4

Ilang linggo na simula ng may mangyari sa amin ni Ninong Haze pero nitong mga ilang araw ay parang wala akong ganang makita siya. 

Kagigising ko lang pero sobrang bigat na ng katawan ko. Hindi ko nga alam pero para bang nitong mga araw ay pagod na pagod ako kahit wala naman akong masyadong ginagawa.

Kahit na tinatamad akong tumayo ay pinilit ko pa rin ang sarili kong bumangon dahil nagugutom na talaga ako. Pero bago ako bumaba ay humarap muna ako sa salamin para magsuklay. Nang makita ko ang sarili ko sa salamin ay napahawak ako sa aking tiyan ng makita ang bahagyang pag-umbok nito. 

Kumunot ang aking noo. 

These past few days, palagi akong nakakaramdam nang gutom— kaya siguro medyo tumataba na ako.

Ano bang nangyayari sa akin? 

Nakasuot lang ako ng puting bestida nang bumaba ako sa hagdanan, mamaya na ako magbibihis pagnaligo ako. I'm just really hungry now. God, sobrang hapdi ng sikmura ko. Hindi ko na talaga alam ang nangyayari sa katawan ko.

Pagpasok ko sa kusina ay bumungad sa akin si Ninong Haze at Ninang. Sinalubong kaagad ako ng madilim na tingin ni Haze kaya mabilis akong nag-iwas ng tingin sa kaniya.

"Ano'ng oras na at ngayon ka lang nagising, Zari? Tsk! Maupo ka na d'yan at mag-almusal, sabayan mo na kami." Sabi ni Ninang Lea na ikinatango ko.

Umupo na ako sa aking upuan pero nang makita ko ang nakahaing isda ay bumaliktad ang sikmura ko. 

Napahawak ako sa aking tiyan at bibig saka mabilis na napatakbo patungo sa banyo para dumuwal. Halos maiyak ako habang sinusuka ko lahat ng kinain ko kagabi. Ilang saglit akong naduwal bago ako tuluyang tumigil. 

God, ano bang nangyayari sa'kin? May sakit na ba ako? 

Hindi kaya.... Natigilan ako.

No... Hindi pwede. Gosh, isang beses lang naman naming ginawa ni Ninong iyon! Imposible namang mabuntis agad ako. No. Baka may sakit lang ako.

Bumalik ako sa kusina para uminom ng tubig. 

"Oh, ano'ng nangyari sayo, Zari?" Salubong ni Ninang.

"Wala po, Ninang... Medyo masama lang po ang pakiramdam ko.."

"Ano ba kasi ang kinain mo? Tsk! Mag-c-cr lang ako, may napkin ka pa ba d'yan, Zari?" Tanong ni Ninang.

"Opo, Ninang."

"Hindi mo pa nagamit? Hindi ka pa ba dinadatnan?" Nakataas ang kilay na tanong niya. 

Natigilan ako.

"Delay lang po ako, Ninang..." Kinagat ko ang pang-ibabang labi ko. 

Ngayon lang ako na delay ng siyam na raw!

"Baka buntis ka na ha? Umayos ka, sa kalsada ka talaga pupulutin! Maghugas ka pagkatapos." Mataray niyang sabi bago niya nilingon si Ninong, "Babe, banyo lang ako hehe..." Paalam niya bago niya kami tinalikuran.

Buntis ba ako?

Napalunok ako. No... 

Hindi naman siguro... Imposible.

Pagkaalis ni Ninang ay kami nalang ni Ninong Haze ang naiwan. Palihim ko siyang sinulyapan ngunit napaigtid ako nang makitang kanina pa pala siya nakatitig sa akin— sa tiyan ko.

Ano bang tinitingin-tingin niya? Binaba ko ang kamay ko sa aking tiyan para takpan ito sa titig niya.

Kitang-kita ko ang pag-igting ng panga niya.

Nag-iwas ako ng titig sa kaniya at nagpunta nalang sa upuan ko para kumain pero nang makita ko ulit ang isda ay muli akong naduwal. Tinakpan ko ang bibig at ilong ko. Kumuha ako ng isang plato at agad itong tinakpan.

Naduduwal pa rin ako pero medyo nawala iyon ng hindi ko na nakikita ang isda. Kahit na nasusuka ako ay kailangan kong kumain dahil sobrang hapdi na ng sikmura ko sa sobrang gutom. Kaya siguro ako nahihilo dahil wala pa akong kain.

Pero isda lang ang ulam namin kaya napanguso ako. Wala akong uulamin. Pero nagugutom na ako. Ayaw ko naman kumain ng plain rice lang.

Gusto ko ng sinigang...

Nag-init ang magkabilang gilid ng mga mata ko. Gusto ko ng sinigang pero wala naman no'n.

"What do you want to eat?" Napaangat ako kay Ninong nang magsalita siya.

Seryoso ang kaniyang ekspresyon habang nakatitig sa akin, napalunok ako at saka napayuko.

"Gusto ko po ng Sinigang, Ninong—" bago ko pa man matapos ang sasabihin ko ay pinutol niya ako.

"Call me by my name. I'm not your Godfather." Malamig niyang sabi na ikinatigil ko.

Tawagin siya sa pangalan niya...?

Kinuha niya ang cellphone niyang nakapatong sa lamesa at mabilis na nagtipa roon.

"Get me a Sinigang and a pregnancy test. I'll send you the address." Malamig niyang utos sa taong tinawagan niya sa cellphone.

Nanlaki ang mga mata ko.

Pregnancy test? 

"Nin-Haze, hindi po ako buntis!" Mabilis kong sabi sa kaniya pero malamig niya lamang akong tinitigan.

"We will see that." Seryosong sabi niya at muling nagtipa sa kaniyang cellphone.

Wala pang limang minuto ng biglang may nagdoorbell. Tatayo na sana ako para buksan kung sino man 'yon nang maunahan ako ni Haze.

"Wait me there." Seryosong sabi niya. 

Napalunok ako at marahan na lamang tumango. Ilang sandali pa ay bumalik na siya na may dala-dalang supot. Kinuha niya roon ang nakagarapong lutong ulam.

Alam kong sinigang iyon dahil sa amoy palang nito ay takam na takam na ako!

"Eat." Sabi niya at ibinaba ang sinigang sa mesa. Saan niya nakuha ito? Wala pang limang minuto ng sinabi ko sa kaniya na gusto ko ito!

Tumango lang ako at mabilis na nagsandok ng kanin. Hindi ko alam pero pakiramdam ko ay ilang araw akong hindi kumain sa sobrang pagkatakam ko rito!

Sarap na sarap ako sa pagkain habang si Haze naman ay seryoso lamang ang ekspresyon na pinapanood ako pero masyado akong focus sa pagkain ko para mapansin pa siya.

Nang kukuha pa sana ako ng kanin ay bigla akong tumigil ng makita ang seryosong titig ni Haze, bigla akong nakaramdam ng hiya. Kanina pa ako kumakain at hindi ko na rin alam kung ilang plato na ang naubos ko!

"Kumain ka pa," sabi niya. Nag-init ang mukha ko. Iniisip ba niyang matakaw ako?!

Binaba ko ang kutsara at tinidor sa plato ko saka ako tumikhim.

"Tapos na ako." Mahinang sabi ko. Nanliit ang mga mata niya pero wala na siyang sinabi pa.

May kinuha siyang kahon sa supot na dala niya kanina at binaba ito sa lamesa.

Kahon iyon ng pregnancy test.

Napalunok ako.

"Take this." Seryosong sabi niya.