CHAPTER 45 - THE HIDDEN MASTER

“Paano Ciara, mauuna na kami ni Mylah sa Montana Cove resort.”nakangiting wika ni Edwin. Kasalukuyan silang nag-uusap ni Mylah sa loob ng silid, nang sumilip ito. Napatingin silang dalawa ng kaibigan sa gawi ni Edwin na pumasok sa loob ng silid. Hindi niya maiwasan na hindi na miss si Clarence ng tumingin siya kay Edwin na hinalikan sa labi si Mylah. Hindi na siya nagtataka kung bakit mabilis mahulog ang loob ni Mylah kay Edwin kahit pa noong simula ayaw nito sa lalaki.

“Best, ano, okay ka lang ba?” tanong ni Mylah ng mapansin ang nagbabadyang luha sa kanyang mga mata.”

Ngumiti siya na tumango sa kaibigan. “Oo okay lang ako, ano ka ba.” Hinampas niya ito sa balikat. “Aayusin ko lang ang lahat na mga gamit ni Baby Adler, susunod na rin kami.” Ayaw sana niyang isama ang mga bata, ngunit si Edwin ang nag insist na isama ang mga ito para makadalo sa birthday ng Daddy nila. Kahit annulled na sila ni Clarence, dinala pa rin niya ang proof na minsan na silang kinasal dahil sa mga bata. Nagp