CHAPTER 3: FAKE GIRLFRIEND

Based on my observations, pareho lang naman sila ng edad nitong matandang mayaman, pero syempre mas lamang pa rin si Lola Tisay sa ganda.

"Is this your apo na? Ang gandang dalaga nito, mars!" pambobola niya sa akin sabay beso-beso sa magkabilang pisngi ko. Nahihiya naman akong ngumiti sa kanya habang nakahawak sa laylayan ng damit ko.

"Magandang araw po," bati ko sa kanya nang buong paggalang, sinusubukang magpakabait sa harap ng may-ari ng mansyon.

Tumawa lang siya nang malakas at nagkatinginan sila ni Lola Tisay na para bang may malaki, nakakaintriga, at pilyong sekretong pinag-uusapan sa pagitan nilang dalawa.

"I want you to meet my one and only apo," banggit nito habang nakatingin sa malaking hallway sa likod namin.

"Meet my grandson, Leonardo Miguel Talaueño."

Agad nawala ang pilit na ngiti sa mukha ko nang makilala ang lalaking lumabas mula sa p***o. Nakasuot siya ng malinis na polo pero ang mukha niya, 'yun pa rin 'yung mukha nung lalaking tinulungan ko sa kalsada!

"IKAW?!" sabay pa kaming nagulat habang nakaturo ang mga hintuturo namin sa isa't isa.

"Nagkakilala na kayo?" nagtatakang tanong ng lola niya habang nagpapalit-palit ang tingin sa aming dalawa.

Bago pa ako makapagsalita para magsumbong tungkol sa nangyari sa jeep at sa pagbibintang niya sa akin na gold digger, agad siyang lumapit sa akin. Sa isang mabilis na galaw, ipinulupot niya ang malapad niyang kamay sa bewang ko.

"Kinda. Let's go, Amaia, mag-hilot pa ka sa akoa," sabi niya sabay kabig at hila sa bewang ko habang mabilis kaming naglalakad papalayo sa dalawang matanda.

(TRANSLATION: Maghihilot ka pa sa akin.)

"Anong trip mo?!" bulong ko sa kanya habang pilit kong tinatanggal ang mahigpit niyang kamay sa bewang ko, pero hindi man lang niya ako pinapansin.

Mukha siyang seryosong-seryoso sa ginagawa niya. Okay lang, sanay naman ako sa cold treatment mula nung nagka-crush ako sa campus heartthrob noong high school.

Nang makapasok kami sa isang malaking kwarto na parang kasinliit lang ng buong bahay-kubo namin, agad niyang isinarado at itransporma ang p***o. Pagkatapos ay humarap siya sa akin at ngumiti nang nakaloloko.

"Shall we start?" tanong nito habang walang kaabog-abog na tinatanggal ang mga pindutan ng kanyang damit pang-itaas.

Napalunok ako nang malalim habang unti-unting nahuhubad ang damit niya. Grabe, ang ganda pala ng tiles niyo rito sa kwarto…

Bigla mo na lang talaga ma-appreciate ang interior design at kintab ng floor tiles kapag may bumungad na six-pack abs sa harap mo!

"Amaia," tawag niya sa akin sa mababang boses.

Hindi ako tumingin sa kanya at pinanatili ang mga mata ko sa sahig.

Diyos ko po, pagsubok niyo ba 'to sa akin bago niyo ako payamanin? Kalma lang, Amaia! 'Wag kang titingin sa chest plate ng kapre na 'to! Bawal magkasala sa tanghaling tapat!

"Hey, are you listening?" Dahan-dahan niyang hinawakan ang baba ko gamit ang dalawang daliri at inangat ang mukha ko upang magkatitigan kami.

Hindi ko maiwasang napalunok ulit dahil sa sobrang perpekto ng matangos niyang ilong na may matching makapal at maayos na kilay.

Dahil sobrang bango niya at ramdam ko na ang matinding init sa magkabila kong pisngi, hindi ko mapigilang umarte na parang nahihirapan sa paghinga at nahihilo.

"Y-Yung..." utal kong sabi habang nakahawak sa dibdib ko.

"What?!" pagalit na nag-aalalang tanong nito habang inaalalayan akong tumayo nang maayos baka daw mahimatay ako sa gitna ng kwarto niya.

"Yung puso ko... hinahabol ng kabayo!" nakakakilig kong sabi sabay gawa ng finger heart sa mismong mukha niya.

Napa-facepalm na lang siya at malakas na inirapan ako. Bading siguro 'to, sayang ang ganda ng abs at tindig!

"Stop acting strange, woman! Paano ka magkakaroon ng asawa niyan kung ganyan ka?" galit na sabi nito sabay higa sa malaking higaan nang naka-stomach sleeping position.

"I don't have plans to get married anyway," sagot ko habang umuupo sa gilid ng kama malapit sa kinaroroonan niya.

Bigla siyang tumahimik at palihim kong tinitigan ang maganda at makinis niyang likod.

Napakamakasalanan na talaga ng mga mata ko, kung ano-ano na ang nakikita at iniisip sa kalagitnaan ng araw!

"Would you mind helping me?" biglang tanong niya habang nakapikit pa rin ang mga mata. Nakataas ang kilay ko sa narinig ko.

"Pretend to be my girlfriend and I'll pay you cash every week," propose niya sa akin sabay umupo sa tabi ko at humarap sa akin.

"Why would I?"

"Bakla ka siguro at takot kang malaman 'yun ng lola mo, no?" asar ko sa kanya sabay tawa nang malakas dahil mas lalong nakasimangot at dumidilim ang mukha niya.

"I'm not gay! Grandma is forcing me into an arranged marriage," inis at halos maiyak-iyak na sabi nito habang nakayuko at nakahawak sa buhok niya.

Ang cute niya palang tingnan kapag mukhang naiiyak, parang kinagat ng bubuyog ang mga mata niya sa sobrang cute at lungkot.

"I will pay you ten thousand pesos," mariin niyang sabi habang nakatitig sa mga mata ko.

Dahil demonyeta ako at gusto ko pa siyang perahan nang kaunti para sa pagiging masungit niya kanina, inasar ko pa siya. "Higher!"

Ngumiti siya nang nakaloloko at dahan-dahang lumapit sa akin.

"One million," bulong nito sa mismong tainga ko na ikinalaki ng dalawa kong mata.

"Too low... I want more!" ganti kong bulong sa kanya habang nagtataasan ang kilay ko.

Napa-smirk siya at mas inilapit pa ang mukha niya sa akin, dahilan para mag-amoy strawberry ang buong paligid.

"American Express Centurion Card. Take it or leave it?" mapang-asar na bulong nito habang dahan-dahang umaabante ang labi niya sa mukha ko.

"Y-Yung one million na lang!" sigaw ko sabay tulak sa kanya papalayo dahil sa matinding kaba.

Sa lakas ng tulak ko sa dibdib niya, nahulog siya sa kabilang gilid ng kama! Imbes na magalit o masaktan, tumawa siya nang napakalakas na para bang wala nang bukas.

"Namumula ka... parang kamatis!" pang-aasar niya sa akin habang humahagalpak sa sahig habang nakahawak sa tiyan niya.

"Bagag nawong!" sigaw ko sa kanya sabay tayong mabilis at naglakad palabas ng kwarto.

(TRANSLATION: Ang kapal ng mukha!)

Habang naglalakad ako pabalik sa malawak na sala, nakita ko sila Lola Tisay na nakaupo sa sofa. Si Lola ay may hawak na newspaper samantalang ang lola naman ni Leonardo ay may hawak na libro.

"Ano ang ginagawa niyo?" tanong ko sa kanila habang mabilis na lumalapit.

"Nagbabasa," sabay nilang sagot nang walang hesitation at hindi man lang tumitingin sa akin.

Napataas ang kilay ko habang tinititigan ang mga hawak nila. Nagbabasa daw... pero nakabaliktad naman ang newspaper at ang libro!

Halatang nakikiramdam lang sila sa nangyayari sa loob ng kwarto!

"Are you guys having fun?" tanong ni Lola Tisay habang mapaglarong ngumingiti ang lola ni Leonardo.

"Hindi naman," maikling sagot ko at mabilis na kumuha ng baso at uminom ng tubig para palamigin ang nanggagalaiti kong mukha.

Bigla na lang dumating si Leonardo mula sa hallway at mabilis na humawak sa braso ko sa harap ng dalawang matanda.

"Grandma, she's my girlfriend," pormal niyang pakilala sa akin.

Muntik ko nang mailuwa ang tubig sa bibig ko! Seryoso pala ang kapre na 'to kanina? Akala ko biro lang at trip niya lang akong perahan at asarin!

"Finally! The time has come! Magpapakasal na kayo!" sigaw ng dalawang matanda sabay tayo at palakpak habang nagtatalon sa tuwa.

"Wait."

"WHAT?!" sigaw ko naman habang nakatitig kay Leonardo na mas lalong nagulat kaysa sa akin.

"What do you mean na magpapakasal?" tanong din ni Leonardo sa dalawang Titas of Visayas.

"Siya ang tinutukoy ko sa 'yo, apo... siya ang fiancée mo!" excited na sabi ng lola niya sabay yakap nang mahigpit kay Lola Tisay.

"Nabuang na!" Napasapo na lang ako sa mukha ko habang patingin-tingin sa kanilang tatlo.

(TRANSLATION: Nabaliw na!)