156..Mr. Calvez

‘Oh, narito na pala si Mr. Calvez!’ biglang wika ni Ama Clinthon sa bungad ng pinto, bakas sa tinig ang paggalang at bahagyang pagkabigla.

Saglit na katahimikan ang bumalot sa paligid. Ang lahat ay napako ang tingin kay Mr. Calvez na ngayon ay nakatayo sa pintuan, animo’y isang anino na nagbigay bigat at karisma sa silid. Ang tikas ng kanyang tindig ay tila umaangkin sa buong espasyo.

Maging si Roxane ay napalingon, at sa mismong sandaling iyon ay hindi niya napigilan ang mapamulagat.

“Wow… iba siya!” biglang sambit ni Roxane, may halong paghanga at hindi sinasadyang kislap ng damdamin sa kanyang mga mata.

Narinig naman iyon ni Dark. Bahagyang kumunot ang kanyang noo, wari’y may kirot na kumislot sa kanyang dibdib, ngunit pinanatili pa rin niyang kalmado ang anyo. Nakatago ang kanyang nararamdaman sa likod ng malamig na titig.

“Grabe… ang tangkad, ang macho, at nakakaakit ang mga mata niya.” Huminga nang malalim si Roxane, saka pa nagbitiw ng pabirong ngiti. “Pwede na rin…”