapalaran?

Noong high school, si Elise ang tahimik na babaeng halos walang nakakapansin—hanggang sa magsimulang dumating ang anonymous letters sa locker niya. Mga sulat mula sa isang taong napapansin ang maliliit na bagay tungkol sa kanya na akala niya’y walang nakakakita. Hanggang sa biglang tumigil ang mga letters… at dumating si Jason, ang campus heartthrob na kalaunan ay naging asawa niya. Minahal siya nito. Pinakasalan niya ito. At para sa kanilang pamilya, isinantabi ni Elise ang sarili niyang mga pangarap. Pero matapos ang lahat ng sakripisyo niya, ibang babae ang pinili ni Jason. Umalis si Elise dala ang anak nila at nagsimulang muli. Makalipas ang ilang taon, muli silang nagkita—pero wala na ang simpleng babaeng iniwan niya. At habang desperadong sinusubukan ni Jason na bawiin ang dating asawa… Isang lumang sulat ang muling lilitaw. Isang sulat na maaaring magpabago sa lahat ng pinaniwalaan ni Elise tungkol sa unang lalaking nagmahal sa kanya.