SA halip na yayaing umuwi si Jeremy, inaya muna ito ni Katrina na mamasyal. Nakasisiguro naman siyang iyon ang gustong gawin nito. Hindi kasi siya nakasisigurado kung nakaalis na ang mga kamag-anak nito o naroroon pa rin. "Masyado ka namang tahimik diyan," wika niya nang dalhin siya ni Jeremy sa paborito raw nitong lugar na kung tawagin daw ay 'burol'. Para naman kasing burol ang lupang kinalalagyan nila tapos may punong mangga sa tuktok nito. Nakasandal si Jeremy sa may puno habang siya naman ay nakahilig sa dibdib nito. Dinig niya ang bawat pintig ng puso ni Jeremy pero hindi naman niya dinig kung anong pangalan ba ang tinitibok ng puso nito. Napabuntunghinnga siya dahil hindi niya napigilang tanungin ang kanyang sarili kung talaga nga bang siya ang laman noon. Nang una ay gusto na niyang maniwala na mahal siya ni Jeremy pero nagduda siya nang malaman niya ang tungkol sa testamento ni Lolo Segundo. Paano kung ang ‘pagmamahal’ sa kanya ni Jeremy ay may expiration date? "May inaa
I'M sorry," sa mga katagang iyon ni Jeremy, dapat ay gumaan na ang kanyang kalooban pero bigla lang bumigat ang kanyang kalooban. Para kasing inamin lang nito ang kanyang hinala. Kahit mabigat ang kanyang kalooban, sinabi niyang, "It's okay. At least, nagawa ko ng sabihin sa'yo na alam ko na. Hindi mo na kailangan pang magkunwari, naiintindihan ko na naman. Ang mahalaga lang sa akin ngayon ay ang anak ko. Kung makukuha mo na ang mana mo at gusto mo na makipaghiwalay, okay lang." Okay lang? Manghang tanong niya sa sarili dahil nagawa niyang ibulalas ang mga salitang iyon na para bang okay lang ang lahat pero ang totoo, sobra-sobra siyang nasasaktan. Pakiwari nga niya ay pinipiga ang kanyang puso. Naalala na naman tuloy niya ang kanya ni Michael V. Tiyak niya kasing kung mawawala na naman sa buhay niya si Jeremy ay ibayong sakit na naman ang kanyang mararamdaman. Hindi nga niya tiyak kung kakayanin ba niya iyon. "Wala akong balak na makipaghiwalay." Kahit may tuwa siyang naramdam
GUSTO sana ni Katrina na huwag gaanong pansinin ang presensiya ni Jeremy para hindi nito mahalata ang kanyang tunay na damdamin. Talaga kasing kahit anong gawin niya ay hindi niya mapigilang magselos sa bestfriend nitong si Veronica. Siguro naman kahit sinong nagmamahal ay maiintindihan ang kanyang nararamdaman. Hindi pa man niya nakikilala ng personal si Veronica ay alam na niyang napakaimportante nito sa buhay ni Jeremy. Pakiramdam tuloy niya'y nilalapirot ang kanyang puso. Bata pa lang sina Jeremy at Veronica ay magkasama na. Marami ngang nakakakilala sa mga ito na umaasa na silang dalawa ang magkakatuluyan. Ngunit, hindi ganoon ang nangyari. Gusto niyang isipin na dahil iyon sa pagmamahal sa kanya ni Jeremy kaya lang kapag ganoon ang sinabi niya ng paulit-ulit, wala siyang ibang lolokohin kundi ang sarili lang niya. Samantalang sila ni Jeremy ay sandali pa lang ulit nagkikita. Kahit dalawang taon din silang naging mag-on, mas matagal pa rin ang kanilang paghihiwalay. Kasal na
AYAW naman sanang iwan ni Jeremy si Katrina pero kailangan niyang sundin ang sinasabi ng kanyang Chief. Kailangan siya nito sa ahensya at hindi niya ito kayang tanggihan. Ngunit, hindi ibig sabihin nu'n ay hindi niya magagawang ipakita ang inis dito. Inis nga niyang ibinagsak ang kanyang sarili sa sofa na nasa opisina nito. Ayaw niyang umupo sa silyang nasa harapan nito dahil gusto rin naman niyang maging kumportable. "Mukhang masama na ang loob mong binibigyan kita ng misyon, samantalang dati'y lahat ng delikadong trabaho ay kinukuha mo," wari'y hindi makapaniwalang sabi ni Chief Domingo Mercado. Gayunman, hindi nito magawang burahin ang ngisi. Para ngang tinutudyo pa siya nito kaya panay ang kindat nito sa kanya. "May asawa na ako ngayon," inis niyang sabi. Nais nga sana niyang mag-resign na dahil gusto niyang ituon na sa kanyang pamilya ang atensyon pero kailangan din niyang tapusin ang kanyang misyon tungkol sa mga Samonte. Marahang tawa ang pinawalan ni Chief Domingo na para
INHALE-exhale, mariing utos ni Katrina sa sarili dahil sa biglang sabi ni Jeremy kanina na kailangan nitong umalis. Hindi naman niya tinanong kung saan ito pupunta. Natural, gusto niyang ito ang magsabi sa kanya kung bakit ito aalis at kung sino ang pupuntahan nito. Ngunit, wala siyang narinig kaya kung anuman ang gagawin nito'y talagang ipaglilihim sa kanya.Para tuloy kinurot ng pinung-pino ang kanyang puso. Para kasing pinatutunayan lang nito na ang pagiging mag-asawa nila ay sa papel lang. Kaya kahit gustung-gusto na niyang maniwala sa sinasabi nitong mahal siyang talaga parang may umaawat sa kanya. Parang may nagsasabi sa kanya na pinapaasa na naman siya ni Jeremy. higit pa ngang masakit ngayon dahil nalaman niya ang dahilan kung bakit pinakasan si ni Jeremy -- dahil sa Hacienda Rosales.Masarap ang umibig pero masakit ang umasa't mabigo. Ito ang kanyang napatunayan kaya nga nu'ng magdesisyon si Jeremy noon ay parang gusto niyang maloka. Hindi lang kas
PARANG nangangati na ang mga daliri ni Katrina na i-text si Jeremy ngunit hindi niya magagawa. Natatakot kasi siya sa maaaring mangyari kapag nagpabigla-bigla siya sa pagdedesisyon. Saka, baka naman nang-aasar lang si Joshua. Dahil matapos nitong titigan ang kanyang tiyan ay umalis na. Gayunman, ang takot na naramdaman niya sa tingin at sinabi nito'y hindi pa rin mawala.Hindi niya tuloy napigilang tutupin ang kanyang dibdib na patuloy sa pagtibok. Sobra kasi siyang natakot. Gayunpaman, kailangan niyang magpakahinahon dahil alam niyang mas maaapektuhan ang kanyang anak kapag masyado siyang nagpadala sa takot na nararamdaman.Ayaw niyang isipin na may laman ang pagbabanta nito ngunit nakakaramdam siya ng takot sa titig nito. Alam niya kung gaano nito kinamumuhian si Jeremy kaya hindi imposible pati ang anak nila ay madamay. At tiyak niyang hindi hahayaan ni Jeremy na may mananakot sa kanya dahil sinabi niya sa asawa na bawal siyang ma-stress.Kaya nga
KUNG inaakala ninyo na makakalimot ako sa kasalanan ninyo, nagkakamali kayo. Nandito lang ako at naghihintay ng tamang pagkakataon para gumanti. At sa pagkakataong ito, titiyakin ko na madudurog ko na ang mga puso ninyo.KAHIT na nakakaramdam na ng antok si Jeremy ay hindi pa rin niya magawang pumikit. Siyang-siya kasi siyang pinagmamasdan ang magandang mukha ni Katrina na kampanteng-kampanteng nakasiksik sa kanyang dibdib habang mahigpit naman niya itong yakap. Kahit na nakailang beses silang nagtalik ay parang hindi pa rin iyon sapat para mawala ang pagnanasang nararamdaman niya para sa kanyang asawa.Kahit naman nu'ng nagkahiwalay sila o mas tamang sabihing noong hiniwalayan niya si Katrina ay wala siyang ibang babaeng gustong makasalo sa kama. Para sa kanya, si Katrina lang ang babae sa kanyang buhay. Mahal na mahal niya ito kaya kahit na masasaktan siya ay pinawalan niya ito noon para lang masiguro niya ang kaligtasan nito.Ngunit, tala
DAHIL sa mahigpit na yakap ng asawa, nakampante si Katrina. Alam niyang walang makakapanakit sa kanya. Gayunpaman, ang takot ay ayaw mawala sa kanyang dibdib. Siguro dahil kahit alam niyang kayang-kaya siyang maipagtanggol ni Jeremy, ay hindi naman nito magagawang kalabanin ang patay na at sa panaginip lang siya dinadalaw.Bigla tuloy niyang naalala ang mga kuwento ng kayang Tita Eta. Sabi nito, ang mga galit na kaluluwa ay malulupit gumanti. Talagang bubulabugin ka. Maaaring hindi ka mahahawakan nito peropapasukin naman nito ang iyong panaginip at iyon ang ginawa ngayon sa kanya ni Flaviano. Maaari ngang unang pagkakataon pa lang naman ito pero ayaw na niya siyempreng may sumunod pa.Mas humigpit pa ang yakap niya kay Jeremy nang manumbalik sa isipan niya ang mga eksenang natandaan niya buhat sa kanyang panaginip...Matalim na matalim daw ang tingin sa kanya ni Flaviano nang lapitan siya. Mistulan itong mabangis na leon na handang ma