Chapter 9 Exam

“Bitiwan niyo po ako, S-Sir!” panlalaban ko sabay haklit sa braso niyang nakapulupot sa aking baywang.

“Paisa lang, Gertrude. Ang sarap mo tingnan, eh.” Nahindik ako sa malapad at nakakadiri niyang ngisi.

Buong lakas ko siyang itinulak kaya malutong siyang napamura. Pansamantala akong nakawala sa kanya ngunit madala niya naman akong nahila pabalik.

“Bitiwan mo 'ko!” sigaw ko at pinagsisipa na siya.

Dahil sa laki at lakas niya ay wala akong kalaban-laban. Bahagya niya akong nakarga. Pinagsusuntok ko man ang likod niya ay parang wala rin lang nangyari.

“Tulong! Tulungan niyo ako!” buong lakas kong sigaw. “Ryker!”

Napasinghap ako nang walang awa niya akong isinandal sa pader. Gamit ang kanyang malaki at magaspang na palad ay tinakpan niya ang bibig ko para mapigilan ako sa pagsigaw. Gamit ang isa niyang kamay, ipinako niya naman sa ulohan ko ang aking mga kamay.

Halos hindi na ak