Numero Ng Panaginip Novels & Stories

Anim na taon ang nakalipas nang walang-awang hiniwalayan ng mayamang si Celine Villareal ang scholar na si Jaxson De Silva. Ngayon, nagkabaliktad na ang ikot ng mundo. Si Celine ay naghihirap at baon sa utang mula sa isang mapang-abusong pagsasama, habang si Jax ay isa nang tanyag at makapangyarihang abogado. Muli silang pinagtagpo ng tadhana nang si Jax ang naging tanging pag-asa ni Celine upang makalaya. Malamig ang trato ng abogado at puno ng sumbat ang bawat salita, tila ipinamumukha na ang pagdurusa ng babae ay kabayaran sa nakaraan. Ngunit sa likod ng maskara ng poot, nagliliyab pa rin ang dating damdamin. Nang tangkain ni Celine na lumayo, gumuho ang pagpipigil ni Jax. Hindi siya nagbalik para manisi, kundi upang siguraduhing hindi na ito muling mawawala. Ang poot ay isa lamang mapanganib na anyo ng pagnanasa.

Ipinagbili si Elaris Vaeloria ng sarili niyang ama sa makapangyaring pamilyang Montefalco— at doon, tuluyan siyang  nawala sa mundo ng kalayaan at dangal. Ginapos ng utos, kontrol, at takot, natutunan niyang ang bawat sandaling malaya ay may kapalit. Sa gitna ng sakit at pagdududa, matapos iligtas ay tumakas siya kay Damian Vossryn, naniniwalang lahat ng kapangyarihan ay nagdudulot ng pagkawasak. Pero nagbaho si Damian. Ang halimaw na kinatatakutan ng mundo ay natutong maramdaman... ang pagmamahal. At nang muling pagtagpuin sila ng tadhana, hindi na niya hinihingi ang pagsuko ni Elaris— ang puso na niya ang kaniyang nais. Ngunit sa mundong pinaghaharian ng dugo at lihim, may puwang pa ba ang pag-ibig na marupok... o nakatadhana rin itong masira?

Nang maiwan kay Claire Rivera ang malaking responsibilidad bilang tagapangalaga ng bahay-ampunan, ang pagiging isang mananahi ay hindi sapat para tustusan ang pangangailangan ng mga ulilang bata. Sapagkat tila ba ay pinaburan siya ng tadhana nang makilala niya si Leon S. Manuel III, tagapagmana ng isang malaking fashion house sa Pilipinas, na nag-alok sa kanya ng kasal para sa ikabubuti ng bahay-ampunan. He needed a bride. She needed the money. Ang kasanduan nilang dalawa ay para lamang sa pagkakaisa ng kanilang pangunahing responsibilidad. Sapagkat nang umusbong ang pagkakahumaling nila para sa isa't isa, ang kanilang kasunduan ay tila ba naging wala ng saysay.

Si Trixie ay isang mapagmahal na ina sa kanyang anak na babae at ang tanging nais ay ang mabigyan ito ng magandang kinabukasan. Hindi niya inakalang makikilala niya si Derrick, ang anak ng may-ari ng kompanyang kalaban ng kanyang kinilalang pamilya simula pagkabata. May pag-asa ba para sa pagmamahalan ng dalawang taong naipit sa gitna ng magkalabang pamilya? Ipaglalaban ba nila ang pagmamahalan para sa isa't-isa? O kakalimutan na lamang ito para sa katahimikan ng mga buhay nila?

Magpapanggap si Gwen bilang ina ng kambal na anak ni Elijah Smith, ang CEO na kinakatakutan ng marami. Malaking katanungan kay Gwen kung bakit niya kamuka ang nobya ng kaniyang boss. Isama mo pa na naaalala niya ang anak niyang hindi manlang nasilayan ng siya'y manganak dahil ibineta ito ng tiya sa hindi kilalang tao. Ano nga ba ang dahilan kung bakit kamuka niya ang ina ng kambal at kung bakit sobrang gaan ng loob niya sa mga ito?

Sa mundong pinaghaharian ng kapangyarihan, pera, at takot, walang puwang ang isang tulad ni Katarina Monteiro. Isa lamang siyang mababang antas ng tagapaglingkod sa Kingswell Empire. Lumaki sa kahirapan, hindi nakapagtapos ng pag-aaral, at araw-araw na nakakaranas ng pangmamaliit mula sa mga taong mas mataas ang estado sa buhay. Ngunit sa kabila nito, hindi kailanman yumuko si Katarina. Matapang, palaban, at handang lumaban para sa kanyang dignidad. Ang hindi niya alam, isang tao ang bigla na lang papasok sa buhay niya. Si Lucien Kingswell. Ang nag-iisang Mafia King ng Prime Dominion. Isang lalaking kinatatakutan ng buong bansa. Isang lalaking kayang magpabagsak ng mga makapangyarihang tao sa isang utos lamang. Malamig, walang awa, at walang interes sa pag-ibig. Ngunit sa hindi inaasahang pagkakataon, isang simpleng banggaan sa loob ng mansyon ang naging simula ng isang koneksyong hindi nila pareho maipaliwanag. Habang unti-unting nahuhulog si Katarina sa madilim na mundo ng mga Kingswell, natutuklasan niya ang mga lihim na matagal nang itinago ng pamilya. Kasabay nito ang pagdami ng mga kaaway na gustong gamitin siya upang pabagsakin ang Mafia King. At nang ialok ni Selene Kingswell kay Katarina ang isang posisyon bilang undercover operative ng Kingswell Empire, napilitan siyang pumili. Manatiling isang hamak na tagapaglingkod o tanggapin ang pagkakataong baguhin ang kanyang buhay kapalit ng pagpasok sa mundong puno ng panganib, kasinungalingan, at dugo. Ngunit habang lumalalim ang kanilang pagsasama, isang mas malaking problema ang unti-unting nabubuo. Dahil sa unang pagkakataon sa kanyang buhay, may isang taong naging kahinaan si Lucien Kingswell. At para sa isang Mafia King, ang pagkakaroon ng kahinaan ay maaaring maging dahilan ng kanyang pagbagsak. Sa pagitan ng kapangyarihan at pag-ibig, paghihiganti at katapatan, hanggang saan ang kayang isugal ng isang hari para sa babaeng hindi niya kailanman inaasahang mamahalin?

Si Isabella “Bella” Alcaraz ay halos nabuhay sa likod ng anino ng kanyang “almost perfect” na nakatatandang kapatid, si Marisella—ang glamorosa, walang kapintasan at ubod ng bait na mukha ng Alcazar Luxe Events. Kilala ang kanilang pamilya pero sa likod ng lahat ng ito, unti-unting bumabagsak at nababaon sa hindi mabilang na utang. Pinili ng kanilang mga magulang na ipakasal si Marisella kay Leonardo “Leon” Veyra, ang makapangyarihan, walang awa at nakakatakot na CEO ng Veyra Global Holdings. Halos lahat ng negosyo mula finance, hotels at real estate ay saklaw ng kayamanan niya. Ngunit sa mismong araw ng kasal, naglaho na parang bula si Marisella. Para maprotektahan ang pangalan ng pamilya mula sa iskandalo, walang nagawa si Isabella kundi ang maglakad patungo sa altar kapalit ng kanyang kapatid. Natatago sa belo ng sutla at kasinungalingan, siya ang naging “substitute bride” ng isang lalaking kayang ibaon sa hukay ang pamilya niya sa isang salita lamang. Hindi madaling malinlang si Leon. Alam niyang ang babaeng nasa tabi niya ay hindi ang ipinangako sa kanya. Ngunit imbes na itigil ang seremonya, inako niya si Isabella bilang kanyang asawa. Sa mundo, isa itong perpektong kasal, isang fairy tale. Pero sa likod ng mga pinto, isa itong mapanganib na laro ng sekreto, kapangyarihan at obsession. Sa ilalim ng kasal na nabuo sa panlilinlang, kailangan tiisin ni Isabella ang malamig na galit, nag-iinit na pagnanasa at walang hanggang pagdududa ni Leon. Ngunit habang lumilipas ang mga araw, ang galit at pagdududa ay unti-unting lumalabo. Kasabay nito, patuloy na bumabalot ang pagkawala ni Marisella—runaway bride nga ba, o mas malalim pa? Sa bawat pangakong binibigkas, maaaring nakataya ang pamilya, kalayaan… at puso ni Isabella.

Si Anna Soledad "Sol" Madrigal ay isang mataray, matapang at palaban na heiress. Itinakdang ipakasal sa isang lalaking hindi niya mahal bilang bahagi ng pagpapalawak ng negosyo ng kanilang pamilyang nagmamay-ari ng isang kilalang hotel at restaurant empire. Ngunit sa mismong araw ng kanyang kasal, habang naghihintay ang lahat sa kanyang paglalakad sa altar, pinili ni Sol na tumakas at iwan ang mundong matagal nang nagdidikta ng kanyang buhay. Napadpad siya sa tahimik na bayan ng Monteverde kung saan agad siyang sinalubong ng malas nang manakaw ang kanyang maleta. Sa gitna ng kanyang pagod at inis napagbintangan niya ang estrangherong lalaking nakakita nito, si Crisanto "Cris" Domingo, breadwinner ng kanyang dalawang bunsong kapatid at frustrated chef na kilala sa kanilang lugar dahil sa kakaibang lasa ng kanyang mga luto. Hindi alam ni Sol na ang lalaking kinaiinisan niya ang siya ring may-ari ng Karinderya Sa Kanto na dinadayo ng mga tao ano mang estado sa buhay dahil ang mga pagkain ay may kakaibang lasa at sarap. At bilang heiress ng isang emperyo sa larangan ng mga pagkain, hindi niya eto pwedeng balewalain. Mula sa maling simula na nauwi sa bangayan at asaran, hanggang sa hindi nila namalayang unti unti silang naglalapit, at may namuong pag-iibigan. Sa saglit na panahong namuhay si Sol bilang isang ordinaryong dalaga sa Monteverde, nagkunwaring pinsan ng kanyang kaibigan at nagtrabaho sa karinderya. Ngunit nang mabunyag ang kanyang tunay na pagkatao, magiging hahadlang ang agwat ng kanilang estado sa buhay. At may mga taong darating na hahamon sa kanilang pag-ibig. Habang si Cris ay patuloy na hindi bumitaw sa kanyang naudlot na pangarap. Sa pagitan ng pangarap, pride, at pag-ibig, handa ba silang ipaglaban ang isa’t isa?

Misha Rivera ang babaeng hinubog ng mga pinagdaanan n'ya sa buhay. Mula noong kabataan n'ya danas n'ya ang hirap ngunit sadyang mabiro parin ang tadhana, Ang akala mong simple at payak na pamumuhay gugulantangin pala ng isnag trahedya na mag dadala sa kanya sa poot at pag aasam ng katarungan kahit gumamit pa ng ibang paraan. Sa ika tatlong pagkakataon kaya na mag krus ang landas ni Thamaus Rexor Severillo at ng babaeng nag iisang tinangi mag mula pa ng s'yay bata pa lang, mapagbibigyan na ba ang asam na makasma ito o mas titindi pa ang banggaan sa pagitan nilang dalawa. Babaguhin ba ng tibok ng damdamin ang mga plano na matagal ng kasado. Mahahanp ba nila ang sagot sa nakaraan? na puno't dulo ng gulo na hanggang sa kasalukayan ay dala ay buntot sa kanualng pag katao. Hahayaan na lang ba nilang tangayin ng pagmamahal ang galit, pagkamuhi at paghihiganti. Mananaig ba ang katotohanan at ibabalik sila kung saan sila laan. Matatapos ba ang pagiging The Unwated Billionaire ni Rexor o mauuwe ang lahat sa pagkaubos??.

Gagawin ni Izzie Vergara ang lahat madugtungan lamang ang buhay ng inang may malubhang karamdaman, kahit ang kapalit pa niyon ay ang kanyang ka-inosentehan. Nang makilala niya ang trenta y sinco anyos at bilyonaryong si Seth Santiago ay hindi na siya nagdawalang-isip pang humingi ng tulong kapalit ang isang gabi sa piling nito. Tulong na kusa naman nitong ibinigay ng walang kapalit. Buong akala ni Izzie ay hindi na muling mag-krus pa ang landas nila ng lalaki, ngunit mali siya, halos lamunin siya ng labis na kahihiyan nang malamang si Seth Santiago ay tiyuhin pala ng kanyang best-friend na si Carl. Paano kung sa muli nilang pagkikita ng binata ay singilin na siya nito sa tulong na ibinigay nito sa kanyang ina? Paano kung hingin na nito sa kanya ang isang gabi sa piling nito? Magagagawa kaya niyang ibigay kay Seth ang kanyang ipinangakong kabayaran gayong ang kapalit niyon ay ang pagkasira ng mabuting pagsasamahan nila ng pamangkin nito, o magpapadala siya sa mga pang-aakit ng lalaking may kakayahang pabaliwin siya sa loob at labas ng silid nito?