Kabanata 07

May magnanakaw pala na pumasok sa bahay. Buti na lang walang nangyaring masama sa akin, at buti na lang dumating si Helix, baka mahanap ng asawa ko ang bangkay ko. Agad siyang tumawag ng pulis, at kasalukuyan nilang iniimbestigahan ang insidente. Pagpasok ko sa loob ay napalunok ako sa sobrang kaba at takot nang makita kong nagkalat ang mga gamit namin sa sahig."Ingat ka." Sabi ni Helix, at bigla niya akong hinila sa bewang ko nang muntik ko nang matapakan ang basag na flower vase. Pero kahit matapakan ko hindi naman ako masasaktan dahil naka-tsinelas ako pero bakit nag-aalala siya sa akin? Hindi pwede, Minari. Tanggalin mo siya sa isip mo dahil pinaglalaruan ka lang niya. I'm sure may iba pa siyang pakay sayo kaya wag kang mahulog sa ginagawa niya at pagpapakita sayo."I'm fine." sabi ko sa kanya tapos umiwas ako. Tumingin lang siya sa akin at magsasalita na sana ulit nang biglang may lumapit sa amin na detective at ipinakita ang identity card niya."May itatanong lang sana ako sa'yo.