Chapter 02

02

Harriet pov

"K-kumusta p-po, Sir?" nauutal kong saad dito. Ngunit hindi nito ako pinansin. Bipolar pala ito kasi kanina lang halos mapunit ang labi kung makangiti pero ngayon nang bumati ako sa kaniya masungit na.

"Dad! Tinatakot mo po si, Harriet," reklamo ni Archie, pagkatapos yumuko para tingnan ako. "Babe, nagbibiro lang 'yan si daddy," dagdag n'ya kaya tumango ako.

Seryoso pa rin akong pinasadahan ng tingin ng daddy ni Archie. Okay lang sa 'kin kung hindi niya ako gusto para sa anak niya? Si Archie naman ang pakakasalan ko at hindi siya. Kaya okay lang magustuhan o hindi matutuloy pa rin ang kasal namin ng anak niya.

Ngumiti ako kahit na hindi ako sigurado kung maayos ba iyon, basta kumilos lang ako kung saan sa tingin ko hindi mapapansin ni Archie ang pagkabalisa ko.

"By the way, babe. He is Simon Navalta, my dad,"

Kung itatabi si Archie sa daddy nito parang magkapatid lang itong dalawa. Twenty four na si Archie pero itong daddy niya ilang taon na kaya? Maaga pala itong nagkaanak? Hindi kasi ako nag-usisa tungkol sa mommy ni Archie. Wala rin kasi ito na-kwento sa akin hindi rin naman ako matanong dahil ayaw kong lumabas na pinangungunahan ko siya. Inaantay ko lang kung kailan magkwento si Archie sa akin.

Napalunok ako nang seryoso itong nilapitan kami ni Archie. "Traffic?" kaswal nitong tanong kay Archie at tumingin din ito sa akin. Tipid akong ngumiti tumango ito ngunit saglit lang dahil napunta ulit ang atensyon nito sa anak niyang si Archie.

"Hindi naman masyadong traffic, dad," masayang sagot ni Archie sa kaniya.

Tumango ito saglit na niyakap si Archie. Habang pinanonood ko sila kitang-kita ko ang pagkasabik ni Archie sa pagkikita nila ng daddy n'ya kaya napangiti ako. Hindi ako matanong kay Archie sa relasyon nila ng daddy n'ya, kaya ngayon nakita ko lang napagtanto ang reaksyon ni Archie, para siyang paslit na tuwang-tuwa dahil umuwi na ang daddy niya.

Gusto kong isipin na hindi sila close na mag-ama dahil dito sa nakikita ko. Kawawa naman pala si Archie, puro negosyo ang inaatupag ng dad n'ya nawawalan ng oras para kay Archie.

"Dad, sabi ko naman sa iyo magtitino na ako ayaw mo lang maniwala sa akin. Siguro naman ngayon napatunayan ko sa iyo na mabuting babae ang mapapangasawa ko," tumingin muna si Archie sa 'kin bago magpatuloy. "Dad, kaya ko ng mag-handle sa mga business natin," masayang sabi ni Archie na kinatikhim ng daddy n'ya.

"Anak, mamaya na natin iyan pag-usapan kararating niyo lang ni, Harriet," saad ng daddy n'ya.

Napakamot si Archie sa buhok n'ya ngumiti lang ako para iparating nauunawaan ko sila.

"Opo dad, mamaya na lang," magalang na sagot ni Archie.

Pero sa totoo lang medyo nagulat ako sa sinabi ni Archie kahit na alam ko naman na umpisa pa lang noon bago n'ya akong tulungan sa bone marrow transplant ni Mama, napag-usapan na namin ito noon. Kapalit ng tulong dahil kailangan n'yang makahanap ng matinong fiance dahil iyon daw ang kondisyon ng dad n'ya para pagkatiwalaan siyang humawak sa mga negosyo nila.

Hindi naman kasi namin akalain pareho na mauuwi talaga sa pag-iibigan. Ako rin kasi ay nahulog din naman ang loob sa kaniya. Pero bakit ngayon bigla akong nanibago sa kaniyang sinabi. O dahil pagod lang ako sa byahe namin kaya OA kung maka-react.

"Harriet," napatingin ako sa kaniya dahil sa pagsambit n'ya sa pangalan ko. Ang g'wapo nitong daddy ni Archie. Ang lapad ng dibdib nito kahit natatakpan ng long sleeve polo ang braso nito kitang-kita alaga talaga ito sa ehersisyo. Iyon bang kapag kinulong ka nito sa bisig n'ya hindi makaramdaman ng pangamba.

Naulinigan kong mahina itong tumawa kaya nanlaki ang aking mata. Shit! Shit! Nakatitig na pala ako rito kaya mabilis akong nag-iwas ng tingin.

Damn it! Lihim kong namura ang aking sarili. Seryoso Harriet? Ikakasal ka na pero humahanga ka pa sa ibang lalaki at Tatay pa ng lalaking pakakasalan mo. Lihim kong sinilip si Archie. Nakahinga ako ng maluwag ng tila kalmado lang ito.

"Pwede ko naman siguro yakapin si Harriet?"

"Yes dad," walang pagtutol na sagot ni Archie at binigyan pa ng space ang daddy n'ya kaya kumunot ang noo ko. Ako na lang sana ang gagawa ng alibi ngunit para akong ipinako sa kinatatayuan ko sa sumunod na hakbang ng daddy ni Archie.

"Totoo pala ang k'wento ng anak ko maganda ang magiging daughter-in-law ko. Magaling pumili itong anak ko," wika nito sabay tinapik n'ya sa balikat si Archie.

Damn it walang sere-seremonyas niyakap niya ako kaya para akong tuod sa labis na pagkabigla. Tipid na lamang akong napangiti para hindi halatang kabado ako dahil nakatingin sa 'min si Archie.

Hindi ko alam kung nahahalata iyon ni Archie, pero parang hindi naman nito napapansin. Dahil nakangiti pa ito habang pinanood n'ya ako yakap pa rin ng daddy niya.

Uminit ang pisngi ko ng maramdaman ko ang pagpisil nito sa baywang ko. Kahit na may damit ako ramdam ko ang init na minsan hindi ko iyon naramdaman kay Archie.

"Harriet, huh!" mariin n'yang bulong habang yakap niya pa rin ako. Napalunok ako dahil parang sinasadya talaga nito ang pagsayad ng labi sa tainga ko dahil may binulong ito.

"N-nice m-meeting you, S-sir Simon Navalta," nauutal kong sabi. Pisti oi sana talaga hindi ako nahalata ni Archie.

"Nice to meet you too," saglit na tumigil. "One month na lang ikakasal na kayo?" dagdag nito ngunit bakit tila ako lang yata ang nag-iisip ng masama dahil masaya naman si Archie habang pinagmamasdan niya kami ng daddy n'ya.

"O-opo Sir Simon Navalta," sagot ko. Damn! Bakit hindi ako makakilos ng hindi nauutal. Tumikhim ako. "K-kanina ka pa nakayakap," sita ko sa kaniya at halata nanginig din ang boses ko. Katunayan mahina itong tumawa tila naaliw.

"Relax! Hindi naman ako nangangagat," saglit siyang tumigil. "At alam iyon ng mga kakilala kong babae," dagdag n'ya kaya napalunok ako.

Mariin akong napapikit at handa ko na sana itong itulak ngunit nauna itong bumitiw na parang wala siyang sinabi na ikababalisa ko.

"Let's go! Kanina pa nakahanda ang dining table," balik seryoso nitong sabi at nauna pa sa amin ni Archie.

Pilit kong inayos ang sarili ko at masayang ngumiti kay Archie. Pinagsalikop nito ang palad namin kaya tipid ko s'yang nginitian

"Tara nagugutom na rin ako babe, ikaw ba?" malambing n'yang tanong tumango lang ako sa kaniya at sumunod na lang ng hilahin n'ya para sundan ang daddy niya.

Lihim kong inilibot ang aking mata sa paligid. Napakalaki ng bahay nila sino kaya ang mga kasama nila rito. Kasi si Archie, sa condo nito umuuwi malapit sa coffee shop na pinapasukan ko kung saan kami unang nagkakilala.

"H'wag kang mailang sa bahay namin soon dito na tayo titira," saad ni Archie.

"Ang laki ng bahay niyo mabuti nagkikita pa kayo ng daddy mo?"

Mahinang tumawa si Archie. "Honestly bihira kami magkita dahil busy masyado sa business," wika ni Archie.

"Akala ko nga matanda na si daddy mo," sagot ko sa kaniya kinahagalpak niya ng tawa.

"Marami nga nagkakamali at halos mga nakikilala kong babae nagkakandarapa kay dad. He is only forty four at bata pa sa personal kaya lang masyadong pihikan sa babae. Pero masaya ako babe, kasi nagustuhan ka ni Daddy. Nakikita ko rin soon ibibigay na ni dad ang napag kasunduan namin," halata sa boses ni Archie ang saya kaya napangiti na lang ako sa kaniya. Kasabihan nga kung saan masaya ang mahal mo suportahan mo at iyon ang ibibigay ko kay Archie.

"Happy for you," totoo kong sabi.

"Babe, 'wag mo sana bigyan ng meaning dahil mahal na mahal kita kaya gusto ko makuha ang para sa akin para sa future natin,"

"Oo naman at karapatan mo iyon kasi anak ka n'ya. Isa pa mukha naman pala mabait ang dad mo," ngiti ko pero lihim kong wish, sana makauwi na agad kami dahil nanginginig na ang tuhod ko. Sa totoo lang hindi ako makatagal sa bawat sulyap ng daddy ni Archie sa akin.