Kabanata 5

Kabanata 5

“Paano nakapasok ang babaeng ‘yon sa buhay ng mga Armani? Maging ang kaniyang walang kwentang kapatid ay naroroon din! Ang kakapal ng mga mukhang makihalubilo sa ating mga mayayaman! Nakakatakot ang kanilang pagiging ambisyosa at ambisyoso!” Itinapon ni Divina ang kaniyang bag sa sofa. Naglakad siya nang pabalik-balik habang sapo-sapo niya ang kaniyang noo. Iniisip pa rin niya kung paano naging malapit si Arya kay Don Fridman sa loob lang ng maikling panahon!

“Huwag niyong ibahin ang usapan, mama. Kanina niyo pa isinasali sa usapan ang magkapatid na Villanueva. Let's talk about your infidelity! Kailan pa kayo nagkaroon ng relasyon ng Rupert na ‘yon? Bakit niyo nagawang pagtaksilan si papa? Paano niyo kamin nagawang lokohin?” galit na galit na sambit ni Dionne.

Huminto sa paglalakad si Divina. Marahan niyang ini-angat ang kaniyang paningin kay Dionne. “Ikaw na bata ka. Isa ka pa! Kailan mo ba gagamitin ‘yang utak mo, ha? Doon ka pa talaga nag-eskandalo sa mansyon ng mga Armani! Alam mo bang maraming media ro’n? Alam mo rin bang halos lahat ng big investors natin ay naroroon? Bakit ba ayaw mong maniwala sa akin na edited lang lahat ng ‘yan? Again, we are now living in a modern world! Napakadali nang manloko gamit ang teknolohiya! Even those videos can be edited,” aniya.

“Those photos and videos don’t look like they’re edited,” Dionne murmured.

Nanlisik ang mga mata ni Divina. “P’wede ba, Dionne? Tigilan mo na ‘yan. Sarili mo lang din ang sasaktan at ii-stress-in mo. WALA KAMING RELASYON NI MR. RUPERT HAMILTON! End of conversation.”

“MAMA, STOP LYING! HULING-HULI KA NA NGA, ITINATANGGI MO PA! SA TINGIN MO BA B0B0 KAMI NI DIONNE? MAS MAY ALAM KAMI SA TECHNOLOGY COMPARED SA’YO SO PLEASE! PLEASE STOP YOUR NONSENSE ALIBI! SA HALIP NA MAG-SORRY KA SA AMIN, KAMI PA ANG PALALABASIN MONG MASAMA!” Huminga nang malalim si Damon. Iyon ang unang beses na sinigawan niya ang kaniyang mama kaya halatang-halata sa mukha nito ang pagkagulat. Binabaan niya ang kaniyang boses. “Pinagbibintangan mong may babae si papa. Ikaw naman pala ang mayroong lalaki. ‘Di hamak namang mas guwapo at mas mayaman si papa sa Rupert na ‘yon. Why did you do it, mama? Hindi mo na ba mahal si papa? Ano? Na fall out of love ka? GIVE US A FUCKING REASON SO WE CAN UNDERSTAND! SOBRANG WORTH IT BA NG LALAKING ‘YON AT SISIRAIN MO ANG MASAYA NATING PAMILYA?” Bumuntong hininga siya. “Now, I regret that you’re my mother. You know how much I hate cheaters.”

Humalakhak si Divina. Nang huminto siya sa pagtawa ay nangilid ang mga luha niya. Isang malakas na sampal ang ibinigay niya kay Damon.

“Nagkulang man ako sa papa niyo, never naman akong nagkulang sa inyong magkapatid!” Itinuro ni Divina sina Damon at Dionne. “Masayang pamilya? We’re only pretending in front of you. Naunang mangaliwa ang papa niyo kaysa sa akin. PAULIT-ULIT. Paulit-ulit niya akong sinaktan, pinaasa na…na magbabago siya pero ano? Puro kasinungalingan lang lahat! Hanggang isang araw, nagising na lang akong hindi ko na siya mahal. Akala niyo ba ginusto ko ‘to? Hindi! I never dreamed of becoming someone’s mistress! Ten fucking years! Your father cheated and betrayed me for ten fucking years! And I also shut my mouth for ten fúcking years for you!”

Damon smirked. “Alam mo na pala ang pakiramdam nang niloloko. Bakit mo pa kami nagawang lokohin? Kung hindi mo na mahal si papa, you can leave. File an annulment. Bakit kailangan niyo pang ipamukha sa amin ng kapatid ko na parehong manloloko ang mga magulang namin?” mahina ngunit mariing sabi ni Damon.

“You’re also a cheater, Da–”

“STOP IT, MAMA! We all know that I NEVER CHEATED ON ARYA! I want to divorce her because Greta is back! I don’t want to cheat nor to betray her. Kung masasaktan ko man siya, mas okay nang dahil sa divorce at hindi dahil sa niloko ko siya. I may be cold and rude to her but I respect her. Natutunan ko ‘yon sa’yo mama. I grew up seeing how strong you are. Now, I regret looking up to you.” Nilingon ni Damon ang bunso niyang kapatid bago siya tuluyang umalis ng sala. Umiiyak ito nang umalis siya. Nais niya sanang isama ito pero hinayaan na lang niya at baka nais pa nitong kausapin ang kanilang mama. Padabog niyang isinara ang pinto. Malalaki ang bawat hakbang niya hanggang sa makalabas siya sa mansyon ng kaniyang mga magulang.

Pinagsisipa ni Damon ang gulong ng kaniyang kotse. Sinuntok din niya ang bintana dahilan para umagos ang pulang likido sa kaniyang kamao. Susuntukin niya sana ulit ang isa pang bintana nang biglang may humawak sa kaniyang balikat.

“Boss, nakita na po namin ang kinaroroonan ng doktor na ipinapahanap niyo sa amin. Go signal niyo na lang po ang hinihintay namin. Kikidnapín na po ba namin siya?” tanong ng isang lalaking nasa trenta anyos. Mahaba ang balbas nito at malago na rin ang bigote. May tattoo ito sa tabi ng kaniyang kaliwang mata. Isang serpente.

Inalis ni Damon ang kamay ng kaniyang tauhan sa kaniyang balikat. Hinawakan niya nang sobrang higpit ang kanang braso nito. Luminga-linga siya sa paligid. “Anong ginagawa mo rito? Hindi ba’t kabilin-bilinan kong huwag na huwag kang pupunta rito?”

~~~

“Daddylo.” Kumatok si Arya sa pinto ng silid ng kaniyang lolo at pagkatapos ay marahan niya itong binuksan.

“Hindi ka ba makatulog?” tanong ni Don Fridman.

Naglakad si Arya palapit sa kama ni Don Fridman. Inayos niya ang kaniyang damit at saka umupo sa sahig.

“Huwag kang umupo sa sahig. Malalamigan ka. Umupo ka rito sa kama ko.” Umupo sa kama si Don Fridman. Kinuha niya ang kaniyang salamin at isinuot iyon.

Umupo si Arya sa tabi ng kaniyang lolo. Isinandal niya ang kaniyang ulo sa balikat nito.

“Daddylo, bakit niyo a—”

Alam na ni Don Fridman ang isinadya ng kaniyang apo. “Dahil hindi ako papayag na tapak-tapakan ka na naman nila.I respected your decision to conceal your true identity for the time being, but I disagree with your plan of becoming one of our maids! It's too much. You were gone for three years and suffered greatly as a result of chasing the love of your life. Please be gentle with yourself, apo. Let me grant you some protection against them. Hin—”

Niyakap ni Arya ang kaniyang lolo dahilan para maputol ang sasabihin nito. “Daddylo, ayokong madamay ka sa gulo. Please promise me na hindi ka na ulit makikisali sa mga plano ko. I don't want to stress you out.” Seryoso ang mukha niya habang nakasandal sa dibdib ng kaniyang lolo.

“Sila lang naman ang nagdudulot ng stress sa akin kaya ngayon, sila naman ang bibigyan ko ng sakit ng ulo.” Hinaplos ni Don Fridman ang buhok ni Arya. “Hindi ko alam kung gaano kalalim ang sugat na idinulot nila sa'yo apo pero sisiguraduhin kong hinding-hindi na nila ‘yan magagawang dagdagan.”

Tumingala si Arya kay Don Fridman. Naluluha ang kaniyang mga mata.

“Noong namatay ang mama at papa mo, nangako akong mamahalin at aalagaan kita nang higit pa sa buhay ko. I already gave you time to do what you want, and now it's time to listen to me, apo. Ako naman ang pagbigyan mo.” Tiningnan ni Don Fridman ang wedding photo ng mga magulang ni Arya. Nakadikit ito sa pader, katapat ng kaniyang kama.

“Sabagay, ayoko na rin namang magpa-api sa mga Walton. Nakita mo ba kanina ang hitsura ni Divina noong sinabi mong promoted ako as General Manager? It's my first time seeing her like that! It was so satisfying. Thank you, daddylo! The best ka talaga!” Inalis ni Arya ang kaniyang mga kamay sa bewang ni Don Fridman. Tumayo siya buhat sa pagkakaupo sa kama. “Excited na ako bukas,” nakangiti niyang sambit.

Tumaas ang dalawang kilay ni Don Fridman. “Apo, huwag nang marupok ha. Baka mamaya madala ka sa mga mabubulaklak na salita ng EX-HUSBAND mo,” pabiro ngunit may lamang sabi niya.

Tumawa nang mahina si Arya. “Daddylo, hindi ako aalis sa mansyon niya kung may natira pang pagmamahal sa puso ko. Sapat na ang tatlong taong pagpapakatangà. I will meet him because of business. No more, no less.”

“How about revenge?” Don Fridman smiled.

“Kind of.” Napatingin si Arya sa wristwatch ng kaniyang lolo. “It's time to sleep na daddylo. Goodnight.” Hinalíkan niya sa noo si Don Fridman.

“Good night, apo. Matulog ka na rin. Namiss ka ng room mo.” Ngumiti si Don Fridman bago siya nahiga nang ayos.

Lumabas na si Arya sa silid ng kaniyang lolo. Bumuntong hininga siya. “Let's see kung anong mangyayari bukas. Plan A ba o plan B ang gagawin ko? It depends on your actions, Damon Walton.”

“Ate Arya, bakit gising ka pa? Malalim na ang gabi ah.” Kinusot-kusot ni Aiven ang kaniyang mga mata. Magkatabi lang ang silid nila ni Don Fridman. Binigyan na siya ng permanenteng kuwarto dahil madalas din naman siyang nasa mansyon.

“Ah, kinausap ko lang si daddylo,” matipid na tugon ni Arya.

“I'll walk with you to your room,” Aiven said out of nowhere.

“It's okay. Malapit lang naman at saka marami namang security at CCTV. Hindi na ulit ako makikidnap. Don't worry,” nakangiting turan ni Arya bago lumakad palayo kay Aiven.

‘Her back looks pretty too.’ Napakamot sa kaniyang ulo si Aiven dahil sa sumagi sa isip niya. Dali-dali siyang bumalik sa kaniyang silid. Humiga siya sa kaniyang kama at tumitig sa kisame. “Hindi ito tama. Kailangan ko ng gumawa ng paraan para hindi ito lumala,” aniya sabay balot ng kumot.