Chapter 13: TURNING OFF THE PAST

CLOUD'S POV

 Almost one week na rin nang huli kaming magkita ni Vier sa restaurant and I loved how she reacted nang makita niya kami ni Tiffany. She looked troubled sa nadatnang posisyon namin. I can't help but smirk nang maalala iyon. Sayang nga lang dahil hindi ko na naituloy ang paghalik kay Tiffany dahil mukhang naistorbo na rin siya sa presensya ni Vier.

 Ano kaya ang magiging reaksyon niya kung natuloy ang paghahalikan namin sa harap niya? 

'It will be a great scene for sure' 

 Muli kong sinimsim ang alak sa basong hawak ko habang nakangiti sa naisip.

 Mukhang hindi pa siya nakaka-move on sa aming nakaraan base na rin sa nakita kong reaksyon sa mukha niya. O baka naman ako lang ang nag-iisip ng ganito. Pwede rin na gusto na niya talaga akong muli sa buhay niya, pero hindi dahil sa pagmamahal kundi dahil may maipagmamalaki na 'ko sa buhay ngayon.

"Tsk tsk. Oh life," nasambit ko out of frustration.

 Bakit ba kasi kailangan ko pa siyang isipin? She's nothing but dust!

 Nagsisimula na namang uminit ang dugo ko dahil sa pag-iisip sa kanya nang mag-ring ang cellphone ko. 

"Hi love," masigla kong tugon matapos sagutin ang tawag.

"Love, are you free tonight? I'll be going out. Would you like to join us?" 

"I loved to but…"

"Okay. Then I'll be going." Alam niyang hindi ako sasama dahil hindi ko naman hilig ang paglabas-labas lalo na kung sa bar lang rin nman kami pupunta. Hindi ko  kasi kayang tagalan ang ingay at gulo sa lugar na 'yon. Isang bagay na kaya naman niyang intindihin. 

 Hindi ko rin naman kailangang mag-alala pa sa safety niya habang nasa bar dahil lagi naman siyang may kasamang bodyguard sa tuwing lumalabas. She only called to let me know. "Bye."

 Nang matapos ang tawag ay muli ko nang ibinalik sa ibabaw ng mesa ang aking telepono dahilan para mapatuon sa mini drawer sa ibaba noon ang atensyon ko. Binuksan ko 'yon at pinagmasdan ang maliit na box roon na naglalaman ng engagement ring na ipinagawa ko para sa kanya. It is a classic four-prong solitaire engagement ring na pina-personalized ko to make her feel more special.

 I was about to propose bago pa siya lumipad papuntang Paris week ago kaso hindi ko iyon nagawa dahil nga sa nangyaring aksidente. At ngayon nmang nakabalik na siya, parang bigla na akong naguluhan. At hindi ko maitatanggi sa sarili ko na si Vier ang dahilan ng malaking kaguluhan ko sa sarili at sa nararamdaman ko.

 Tiffany's a great person. A very supportive girlfriend. At alam kong hinding-hindi niya gagawin ang ginawa sa 'kin ni Vier. Pero dahil sa muling pagkabuhay ng galit na matagal ko nang ibinaon sa limot ay tila hindi ko na maramdaman ang pagmamahal ko sa kanya. 

 Ayoko namang pakasalan si Tiffany nang hindi ako buo. She is the best person I've known and she deserves only the best. At iyon ang gusto kong iparanas at iparamdam sa kanya kapag naikasal na kami. 

 At magagawa ko lang iyon sa oras na maisara ko na ang lahat-lahat ng tungkol sa amin ni Vier.

VIER'S POV

Gusto ko na talagang sabunutan ang sarili ko sa kat*ngahang ginawa ko! At sa harap pa mismo ng malisyong si Alvin. Nadagdagan pa tuloy ang isipin ko ngayon. 

 Hindi ko pa nga nasasabi kay Cloud ang tungkol sa anak namin at hindi ko rin alam kung paano ko 'yun gagawin. At ngayon, pati si Francis ay kailangan ko na ring isipin.  Ilang araw ko na rin siyang pilit na iniiwasan. Panigurado kasing ipipilit niyang pag-usapan namin 'yung ginawa ko kung magkasarilinan kami at hindi ko alam kung anong sasabihin ko sa kanya. Hindi ko alam kung hanggang kelan ko siya maiiwasan ganitong sa iisang bubong lang kami tumutuloy. Idagdag pa ang patuloy na pang-aasar sa amin ng mga dancers na marahil ay napagkwentuhan na ni Alvin ng kung anuman ang nakita niya.

'Gaga ka kasi Vier!,' ngitngit ko sa sarili habang bahagyang hinahampas-hampas ang ulo kong naalog na ata.

"Vier!" Agad akong napalingon kay Alvin at mabilis siyang nilapitan para matakpan ang bibig nitong pinaglihi sa speaker. "Ano ba? Grabe ka naman makatakip sa bunganga ko," reklamo nito matapos kong tanggalin ang kamay ko sa bibig niya.

"Ang lakas kasi ng boses mo," giit ko at bumalik na sa kinauupuan ko at hinigop na ang kape kong mukhang nanlamig na…. parang siya.

 Excited naman itong umupo sa katabing upuan at kinikilig na ipinakita sa akin ang kanyang cellphone.

"I want to see her."

 Iyon ang nakalagay sa message sa kanyang telepono na siyang pinagtakhan ko. Her?

"Kay Cloud galing ang message na 'yan."

 Agad na sumalakay sa buo kong sistema ang kaba at matinding selos sa pagkakabanggit pa lang niya sa pangalan ni Cloud. Hindi na siguro maaalis sa akin ang ganoong epekto sa akin ni Cloud.

 Siya lang kasi ang nag-iisang lalaking minahal ko at patuloy kong minamahal kahit pa ngayon na alam kong hindi na pwede.

"Hindi ko alam kung bakit ha, pero kinikilig pa rin ako sa inyo kahit alam naman nating hindi na kayo pwede."

"And she's better," malungkot kong saad bilang tugon sa masakit na katotohanang sinabi niya.

"Ay grabe!," mabilis akong napalingon sa naging reaksyon nito. Ang taas naman kasi eh. "Akala ko naman magaling ka sa english kasi apat na taon ka sa ibang bansa."

"Ha?," litong tanong ko. Bakit naman kasi napasok ang english sa diskusyon namin aber?

"Sabi mo kasi, SHE'S better. Baka ang ibig mong sabihin ay HE! Jusko Vier. He at she lang hindi mo pa alam." 

 Nanlaki na lang ang mga mata ko sa pagkadismayang nakikita ko sa mukha niya sa sinasabi nitong pagkakamali ko. So, hindi pala si Tiffany ang tinutukoy niya? Eh ano'ng hindi na kami pwede?

"Hindi ko naman kayo pagbabawalan sa relasyon n'yo ni Francis, kung 'yon ang iniisip mo. Ang sa 'kin lang, ay h'wag na h'wag 'yan makaapekto sa kampyonato natin ha."

 Tumango lang ako bilang tugon. Ano na lang kasi ang iisipin niya sa akin kapag sinabi ko dito na wala naman talagang namamagitan sa amin at ang nangyari ay wala lang kundi purong kat*ngahan ko lang.

"Pero kausapin mo pa rin si Cloud. Mukhang umaasa pa rin siya sa'yo eh. Kawawa naman," sabi pa nito na mukhang sinsero sa sinasabing awa para kay Cloud.

'Dapat sa 'kin ka maawa Alvin,' gusto ko sanang sabihin dahil 'yon naman ang totoo. Ako 'yung umaasa at hindi si Cloud.