Chapter Eleven

Faith's POV

Isang nakakasilaw na liwanag ang nakita ko pagdilat ko ng aking mga mata. Tumambad sa akin ang glass window na may puting kurtina. Kailan pa naglagay ng kurtina dito sa opisina ni Dra. Hernandez? Ibabaling ko sana ang aking paghiga sa kaliwa nang may maramdaman akong mabigat na braso na nakayakap sa katawan ko. Napamulagat ako, kaninong braso ito? Dahan-dahan akong gumalaw upang tingnan kung sino ang taong katabi ko. Literal akong napanganga nang makilala kung sino iyon. Si Froiland iyon, he is sleeping like a handsome prince. Lumundag-lundag na naman ang puso ko. Bakit ba ang gwapo ng lalaking ito? Kahit siguro maghapon ko siyang titigan hindi ako magsasawa ng pagmasdan siya.

Teka! Paano ako napunta dito? Ang naaalala ko nag-iinuman kaming dalawa kagabi. Nilinga ko ang paningin sa paligid. Gray ang interior paint nito. Malalaki ang mga glass window na pinarisan ng puting kurtina. Ang kumot at bed sheet naman ay pinaghalong p