CHAPTER 54 - LORD DEMON

"Master Black, gusto kayong makausap ng Demon Master."

Napalingon si Clarence ng marinig ang boses ni Brando. Mahigit dalawang linggo na ang nakalipas simula ng malaman niya ang katotohanan. At sa loob ng dalawang linggo, wala na rin siyang ginawa kundi ang manood kung paano nahihirapan ang kanyang ama. Palala ng palala ang sakit nito, ngunit wala man lang siyang magawa para ito’y matulungan. Marami na siyang Doctor na nakausap tungkol sa kondisyon nito, ngunit lahat sila isa lang ang sinasabi, ang ihanda niya ang kanyang sarili dahil hindi na ito magtatagal.

“Master.”

Narinig na naman niya ang tawag Brando, ngunit nanatili lamang siyang nakaupo sa malaking bato habang nakatunghay sa dagat. Suminghot siya at lihim na pinahid ang luha niya. Alam na niya kung bakit siya pinapatawag ng kanyang ama. Ngunit wala siyang lakas ng loob upang harapin ito.

“Master, alam kong mahirap man tanggapin ngunit kailangan mong harapin ang katotohanan. Mas masakit kung hayaan mo siyang mawala na hindi