Karen Puno Novels & Stories

Akala ni Luna, magiging katulad ng sa mga magulang niya ang buhay-pag-ibig niya—isang "happy ending" na puno ng tamis at saya. Pero nagkamali siya. Dahil sa likod ng marangyang buhay kasama ang bilyonaryong asawa na si Caleb, may mga madidilim na sikretong unti-unti siyang dinudurog. Natuklasan ni Luna ang isang masakit na katotohanan: Noong bago pa lang silang magkarelasyon, may nabuntis na pala si Caleb at itinago ito sa kanya sa loob ng mahabang panahon. Sa kabila ng pagtataksil na ito, mas pinili ni Luna ang magmahal kaysa magalit. Sinisi niya ang sarili dahil hindi siya magkaanak—iniisip niyang kaya lang nagawa iyon ni Caleb ay dahil sa sobrang paghahangad nito ng isang pamilya na hindi niya maibigay. Dahil sa takot na mawala ang lalaking mahal niya, tinanggap niya ang bata... pati na ang kabit ni Caleb sa loob ng sarili nilang tahanan. Ngunit hanggang kailan kaya ni Luna ang magtiis? Araw-araw niyang nakikita ang kabit ng asawa sa sarili niyang bahay, unti-unting kinukuha ang kanyang pwesto, at dahan-dahang pinapalitan siya sa puso ni Caleb. Hanggang kailan mananatiling "Legal Wife" si Luna kung ang sarili niyang bahay ay naging kulungan na ng kanyang pait at selos? Kakayanin ba niyang ilaban ang pagsasama nila, o huli na ang lahat para sa kanyang masayang pangarap? "Ako ang legal, ako ang asawa; pero bakit sa sariling bahay, ako ang laging kawawa? Ako ang reynang may korona sa paningin ng iba, pero sa puso ng asawa ko, may nakasingit nang iba."

Narnia Melpomene Alvarez—ang tinaguriang "rebelde" na kakambal ni Urania, ayon sa kaniyang tiyuhin na si Luis Grimaldi. Buong buhay niya, iisa lang ang kanyang layunin: ang makamit ang hustisya para sa kanyang mga magulang, anuman ang kapalit. Sa murang edad pa lamang, buo na ang kanyang loob na ipaglaban ito, kahit sariling buhay ang isugal, lalo na para sa natitira niyang pamilya—ang kakambal niyang si Urania. Kaya’t hindi na nakapagtataka nang sumali siya sa isang lihim na grupo na konektado sa underground society. Alam niyang delikado ito, pero iyon ang tanging paraan para maabot ang matagal niyang pinapangarap. Ngunit isang gabi ang nagbago ng lahat—isang gabing ginulo ng hindi inaasahang estranghero. Ang pagtulong niya kay Zuhair Eros Smith ay tila isang maling hakbang na hinding-hindi niya makakalimutan. Bigla na lang napasok si Eros sa buhay niya—isang lalaking misteryoso, mapang-asar, at puno ng mga lihim. Wala sa plano ni Narnia ang pagbukas ng kanyang puso para sa sinuman, lalo pa’t hindi niya lubos kilala ang lalaking tila may koneksyon sa kanyang madilim na nakaraan. Hanggang saan ang kaya niyang isugal para sa pangako niya sa kanyang pamilya? Paano kung ang taong nagbubukas ng pintuan sa pagmamahal ay isa ring susi sa kasinungalingan? At paano kung ang laban para sa hustisya ay makasira sa pag-ibig na unti-unting namumuo? Ngayong nagbabanggaan ang kanyang puso at prinsipyo, kailangan niyang pumili: ipaglaban ang nakaraan o tanggapin ang pagmamahal na dala ng lalaking hindi niya sigurado kung kaibigan o kalaban.

Isang babaeng walang takot magmahal ngunit hindi pa kailanman tunay na umibig. Isang lalaking isinara na ang puso dahil sa pagkawala ng kanyang asawa. At isang batang naghihintay sa pagmamahal ng isang ina. Si Vanessa De Jesus ay isang masayahin, palabiro, at walang preno kung magsalita. Sa paghahanap ng trabaho, hindi niya inaasahang mapapasok siya sa kakaibang mundo ng mayamang negosyanteng si Vincent Curt Lee—isang malamig, istrikto, at halos walang pusong lalaki pagdating sa negosyo. Ang trabahong inaalok sa kanya? Magpanggap bilang si Chelsea Jimenez Lee, ang nawawalang asawa ni Vince at ina ng batang si Vincent. Sa mata ng publiko, buhay pa si Chelsea. Ngunit sa katotohanan, nababalot ng misteryo ang kanyang pagkamatay. Upang mapasaya ang anak na may sakit at nangungulila sa ina, pumayag si Vanessa na gampanan ang papel na hindi niya akalaing babago sa buhay niya. Sa loob ng mansyon, nagsimula ang isang kontratang puno ng mahigpit na patakaran—lalo na ang isang rule na tila pinakamahirap sundin: “Don’t you dare to fall in love with me.” Ngunit paano kung sa bawat pagtatalo, sa bawat banggaan ng personalidad, at sa bawat sandaling magkasama sila, unti-unting nabubuksan ang pusong matagal nang nakapinid? Habang lumalalim ang kanilang pagsasama, mabubunyag ang mga lihim sa likod ng aksidente ni Chelsea. Aksidente nga ba ito? O may mas malalim na dahilan sa likod ng pagkawala? Sa pagitan ng pagpapanggap at katotohanan, sa pagitan ng obligasyon at tunay na damdamin— maaari bang mahalin ng isang puso ang someone like you?

“A marriage of convenience… turned into a love worth fighting for.” Isang kasal na hindi pinili, kundi ipinilit ng kapalaran. Para kay Vernice, ang kasal ay isang bagay na dapat nagmumula sa pagmamahal at hindi sa kasunduan. Ngunit biglang nagbago ang lahat nang mapilitan siyang pumayag sa isang arranged marriage—at ang lalaking nakatakda niyang pakasalan ay walang iba kundi si Caius, isang makapangyarihang negosyante na kilala sa kanyang malamig na ugali at walang interes sa pag-ibig. Sa simula, parang isang bangungot ang pagsasama nila. Ang buhay ng isang simpleng babae ay biglang naipit sa mundo ng karangyaan, intriga, at matinding pressure na dala ng pagiging asawa ng isang kilalang billionaire. Sa kanilang pagsasama, tila dalawang magkaibang mundo ang pinilit na pinagtatagpo—isang pusong naghahanap ng pagmamahal at isang pusong sanay nang magtago sa likod ng yaman at kapangyarihan. Ngunit habang lumilipas ang mga araw, may mga simpleng bagay na unti-unting nagbabago. Ang mga tingin na dati ay malamig, naging mainit. Ang mga usapan na dati ay pormal at walang saysay, nagiging puno ng lambing at tawa. At ang kasal na dati’y walang emosyon, nagiging isang tahanan ng pag-ibig na hindi nila inasahan. Subalit hindi mawawala ang mga pagsubok—mga taong tututol, intriga ng lipunan, at takot na baka ang lahat ng ito ay pansamantala lamang. Ngunit sa kabila ng lahat, matutuklasan nilang hindi ang kasunduan ang magtatali sa kanila, kundi ang pusong natutong magmahal ng totoo. Isang kwento ng dalawang taong hindi pinili ang isa’t isa, pero pinili ng tadhana. Sa huli, mapapatunayan nilang minsan, ang pagmamahal ay dumarating sa pinaka–hindi inaasahang paraan.

SPG | R-18 Sa edad na bente cuatro ay isang licensed agriculturist na si Hera at nagtatrabaho para sa bayan nila. Magisa na lang siya sa buhay, ngunit sinusuportahan siya ng ama niyang gobernador kahit na tagong anak lang siya. Tanging ang puno, lupa at mga hayop lang ang bumubuo sa kaniyang mundo. Not until she becomes a witness to a murder, an event that shatters her peaceful existence. Nasaksihan niya ang isang karumal-dumal na pagpatay ng isang nakamaskarang salarin malapit sa tirahan niya. Plano rin siyang patayin ng killer, ngunit naunahan niya ito. Isang desperadong hampas niya lang ng pala niya sa ulo nito, ay naging duguan ito at nawalan ng malay. Akala niya ay makukulong din siya, kaya tinawagan niya ang ama niya. That's when she find out that the man was actually a dangerous mafia. Isang mafia lang naman ang kinalaban niya! At higit sa lahat, ay hindi raw ito magigising agad dahil na-comatose ito. Upang makaligtas mula sa iba pang masasamang tao na siguradong maghahanap sa lalaki, ay sinunod ni Hera ang utos ng kanyang amang gobernador— “Hide him. Keep him alive. Never ask why.” He becomes her darkest secret—but not forever. After a year, the man awakens with no memory of who he is. Sa takot na mapatay siya nito ay naghasik si Hera ng isang delikadong kasinungalingan— “Ako ang asawa mo.” As the days passed by, the man craves her touch, while she prays he’ll never regain his memories. Kakayanin niya ba ang bawat nagaalab na haplos ng lalaking kinatatakutan niya? Hera thought that her lies would save her forever, pero paano kung bumalik ang memorya ng lalaki?

Alessandra “Aly” Reyes lives for freedom. Party nights, loud music, endless drinks, and reckless adventures with her friends iyon ang mundo niya. Hindi siya naniniwala sa seryosong commitment. Para sa kanya, ang buhay ay para i-enjoy habang bata pa. Until one reckless night changes everything. Isang exclusive pool party ang inattendan nila ng barkada niya isang party na puno ng mayayaman, celebrities, at mga taong hindi basta-basta naaabot ng ordinaryong tao. Ayaw niyang maging killjoy kaya tinanggap niya lahat ng challenges. Shots after shots. Dares. Wild dancing. Until everything went black. At paggising niya… She finds herself inside a luxurious penthouse suite, wearing a diamond wedding ring. Kasama ang lalaking kinatatakutan ng buong siyudad. Damon Mondragon. A billionaire. A mafia king. A man powerful enough to make politicians kneel and criminals disappear overnight. At higit sa lahat… Her husband. Hindi maalala ni Aly kung paano nangyari ang kasal. Kung bakit may pirma siya sa marriage contract. O bakit nanginginig sa takot ang pamilya niya nang makita ang apelyidong “Mondragon” sa marriage certificate. Dahil kilala ng lahat si Damon Mondragon. At alam ng buong mundo na walang sinumang basta nakakatakas sa kanya. Pero isang bagay ang malinaw Hindi aksidente ang lahat. At si Damon Mondragon ay hindi isang lalaking nagkakamali. Cold. Possessive. Dangerous. Simula nang makita siya nito sa party, may nabuo nang obsession sa isip ng mafia king. At ngayong kasal na sila, wala na siyang balak pakawalan pa si Aly. Gusto man niyang tumakas… Paano ka tatakas sa lalaking kayang kontrolin ang buong mundo? Lalo na kung habang tumatagal… Unti-unti ka ring nahuhulog sa lalaking dapat niyang katakutan.

The Billionaire Soldier & The Heiress Doctor Dalawang bilyonaryo. Isang maputik na bundok. Isang malaking kasinungalingan. Si Dr. Seraphina Villaraza ay ang nag-iisang prinsesa ng pinakamalaking medical empire sa bansa. Para takasan ang isang arranged marriage, nagtago siya at nag-volunteer sa isang liblib at mapanganib na military outpost sa kabundukan ng Lopez, Quezon. Ang kwento niya sa lahat? Isa siyang dukhang iskolar na baon sa utang. Si Captain Niguel Arandia ay ang kinatatakutang lider ng Special Forces. Ang hindi alam ng kanyang mga tauhan, siya ang "black sheep" at tagapagmana ng bilyun-bilyong halaga ng Arandia Conglomerate. Ang kwento niya sa kampo? Araw-araw siyang nagbubuwis ng buhay sa mga delikadong misyon para may maipakain sa kanyang pamilya. Nang magkrus ang landas nila sa gitna ng digmaan at putik, sumiklab ang isang laro ng asaran at pagpapanggap. Nagtitiyaga sila sa sardinas at instant noodles para mapanatili ang kanilang mga sikreto, habang pilit nilalabanan ang nakakapasong tensyon sa tuwing magsasara ang flap ng kanilang medical tent. Sa gitna ng ulan, panganib, at mga nakaw na sandali, tuluyang nahulog ang loob nila sa isa't isa. Nangako silang aahon sa "kahirapan" nang magkasama. Ngunit pinaghiwalay sila ng isang madugong trahedya. Dalawang taon ang lumipas, muling nagtagpo ang kanilang mga landas—hindi sa isang madungis na kampo, kundi sa isang marangyang VIP Charity Auction sa Maynila. Wala nang mga pekeng utang at butas na uniporme. Dalawang bilyonaryong puno ng pride, galit, at matagal nang naipong pagnanasa ang maghaharap. Handa na ba silang isuko ang kanilang mga ego, o ang paghihiganti ba ang magiging bagong laro nila sa ibabaw ng kama?

Territorial Mafia Men Series #1: DEMETRI SYLVESTRE (SSPG) Si Demetri Sylvestre ay isang makapangyarihan at walang-awang Mafia Boss. Sanay siyang palaging nakakakuha ng gusto niya. Ngunit nagbago ang takbo ng kanyang mundo nang makilala niya si Snow Hidalgo, isang maganda at mabait na aktres na nakatakdang ikasal sa half-brother niyang si Marcus. Lingid sa kaalaman ng dalawa, may mas madilim pala silang koneksyon sa nakaraan. Isang lihim na matagal nang ibinaon sa limot at siyang ugat ng trauma ni Snow. Nang matuklasan ni Demetri na si Snow ay kasintahan ni Marcus, ginamit niya ang kanyang kapangyarihan at talino sa manipulasyon upang sirain ang relasyon ng dalawa. Sa gitna ng sakit at kalituhan, nauwi sa kasalan si Snow at Demetri. Naging mag-asawa nga sila, ngunit nananatiling hindi niya hawak ang puso ni Snow dahil ito’y naiwan pa rin sa nakaraan. Habang lumalalim ang kasinungalingan, galit, at pagnanasa, mas tumitindi ang labanan hindi lang para sa pag-ibig ni Snow kundi para sa kontrol sa kanyang buhay. Hanggang sa isang panahong puno ng pagkawala at muling pagbabalik, kinailangan niyang pumili; hindi lang sa pagitan ng dalawang lalaki, kundi sa kapayapaan ng kanyang puso. Tatlong taon ang lumipas. Muling bumangon si Snow. Umangat ang kanyang karera, at sa wakas, natuklasan niya kung sino talaga ang tunay na mahal niya. At gaya ng isang dasal na sinagot ng tadhana, bumalik ang lalaking pinili ng kanyang puso… pero hindi siya nag-iisa. Sa muling pagkikita, kinailangan ni Snow harapin ang nakaraan at ang kasalukuyan. Sa huli, pinili niya ang pagmamahal, hindi bilang isang tanikala, kundi bilang isang desisyong malaya at totoo.

Sa isang mundong pinaghaharian ng yaman at kapangyarihan, ipinanganak si Elena Cruz sa kahirapan. Maganda siya—mala-porselanang kutis, brown ang mata, at may alindog na kahit sa simpleng ayos ay nakakakuha ng pansin. Pero sa likod ng ganda, puno ng sugat ang kanyang buhay—ama niyang lulong sa sugal at inang kasambahay sa pamilya ng mga Monteverde, isa sa pinakamayamang angkan sa bansa. Isang gabi, nagbago ang lahat. Sa desperasyon at gutom, nagnakaw ang kanyang ama mula sa mansion ng mga Monteverde—isang kasalanang nahuli sa CCTV. At nang mabunyag ito, nasira hindi lang ang tiwala, kundi pati ang buhay nilang mag-ina. Sa gitna ng kahihiyan, pagkakautang, at apoy na sumunog sa kanilang tahanan, namatay ang kanyang ina sa konsensya at pangamba, habang nagtatago naman ang ama. Walang ibang natira kay Elena kundi ang pangalang minantsahan ng kasalanan. Hanggang sa isang gabi, muling tumagpo ang landas nila ni Lance Monteverde—ang bilyonaryong CEO na anak ng among pinagsilbihan ng kanyang ina. Malamig, makapangyarihan, at walang pakialam sa pag-ibig. Ngunit sa kabila ng lahat, tila may kakaibang puwersang nagtulak sa kanya na iligtas si Elena mula sa kamay ng mga mapang-abusong nanghihingi ng utang. Kapalit ng kaligtasan, isang alok ang binitawan ni Lance: “Babayaran ko ang lahat ng utang mo, Elena. Pero may kapalit... ikaw.” Sa pagitan ng utang, galit, at pag-ibig na unti-unting tumutubo sa gitna ng poot—mapipilitan si Elena na maging asawa ng lalaking kinaiinisan at kinatatakutan niya… ang lalaking unti-unti ring matututo kung ano ang tunay na halaga ng pag-ibig at pagkatao. Ngunit sa mundo ng mga Monteverde, walang libre. At sa dulo ng bawat pangako, may kapalit na kalayaan.

Hindi kailanman inakala ni Luhan na ang isang gabing dapat ay simpleng “boy’s night out” lamang ang sisira sa pinaghirapan niyang relasyon at nakatakdang kasal kay Stephanie. Sa isang iglap, nasangkot siya sa isang gabing puno ng alak at kalituhan—at nagising na may nangyari sa pagitan niya at isang babaeng hindi niya kilala. Sa desperasyong linisin ang kanyang pangalan, hinanap niya si Bella, ang kaibigang maaaring makapagpatunay na hindi niya ginusto ang nangyari. Samantala, pasan ni Cattleya ang mabigat na responsibilidad bilang ina kay Kesleigh, isang batang may sakit sa puso. Sa gitna ng problema sa pera, pagkawala ng tirahan, at trabaho, napilitan siyang tanggapin ang alok na maging sekretarya ng isang istriktong boss—si Luhan. Sa una’y puro iringan ang namagitan sa kanila, lalo na nang pagbawalan siyang magdala ng anak sa opisina. Ngunit habang tumatagal, unti-unting nahulog ang kanilang mga puso sa isa’t isa. Naging masalimuot ang lahat nang muling manggulo si Stephanie at unti-unting mabunyag ang koneksyon ng nakaraan. Isang rebelasyon ang yumanig sa mundo ni Cattleya—si Luhan ang lalaking nakatalik niya noon. Sa takot na mawala ito, itinago niya ang katotohanan, hanggang sa isang hindi inaasahang pagtatagpo ang naglantad ng lahat. Dumagdag pa sa kaguluhan ang paglitaw ni Caloy na nag-angking ama ni Kesleigh. Nasubok ang tiwala ni Luhan, ngunit pinatunayan ng DNA test na siya ang tunay na ama. Sa araw ng pag-alis nina Cattleya patungong ibang bansa, pinili ni Luhan na habulin sila—handa mang maghintay, umaasang balang araw ay mabubuo rin ang kanilang pamilya.