Chapter Thirteen

Faith's POV

Namulatan ko ang kulay puting kisame. Maingay ang paligid at nangangamoy alcohol ang paligid. Nahulaan ko kaagad kung nasaan ako. Nasa ospital ako! Anong ginagawa ko dito? Ang huli kong natatandaan ay ang pagdilim ng paningin ko. Teka! Nawalan ba ako ng malay? Dahan-dahan kong ibinaling ang aking ulo sa kaliwang bahagi ko. Nasalubong ko ang nag-aalalang mukha ni Lalaine. Hinawakan nito ang noo ko.

"Tell me what's wrong, besh. Anong masakit sa iyo ha? Bakit bigla ka na lang nawalan ng malay?" sunod-sunod at nag-aalalang tanong sa akin ni Lalaine.

Napansin ko kung na nasa ospital na pinagtatrabahuan ako dinala ni Lalaine. Napabaling kasi ako sa kabila at mukha ni Harold at Dra. Hernandez ang nakita ko. Kapwa naka doctor's gown ang mga ito. Katulad ni Lalaine, pag-aalala din ang nakikita ko sa mga mukha nila.

"I am fine. Baka over fatigue at stress lang ito." pag-aassure ko sa kanila.

Napabuntong-hininga na lang silang tatlo.