Chapter 1

Huminga ng malalim si Althea habang naghihintay sa pagdating ng bagong CEO ng Titus, ang kumpanya kung saan siya nagtatrabaho bilang Executive Secretary ni William Chavez, ang dating CEO at may-ari ng nasabing kumpanya.

Maraming naging problema ang kumpanya noong nakaraang taon at yun ang naging dahilan kung bakit pumayag na ito sa acquisition na inoffer ng kumpanya ng bagong may-ari.

Ayon kay William, sa ibang bansa naka-base ang kumpanya ng new owner at hindi nga raw maintindihan ng boss niya kung bakit ang Titus ang napili niya.

Wala na siyang ibang alam tungkol sa bagong CEO dahil yun lang naman ang sinabi sa kanya ni William at ang assurance na walang matatanggal sa trabaho, kabilang na siya.

Isang taon pa ang nalalabi sa kontrata ni Althea sa Titus dahil tatlong taon na din siya doon.

Wala siyang idea kung sino ang bagong boss niya at kung ano ang ugali nito kaya naman naisip niya na kung hindi ito kasing bait ni William, hindi siya magdadalawang-isip na magresign.

Nakakahinayang man, wala naman siyang magagawa dahil ayon kay William, desisyon ng board na tanggapin ang offer ng bagong may-ari.

Dahil kung hindi, babagsak ito at mas marami ang madadamay.

“Baka siya na yan!” sabi ni Lexie, and secretary ng COO ng Titus at isang malapit na kaibigan ni Althea

Lahat ay nag-abang sa taong bababa mula sa magarang kotse na humimpil sa harap ng gusali ng Titus.

Napatayo ng tuwid si Althea at gaya ni Lexie ay nagfocus din siya sa pag- aabang sa taong bababa mula sa sasakyan.

Naunang bumaba ang lalaking naka-suit at agad nitong binuksan ang pinto ng backseat.

Everyone was holding their breath at nung bumaba ang paa ng bagong CEO ay masasabi ni Althea na matangkad ito.

Pero feeling ni Althea, namutla siya nung tuluyang nakalabas sa kotse ang lalaki.

Hindi siya maaring magkamali!

Si Joaquin Lagdameo!

Joaquin scanned the place at nagyuko ng ulo si Althea nung padaan na sa pwesto nila ang mapanuring mata nito.

‘Bakit siya nandito?’

‘Bakit niya inacquire ang Titus?’

‘Dahil ba sa kanya?’

Napailing si Althea dahil imposible naman yun. Noong iwan niya si Joaquin, galit na galit ito sa kanya at halos isumpa pa nga siya.

So bakit niya yun gagawin for her sake?

“Ms. Althea, tara na po!”

Napalingon si Althea at nakita niya na nilagpasan lang siya ni Joaquin kaya naman naisip niya na baka hindi na siya nakilala nito.

Pero imposible naman yun! Tatlong taon silang naging magkarelasyon at kahit apat na taon na din ang lumipas buhat noong maghiwalay sila, hindi siya naniniwala na hindi siya nito makikilala.

“Grabe! Ang gwapo nung bagong boss natin!” sabi ni Lexie habang naglalakad sila pero hindi niya ito pinansin

“Hindi din….”

Siniko siya ni Lexie kaya napalingon naman siya dito.

“Anong hindi din! Bulag ka ba?!” gulat na tanong sa akin ni Lexie pero hindi ko na lang pinansin

Even before, gwapo na talaga si Joaquin. Kaya naman habulin siya ng mga babae noon sa university na pinapasukan nila. Pero ang mga mata ng binata ay nasa kanya lamang kaya nga tumagal ng tatlong ang relasyon nila.

Second year na siya noon at fourth year na si Joaquin nung maging sila. Unang taon pa lang niya sa kolehiyo nung bakuran siya ng binata at sinagot niya na ito dahil bukod sa gwapo ito ay mabuti din ang pinapakitang asal nito.

Naging supportive na girlfriend si Althea lalo na nung nagsisimulang maghanap ng trabaho si Joaquin after graduating. Nakahanap naman siya at masaya si Althea dahil unti-unti ng natutupad ang pangarap ni Joaquin.

Pero nangyari ang isang sakuna na naging dahilan para masawi ang tatay ni Althea. Nasa ikaapat na taon na siya noon at isang taon na lang, magtatapos na siya sa pag-aaral bilang isang arkitekto pero napilitan siyang huminto dahil sa nangyari.

Hindi pumayag si Joaquin na huminto siya at sinabi ng binata na siya na ang magpapa-aral sa kanya. Tinaggihan ito ni Althea pero mapilit si Joaquin dahil gusto nito na maabot niya din ang pangarap niya.

Ginawa ni Joaquin ang lahat at tumanggap pa nga ito ng mga sidelines para lang mas kumita ng pera and Althea also did her part. Naghanap din siya ng trabaho kahit na ilang oras lang para makatulong naman kay Joaquin.

Hanggang sa matanggal si Joaquin sa pinapasukan nitong opisina at hindi nga niya alam kung bakit samantalang maayos naman ang trabaho niya. Pero hindi sumuko si Joaquin dahil alam niyang inaasahan siya ng kanyang nobya.

Ang nakakapagtaka lang, walang kumpanya na gustong i-hire siya kaya naman nakaramdam ng depression si Joaquin kaya nagpasya na si Althea na tumigil na ulit sa pag-aaral.

Ilang buwan ding nagtiis si Joaquin sa paghahanap ng trabaho hanggang sa tawagan siya ng isang malaking kumpanya. Masayang-masaya sila ni Althea pero hindi akalain ng dalaga na doon na magsisimula ang problema sa relasyon nila.

Naging busy si Joaquin at nawalan na nga ito ng oras sa kanya pero inunawa ito ng dalaga dahil alam niyang para naman sa kinabukasan nila ang lahat. Nagtiis siya at hinabaan ang pasensya niya dahil alam niyang nahihirapan din naman ang kanyang nobyo.

Hanggang sa magpaalam ito sa kanya at sabihing mawawala siya ng isang linggo dahil kailangan niyang sumama sa boss nila sa isang business trip. Nagtaka si Althea dahil wala pa naman isang taon si Joaquin sa trabaho at hindi naman mataas ang posisyon niya para isama sa ganung lakad.

Minabuti niyang hindi magtanong kay Joaquin dahil ayaw niyang mamis-interpret siya ng binata. Kailangan niyang suportahan ito pero hindi talaga maalis ang kaba na nararamdaman niya.

Isang linggong nawala si Joaquin at kahit masama ang loob niya dahil ni hindi siya nagu-update ay tiniis ito ng dalaga. Hanggang sa dumating ang isang hindi inaasahang panauhin noong araw na yun.

“Iwanan mo na ang anak ko! Hindi ka makakabuti sa kanya!”

Napatingin si Althea sa ginang na siyang ina ni Joaquin at kita naman sa mga mata nito ang disgusto sa kanya pati na sa relasyon nila. Ramdam na ito ni Althea kahit noon pang unang ipakilala siya ng binata sa kanyang ina.

“Ano pong ibig ninyong sabihin?” tanong ni ALthea na noon ay nagpipigil sa pag-iyak

“Kasama ni Joaquin ang anak ng boss niya. Si Erin dela Cuesta. Kilala mo naman siguro siya hindi ba?”

Erin dela Cuesta…

Isang sikat na modelo hindi lang sa Pilipinas kung hindi rin sa ibang bansa.

“Hindi ikaw ang pinangarap ko para sa anak ko, Althea! Hindi ikaw ang para sa kanya. Nakikiusap ako sa iyo, bilang ina, iwanan mo na si Joaquin. Maniwala ka sa akin, magiging maayos ang buhay niya pag hiniwalayan mo siya!” pakiusap ng nanay ni Joaquin habang hawak ang kamay niya

“Naririnig niyo po ba ang sinasabi ninyo?” protesta ni ALthea saka niya binitawan ang kamay ng ginang

“Nagmamahalan kami ni Joaquin! Hindi ko siya iiwan dahil sumumpa kaming dalawa na hindi namin bibitawan ang isa’t-isa!” ani Althea kaya muling naging madilim ang mukha ng nanay ni Joaquin

“Ipinagkakait mo kay Joaquin ang magandang buhay, Althea! Sinisira mo ang magandang bukas na naghihintay sa kanya!”

Hindi maintindihan ni Althea ang ibig sabihin ng nanay ni Joaquin pero isa lang ang sigurado siya, hindi niya iiwan si Joaquin!