1.2 : Customer

"Hello, sweetie. Pasensya kung natagalan." Pahayag niya. Kitang-kita ni Amanda kung paano naibuga ng isa sa mga katrabaho ni Mr. Moon ang tubig na nainom. Kahit ang mga babaeng naroon sa lamesa na iyon ay hindi naalis ang paningin sa kanya. Amanda Moretti was more alluring ang attractive like no other.

Hindi ang mga ito makapaniwala. Paano ni Mr. Moon nakuha ang isang babaeng maganda kagaya niya?

Iyon ang nabasa niya sa mga reaksyon nito sa mukha.

"S-siya ang girlfriend mo, Chris?" Tanong ng lalaki sa unahan.

Tumango naman si Mr. Moon. Ikinawit ang kanang kamay sa baywang niya. "Oo siya. Siya si..." Natigilan ito. Mukhang nakalimutan pa yata ang pangalan niya. Kagat nito ang labi na tila ay humihingi ng saklolo. Si Amanda ay tumayo upang magpakilala sa mga katrabaho nito.

"Magandang gabi sa inyong lahat. Ako nga pala si Aminah." She also has to fake her name right? "Ikinagagalak ko kayong makilala lahat."

"Paano mo nakilala itong itong si Chris? Nakulam ka ba niya, Miss? Masyado kang sexy at maganda. Di hamak na malayong-malayo sa itsura nitong si..."

Hindi ni Amanda pinatapos ang sasabihin ng lalaki. "Judging someone else's looks doesn't make you feel handsome. Mas gwapo ang lalaki na marunong rumespeto at gumalang." Ibinaba niya ang paningin kay Mr. Chris Moon. Umangat ang sulok ng labi nito sa unang pagkakataon.

Siya man ay natuwa. Mukhang nagugustuhan nito kung paano niya na-handle ang sitwasyon.

Hindi nakakibo ang lalaki. Tikom ang bibig nito na nasa kay Chris ang paningin.

Sa buong hapunan sa dining hall na iyon ay sinisiguro ni Amanda na maramdaman ni Chris kung paano alagaan at pahalagahan. Kahit na pagpapanggap lamang iyon, kailangan niyang sulitin para mas doble ang bayad sa performance niya na pang-FAMAS ang aktingan. Sinisiguro niya na silang dalawa lamang ni Chris ang atensyon ng lahat. At oo, tagumpay niyang nagawa iyon. Tagumpay niyang naipamukha sa mga katrabaho nito na makakaya nitong magkaroon ng girlfriend kung marunong lamang maglinis at baguhin ang sarili.

Habang papaalis isa-isa ang mga katrabaho ni Chris ay nanatiling nakatayo si Amanda sa tabi nito. Kumakaway ang mga ito sa kanya na ginagantihan rin naman niya ng kaway.

Nang silang dalawa na lamang ng kliyenteng si Chris ang natira ay napabuga siya nang hangin. Sa wakas ay hindi na siya dapat pairalin ang ikalawa niyang mukha. Nilingon siya ni Chris Moon ng nakangiti.

"Salamat, Aminah..." Natigilan ito. Kumunot ang noo. "Aminah nga ba ang pangalan mo?"

Humalakhak si Amanda. Hindi na importante iyon. "Ilipat mo na lamang ang pera sa account ko, Mr. Moon nang sa ganoon ay quits na tayo." Giit niya.

Si Mr. Moon ay agad tumalima. Hindi nawala ang mga ngiti sa labi nito nang ipinakita sa kanya ang malaking halaga na nailipat na sa account niya.

Nanlaki ang mga mata ni Amanda. That money was massive!

"Dahil sa performance mo. I'm very satisfied, Aminah." Komento nito.

"Baguhin mo ang estilo ng pananamit mo. Ayusin mo rin ang iyong buhok. Higit sa lahat. Dapat matuto kang maging matapang at malakas ang loob lalong-lalo na sa harapan ng mga katrabaho mo." She had given him a tips for changes.

Tumangong muli si Chris Moon. "Gagawin ko iyon dahil nagmumula iyon sa expert. Maraming salamat talaga. So paano, hanggang dito na lang. Siguro naman ay titigilan na ako ng mga iyon kakahanap sa girlfriend ko!" Humalakhak ito.

"Paano mo nga pala sasabihin kung sakaling hahanapin nila ako?" Tanong ni Amanda. Sinusuri kung may natutunan ba ang lalaki sa aktingan nilang dalawa sa gabing iyon.

"Sasabihin kong umalis ka nang bansa. Hanggang sa makakalimutan ka nila. At sa puntong iyon ay sasabihin kong hiwalay na tayo at...tapos na ang lahat!" She was proud.

Tinapik niya ang balikat nito bago silang dalawa ay nagpaalam sa isa't-isa.