Chapter 05

Hindi na tinatanan ni Jasper ang dating asawa matapos nitong malaman na sa lumipas na anim na buwan na akala niyang nawawala ito o naging miserable ang buhay ay kabaliktaran pala ang nangyari.

Nang hindi pa niya nalaman ang tungkol sa bagong kuwento nito ay labis ang kagustuhan niya na makita si Czarina punong-puno siya ng guiltiness na ngayon ay biglang naglaho.

'Naging masaya pala siya no'ng panahong halos mabaliw ako sa kakaisip kung papaanong hihingi ng tawad sa kaniya.'

Sinundan ni Jasper si Czarina hanggang sa nakarating ito sa parking lot. Lango na sa alak si Jasper ngunit kahit papaano'y alam niya pa ang tinatahak na daan. Kahit na may panlalabo sa paningin ay kabisadong-kabisado niya ang hubog ng katawan ng dating asawa. At kasabay ng kagustuhan na makaharap ito'y naroon din ang kakaibang init na nadama ng muling makita ito.

'Czarina.' sigaw ng kaniyang isipan.

Suot ang matingkad na kulang pulang tube dress ay walang pag-aalinlangan na tinahak mag-isa ni Czarina ang patungo sa kaniyang sasakyan. Iniutos niya sa mga bodyguards na mauna na sa isang sasakyan kahit na todo ang pagpupumilit ng mga ito na eskortan siya.

Nakiusap din siya sa kanila na hayaan siyang magmaneho ngayon lang, habang hindi niya kasama ang asawang si Alexander. Tinuruan siya magmaneho ng asawa ngunit hindi naman hinahayaan na magdrive mag-isa.

Kinuha niya ang car keys sa mamahaling itim na Chanel bag, ilang dipa na lang din ay malapit na siya sa kaniyang black Sweden.

"Czarina!"

Nabitiwan ni Czarina ang hawak na susi, hindi lamang iyon sa labis na pagkagulat ngunit dahil na rin sa malakas na puwersang nanggaling sa lalaking nabungaran niya paglingon sa likuran.

Inasahan niyang makikita ang dating asawa sa event dahil iyon naman ang plano niya talaga, ang ibalita sa mga Clarkson na buhay siya't nagbabalik upang maningil sa ginawa sa kaniya. Ngunit ang hindi niya napaghandaan ay ang dahas na dala nito ngayon.

Naging napakahigpit ng kabig ni Jasper kay Czarina, na sa sobrang puwersang ginamit niya ay nagkaron ng namumulang paikot na marka sa kaniyang palapulsuhan si Czarina.

"Ano'ng problema mo?" tanong nito habang hinihilot ang kaniyang kamay.

"Ikaw! Ikaw ang problema ko. Nagpakasal ka

kaagad matapos nating mag-divorce, huh?" Pagbulyaw ni Jasper.

Pumapasok na ang tama ng alak sa ulo nito, nakalimutan na niyang dapat ay sa sikmura niya 'yon idineretso.

"Ano ba, nasasaktan ako!"

Hindi nakapalag pang muli si Czarina ng hilahin na naman ni Jasper ang kaniyang kamay, mas malakas iyon kumpara no'ng una kaya naman nilakas niya rin ang pagpiglas.

'Mukhang masyado akong naging kampante sa plano ko, nakalimutan kong kapag nalalasing siya'y bigla siyang nagiging ibang tao, halimaw kung pupuntuhin 'yon.'

"Talagang masasaktan ka sa 'kin, Czarina. Pagkatapos kong mabaliw kakaisip kung papaano mo 'ko papatawarin ay ito ang ginawa mo? Nagpakasal ka sa iba? Huh!" Singhal nito. "O baka naman kasi una pa lang ay ito na ang balak mo at hinintay mo lang na ako ang magtaboy sa 'yo?"

Naikot na lang ni Czarina ang mga mata niya sa ibinintang ni Jasper. "Ang kapal mo rin talaga no? At ako pa ang binabaliktad mo ngayon?"

"Bakit? Hindi ba totoo, huh?"

Ngali-ngali na si Czarina na tampalan ng sampal ang lalaki kung hindi lang nito hawak ang braso niya. "Puwede ba, ipapaalala ko lang sa 'yo Jasper , nakipaghiwalay ka sa akin. Divorce na tayo legally so ano'ng ipinuputok ng butsi mo ha? Wala sa usapan na hindi ako puwedeng mag-asawa ulit. At pangalawa, 'wag mong ibunton sa akin ang kasalanang ginawa mo."

"G*d damn it! Shut up!"

"Ikaw ang mag-shut up diyan, lubayan mo 'ko Jasper. At bitiwan mo rin ako kung ayaw mong tumawag ako ng pulis." Pagbabanta niya rito.

Nagpalinga-linga si Czarina, nagbabakasali na mahagilap ang kaniyang bodyguards. Saka niya naalala na sa kabilang gawi ng parking nakapuwesto ng isang kotse nila na kinasasakyan ng mga ito.

"Aray ko Jasper!"

Wala na sa kaniyang matinong pag-iisip si Jasper, ang tanging gusto niya ngayon ay kaladkariin si Czarina't i-uwi sa bahay nila. At ang balak niya'y ikulong ito sa silid at doon na magtagal.

Dahil sa lakas ng lalaki ay nagawa niyang puksain ang katinagan ni Czarina. Para na silang mga bata na naghihilahan sa gitna ng kalsada. Subalit ang presensiya ng nakasaksing si Joana ang pumutol sa nangyayaring karahasan sa pagitang ng mga ito. Kaagad na hinila ng babae si Jasper mula kay Czarina. Pagalit pa nga nitong inalis ang kamay ni Jasper sa braso nito kahit na mahirap.

"What are you doing? Hindi na kayo mag-asawa pa."

Nangunot na lang ang noo ni Czarina sa pagdating ng kabit ng kaniyang dating asawa. Hindi lang ito malandi sa kaniyang mga mata, eskandalosa pa. Nang-aagaw na naman ng spotlight ng iba.

"Wow! At nandito ka rin?" Tapon ni Czarina ng sarkastikong tanong rito.

"Can't you see? Don't tell me na bulag ka lang talaga?" MAtawa-tawang sagot naman ni Joana.

"Kung bulag ako 'di sana hindi ko pinaubaya ang dati kong asawa sa 'you. Hindi mo alam na nakita ko kasi kung gaano siya ka walang kwenta?" Napa-igik na turan nito. "At sa 'yo naman, kitang-kita ko kung gaano ka ka-desperada na pumulot ng kahit na ano'ng kalat ko, kaya ayan, pinaubaya ko na sa 'yo ang prolema ko."

Pasensiya na lang para sa babaeng biglang sumulpot sa picture frame, walang balak si Czarina sa kaniya.

"How dare you!"

Ang akmang pag-ambang ni Joana kay Czarina ay hindi natuloy nang pumagitna si Jasper upang pigilan 'yon. Ibinalandra niya ang katawan upang protektahan ang dating asawa. SA kaniya'y heroic na iyon ngunit hindi para sa babaeng kaniyang sinaktan. Walang naramdaman na kung ano'ng bugso ng damdamin ang babae, balewala sa kaniya ang kahit na ano mang gawing effort ni Jasper.

"Jasper, ano ba, umalis ka riyan. Tuturuan ko ng leksyon ang babaeng 'yan." Pagsisigaw ni JOana na siyang nakapukaw sa pansin ng ibang bisitang napagawi sa parking area.

"Stop, Joana. I said stop it!" Pagiging pananggalang ni Jasper sa sarili niya.

"No, let me! I'll gonna her pay for her rudeness. Kakalbuhin ko ang babaeng 'yan." Dugtong pa nito.

Kung titignan sa malayuan ay mukhang sina Joana at jasper ang may problema, si Czarina kasi'y prente lang ang pagkakatayo sa harapan nila. Nabubundol-bundol man siya ng mga ito'y deadma lang. Naka-cross pa nga ang mga braso niya sa isa't-isa, nangingiti na lang sa ka-oa-han na ginagawa ng mga taong kinaiinisan niya.

"Mrs. Ford? Ano'ng nangyayari rito?"

Napalingon si Czarina, sa wakas ay dumating din ang dalawa sa kaniyang mga bodyguards. Parehas na naka-casual wear ang mga to na may pa-mysterious type. Para silang 'yong mga bida sa isang movie na puros nakasuot ng itim na suit.

"Wala naman masyadong problema, maliban lang sa dalawang ito na mukhang may lovers quarell, pagkatapos ay napagkamalan pa akong nakikisawsaw sa relasyon nila." Paggawa ng kwento ni Czarina, joke lang naman 'yon sa kaniya't inakala niya na mage-gets ng mga ito ngunit hindi pala.

Nang dahil kasi sa sinabi niya'y lumala pa ang sitwasyon at nakarating pa sa asawa niya. Agad na iniradyo ni Esteban, 'yong isang bodyguard, sa kapwa nito bodyguard na siya naman nasa tabi ng asawang si Alexander na nasa ibang event naman dumalo.

"Ba't mo pa sinabi?" Iritadong tanong ni Czarina rito.

"Kailangan po, Ma'am. It's a protocol."

Hindi na lang sumagot pa si Czarina dahil alam naman niyang Wala siyang laban sa mga 'protocols' and rules ng kaniyang asawa eh. Ini-abot na nga lang niya kay ESteban ang susi ng kotse't sinenyasan ito na magdrive ng kaniyang sasakyan.

Samantala, napansin na nga ni Joana na aalis na ang babaeng kaniyang kinakalaban kaya naman nagpatianod na siya sa paghila ni Jasper sa kaniya. Sa puntong iyon ay tila ba nawala ang amats ng lalaki't mas narealized kung ano na ang kasunod na nagaganap sa harapan niya.

"Czarina, Let's talk." Nagawa ngang humabol ni Jasper sa may likuran nito, kinabig siya sa braso't nakiusap. Ngunit sa labis na attentiveness ng mga tauhan ni Czarina't hindi umabot ng isang minuto ang pagkakalapat ng ugatan nitong palad sa malambot na balat ng babae.

Isang malakas na tulak ang nagawa ni Kiko, ang ikalawa sa dumating na bodyguard ni Czarina, kay Jasper.

"Czarina, please, give me a minute please?"

"Huh?" Salubong ang Kilay na pagkakatanong niya sa sarili. Never nagmakaawa si Jasper sa kaniya kahit noong magkasama pa sila.

"Please, Czarina, I beg you."

"Ano ba, Jas! Lasing ka na, ano't nagmamakaawa ka sa isang 'yan? She's not even worth it!" Ani Joana na irritable na rin sa inaasal ng lalaking kalaguyo niya.

Na-i-ikot na naman ni Czarina ang itim sa kaniyang mga mata sa narinig mula sa babae. At talagang pinapanindigan nito ang pagiging sabit ni JAsper.

"At sino ang tinutukoy mo na hindi worth it ha? Ako ba? Nakakahiya naman sa 'yo kung gano'n o, kumusta naman ang worth mo?" Umandar ang mapagpatol mode ni Czarina, mukhang maipagkakalat niya pa ang kapintasan nito ngayon.

"Ano--"

"Hep! Hindi pa 'ko tapos magsalita." Ini-abot ni Czarina ang pouch sa kaniyang bodyguard, naglakad siya ng dahan-dahan papalapit sa babae. Nang-aasar ang mga mata nito, pinagsasadan ng tingin si Joana mula ulo hanggang paa.

Maganda rin naman ito sa kanilang puting dress na mayroong mga kumikinang-kinang na sequins ngunit hindi naman maitatago ng eleganteng kasuotan na iyon ang kaitiman ng pagkatao niya.

"Worth it ka nga naman pala sa kama ano? Soryy nakalimutan ko, kaya nga nakuha mo ang kiliti ng dati kong asawa eh. Pero 'wag kang mag-alala wala naman na akong sama ng loob sa 'yo sa nagawa mo. Actually, magpapasalamat pa nga ako sa 'yo.," ani Czarina.

Matapos bigyan ng nakakalokong ngiti ang kausap kay Jasper naman siya tumungin. "Salamat dahil Ikaw Ang naging daan sa divorce namin, dahil kung hindi ay tiyak na mas miserable ang buhay ko ngayon."

Sinadya niyang tumingin sa asawa nang sabihin ang mga katagang iyon upang mas madama nito kung ano ang naging mabuting impact niyon sa kaniya.

Umasin naman ng mukha ni Jasper ng marinig iyon, tinamaan siya ng katotohanan sa kaniyang nagawa.

"I hope both of you are happy with each other, more years to come to your relationship with him." Kay Joana na ulit siya nakabaling. Ngiting ngiti siya ng magtama ang kanilang mga mata. Nagawa pa ngang hawiin ni Czarina ang konting hibla ng buhok ng babae na nawala sa pagkakaipit sa may tainga nito. Na siya namang hindi nagustuhan ni Joana at tinapik ang kamay niya palayo. "Hmp. Bagay kasi kayo eh... Parehas kayong basura."

At isang malutong na pagtawa ang ibinigay niya para sa dalawang ahas na kasama niya.

Labis ang pagkairita ni Joana sa pinagsasabi sa kaniya ni Czarina, hanggang sa puntong yon ay hindi niya matanggap kung bakit parang naisahan na naman siya nito.

Habang patuloy sa kaniyang pagtawa si Czarina ay naging hudyat naman iyon upang sugurin siya ni Joana. Iniambang nito ang kamay upang maidapo sa kahit saang parte ng katawan ni Czarina, makaganti lang siya. Ngunit mas naging mabilis ang reflexes ng mga bodyguards na nakantabay lang sa likuran. Agad na naprotektahan nito ang amo, saka hainarap si Joana.

Hindi na inaksaya pa ni Czarina ang oras para sa mga taong alam niyang walang maia-ambag ng maayos sa buhay niya. Kaya ng makuha ang tyemp ay dumiretso na siya sa kotse, sumunod na lang ang kaniyang mga kasama. Hindi na niya nilingon pa ang dalawa, ipinilig niya na lang ang ulo't ipinikit ang mga mata.

'Tapos na ang kawawang era ko, Isa na 'kong Ford. At bilang isa sa kasapi ng respetadong pamilya ay dapat na rin nila akong respetuhin.' sa isip niya.

'At sisiguraduhin kong magagamit ko ang lahat ng perks ng pagiging isang Ford. Paluluhurin ko silang lahat sa harapan ko.'