Malalim na ang gabi. Hindi magkandatutong isinuksok ni Ella ang susi sa seradura ng pinto.
"Siguradong nag-aalala na si Sophie." Pakikipag-usap niya sa sarili.
Malalaki ang mga hakbang na tinawid ang kabahayan at tuluy na kumatok sa kuwarto
Nakalabi, nagmamaktol si Sophie, habang nakatingin kay Ella, na pinagbuksan niya ng pinto. Naiinis siya dahil madalas na niyang hindi nakakasabay sa hapunan ang kaibigan.
Malungkot ang kumain nang nag-iisa.
Agad ngumiti ang bagong dating, sabay sa paghalik sa pisngi ng kaibigan.
“Ano'ng balita?” tanong agad.
“Bakit ang tagal mong dumating? Kanina pa ‘ko hintay ng hintay sa ‘yo.” ganting tanong ni Sophie.
Hindi agad nasagot ni Ella ang kaibigan. Nakatutok ang kanyang tingin sa maletang nasa ibabaw ng kama.
“Aalis ka? Lilipat ka na ba? May nasabi ba akong mali? May nagawa ba akong masama sa iyo? Nagtatampo ka ba dahil hindi agad ako nakakauwi pag umaalis ako?”
Masayang niyakap ni Sophie ang kaibigan.
“Hired na ako as family nurse ng pamilya Madrid na inaplayan ko. Tinawagan na ako ni Ms. Amelia Madrid.”
Kumalas sa yakap ng kaibigan si Ella.“O, e, bakit kailangan mong umalis?” ang tanong na hindi itinago ang sama ng loob.
“Napakalayo po kasi ng Palawan, kaya kailangan kong mag-stay in.”
Natigilan. Nag-alala ang kaibigan kay Sophie.
“Are you sure safe ka do’n? Mababait ba ang mga taong makakasama mo do’n?”,
“Mabait si Mrs. Amanda Madrid, yung aalagaan ko. Ka-video chat namin siya ng anak niyang babae, noong nag-iinterbyuhan kami. Wala naman siyang sakit, gusto lang ng mga anak niya na nurse ang mag-aalaga sa kanya. Papunta na kasi ng UK ‘yung uminterbyu sa akin, at doon na raw maninirahan after magpakasal sa boyfriend nitong Briton.”
“Aalis ka na agad? May tiket ka na sa eroplano?”
Tango ang sagot.“Naikuha na ako ni Miss Madrid ng tiket, papuntang Palawan. Hihintayin naman ako ng kapatid niyang lalake sa airport sa Palawan at isasama sa bahay nila.”
Napaisip si Ella.
“Ano’ng pangalan ng lalaking anak?”
“Victor. Victor Madrid’
“Guwapo kaya?”
“Kung kamukha niya ang kapatid niya, e, siuradong guwapo siya’ Maganda si Miss Madrid, e.”
“Baka ‘yun na ang hero na hinihintay mo,” kinikilig si Ella, “ang iyong twin flame, ang soulmate mo!”
Napangiti si Sophie. Nakaramdam ng magandang pag-asa ang romantikang puso.
“Ano kaya at ganoon nga iyon. Na nasa palawan ang lalaking pangarap ko…”
“Baka si Victor Madrid na nga ‘yun!”
Nagtatawanang nag high five ang dalawa.
Umasam. Umasa.Hindi na niya makakasama ang kaibigan na nakahiligan niyang alagaan. Ang taong kasama niya sa saya at kalungkutan. Ang nag-iisang tao na pinagkatiwalaan niya ng kanyang mga lihim.
Mapag-iisa na naman siya. Katulad ng madalas na pangyayari sa buhay niya, dahil laging wala ang mga magulang niyang abala sa paghahangad na magkamal ng maraming pera.
"Huwag kang mag-alala, luluwas ako from Palawan every month" pangako ni Sohie, "tsaka puwede naman tayong mag-video call everyday."
"Magastos."
"Libre naman sa messenger!!"
Huminga nang malalim si Ella.
"Bakit naman kasi sa Palawan mo pa nasumpungang mag-apply?"
Mahigpit na niyakap ni Sophie ang kaibigan.
"Alam mo naman hinahanting ako ng mga Sandoval, 'di ba? Madali nila akong matatagpuan kung sa NCR ako magtatrabaho."
Nagkibit ng balikat si Ella. Nakabukol pa rin ang sakit ng kalooban sa dibdib nito.
"Maraming koneksyon ang mga Sandoval dito. Maraming puwedeng magtsutsu sa akin."
Ayaw niyang malayo sa kanya ang kaibigan, ngumit mas lalong ayaw niyang mapahamak ito.
"Basta mag-iingat ka do'n ha? At huwag mong kakalimutan ang promise mong video call everyday!"
"Oo naman!"
Hinigpitan pa ni Sophie ang pagkakayakap sa kaibigan na gumanti ng mas mahigpit na yakap sa kanya.
"Mag-send ka agad ng picture ni Victor Madrid, once na magkita kayo."
"I will. Promise."
Dama ng bawat isa ang pagmamahal na kalakip ng yakap nila sa isa't-isa. At ang yakapan nilang iyon ang isa sa mga alaalang maiiwang nakatatak sa kanilang mga puso.
...Hanggang sa muli nilang pagkikita.
*******
Hindi na nagkaroon ng pagkakataong itanong ni Sophie kay Ella ang dahilan kung bakit hindi agad ito nakauwi noong araw na ginabi siya sa paghihintay sa kaibigan. Excited nilang pinag-usapan ng gabing iyon ang Pamilya Madrid. Nasentro ang kanilang pagkukuwentuhan sa nag-iisang anak na binata ng mga Madrid. Nilagyan nila ng mukha sa kanilang mga imahinasyon ang lalaking hindi pa nila nakikilala. Na dinala ni Sophie hanggang sa kanyang panaginip.Napanaginipan niyang napakaguwapong lalake ni Victor Madrid. May magandang pangangatawan at maginoong pag-uugali. Nililigawan siya nito. Pinagsisilbihan at nireregaluhan. Hanggang sa naging magkatipan sila. Magkahawak kamay silang namamasyal. Nagsusuyuan. Pakiramdam niya’y nasa ulap siya, lalo ng yakapin na siya nito.At napapikit siya ng hahagkan na siya… PAK! Napadilat si Sophie. “Bakit ka ba namamalo?” tanong niya, kasabay sa paghaplos sa hita niyang pinalo ng
Honda Civic SiR ang kotseng minamaneho ni Victor Madrid.“Manual driving lang. Lumang modelo, “ nasa isip ni Sophie, “middle class, hindi rich. Pero kung makaasta ang lalaking ‘to, feeling super rich. Kayabang! ”Hindi mahalaga kay Sophie kung middle class man o super rich ang paglilingkuran niya bilang nurse.“Ang importante ay magbabayad sila nang tama at hindi manggugulang. “Makintab at halatang alagang-alaga ang sasakyan. Malinis ang mga upuan at walang kahit anong mantsa na mapapansin sa loob. Makinis ang pagtakbo at walang ingay na maririnig mula sa makina nito.Tahimik si Sophie, habang patingin-tingin sa kanya ang nagmamanehong si Victor. Ramdam niya ang mga mata nitong nakatutok sa kanyang mukha, at nakikita niya sa sulok ng kanyang mga mata ang inis sa bawat galaw at ekspresyon ng mukha nito. Inis na nagsimula sa unang sandali pa lang ng pagkikita nila.&ldquo
Gumagapang at umaalipin na sa kanyang kamalayan ang matinding takot. Bawat aninong kumikilos ay nagpapanginig sa kanyang laman at nagpapabilis sa tibok ng kanyang puso.“Ano ’yon?” Nanginginig ang tinig na tanong ni Sophie sa sarili, ng mapansin ang aninong wari ay biglang nagtago sa dilim.Luminga-linga siya. Hinanap ang posibleng pinuntahan ng anino.“Baka holdaper ‘yun. Baka terorista! Baka…”Muli may aninong kumilos. Nanlalaki ang mga matang sinundan niya iyon ng tingin.May kumalabog mula sa hood ng sasakyan.BOG!“EEEEEEEEEEEEEEE!”…….Nakarating sa kinaroroonan ni Victor ang malakas na hiyaw.“Si Nurse Sophie kaya ‘yun?”Nanainga. Hinintay kung may maririnig pang sigaw.…….“EEEEEEEEEEE…”Nakapikit nang mariin ang mga mata ni Sophie, habang patuloy sa pagsigaw.D
Pahigpit nang pahigpit ang pagkakasakal kay Sophie. “Hindi ako makahinga. Bitiwan mo ‘ko!” Habang pilit niyang kinakalas ay lalong humihigpit ang kapit ng mga kamay sa kanyang leeg. “Masama kang tao. Papatayin kita. Dadahin kita sa impiyerno!” “Wala akong kasalanan sa ‘yo!” “Ikaw ang pumatay sa Akin!” “Baliw! Multong baliw! Wala akong kasalanan sa ‘yo… “ Ubos lakas, puno ng panggigigil na kinapitan ni Sophie ang mga kamay na sumasakal sa leeg niya. Puwersahang kinalas. “Walaaaa… !“ ang malakas na sigaw. SPLAKK! SPLASHH… Malakas na humampas ang kanyang kamay sa gilid ng bathtub. Nagising si Sophie. Nagkandasamid at inubo dahil sa tubig na malakas at biglaang pumasok sa kanyang bibig, nagtuluy-tuloy sa baga niya. Agad niyang iniangat ang kanyang ulo sa tubig. Lumuhod. Nagkakandaiyak na isinuka ang tubig na nainom. Hina
Nagmamadaling nagpaalam si Tony Sandoval kay Ella ng matanaw ang private investigator na kinontrata niyang maghanap kay Sophie Samonte.“Babalik ako agad. Kakausapin ko lang itong P. I. ““P. I.? ““Yeah. May ipinahahanap kasi akong tao. I’ll be back. “Sinundan ni Ella ng tingin ang nagmamadaling makaalis, habang sa kanyang isip ay nagtutumining ang hinala na ang kaibigan niyang matalik ang taong ipinahahanap nIto.“Kailangang marinig ko ang pag-uusapan nila.“ Ang nasa isip niya. “Nang biglang bumalik si Tony.“Baka matagalan ang discussion namin ng P. I. Would you mind kung ipahatid na muna kita sa bahay n’yo?”Hindi agad nakasagot si Ella.Sinenyasan ni Tony ang kanyang personal bodyguard na lumapit sa kanila ni Ella“May ipag-uutos po kayo, Boss?“ tanong nito, ng makalapit.
Dinampot ni Victor ang cellphone niyang nasa kama.LOWBAT!Mabilis na nagdesisyon.“’Yung landline sa ibaba ang gagamitin ko.”Nagtutumuling lumabas ng silid. Ngunit sa pagliko niya sa hagdan ay nabangga ang nagmamadali ring nars na kanyang isusuplong.HULOG!Nanlalaki ang mga mata, natigilang nakatingin si Victor sa babaing gumugulong, pababa ng hagdan, na walang patid ang paghiyaw.“EEEEEEEEEE…”Hanggang sa ito ay kumalabog at tumigil sa sahig. Walang malay tao.Mabilis ang mga pangyayaring hindi niya inasahan.Siya ang nagplanong magsuplong at ipakulong ang nars na pinaghihinalaang gumagawa ng masama.Ngunit tila siya pa ngayon ang mapaparusahan.May kaba sa dibdib na nilapitan niya si Sophie.Hindi gumagalaw ang nars. Duguan.Suminsin ang tibok ng pusong tinanaw ni Victor ang pinakaita
Animo palasong isinibat ang sasakyan ni Tony Sandoval. Walang pakialam sa yellow or red light, tuluy-tuloy ito sa pagtakbo, na tila ba walang pakialam sa mundo. Kahit pa ang sariling buhay ay hindi inalintana. Hindi iniiwasan ang ano mang bagay na nakaharang sa dinadaanan, bagkus ay binabangga iyon at pinatatalsik.Nakikipag-unahan siya kay kamatayan. Nais niyang makarating agad sa tirahan ng mga Caprichosa bago mahuli ang lahat.Pakiramdam niya ay nasa panganib ang buhay ni Ella. Kailangan niyang iligtas ito.Nag-aalala siya dahil sa malakas na kalabog at tili na kanyang narinig habang kausap niya sa phone ang babae. Ang malakas na kalabog na iyon (na hinihinala niyang katawan ni Ella na bumagsak sa sahig) ang dahilan kung bakit nag-aapura siyang mapuntahan ang babaing minamahal.Mahalaga sa kanya si Ella at hindi niya gustong may masamang mangyari sa babae. Ibig niyang mailigtas ito kung sakali man at may masamang pangyayari ng
Nagyuyukayok na si Victor sa pagbabantay kay Sophie Samonte. Pasaglit-saglit lamang ang kanyang naging pagtulog mula ng dalhin niya sa ospital ang nurse ng kanyang mama, talong araw na ang nakakaraan.Nasa comma ang babaing hindi sinasadyang nabangga niya at nahulog sa hagdanan.Inilapat ni Victor ang likod sa sandalan ng silyang inuupuan. Ipinatong ang throw pillow sa ibabaw at doon ipinahinga ang ulo. Pumikit upang pagpahingahin din ang mga matang pagod at nahihirapan na.Nakatulog.Nagsisimulang magkamalay si Sophie. Naaninagan niya ang mukha ng lalaking nakaupo sa silya, sa tabi ng hinihigaan niyang kama. Sa kisame nakaharap ang ulo nito.Nakanganga. Nakapikit. Tulog.“Si Victor Madrid?”Pagtataka niya.Inilibot niya ang mga mata sa paligid.“Ospital? Nasa ospital ako? Bakit ako nasa ospital?” Pabulong, sunud-sunod na tanong sa wala.Noon lamang niya napansin ang dextros