Chapter 29

        Nagmistulang ukay - ukay shoppe ang silid niya nang i raid nina Bing, Eden at Karren ang closet niya sa paghahanap ng corporate attire na kakailanganin ng mga ito. May final demonstration teaching kasi ang mga ito para sa application sa isang private school sa makalawa.

        "Okay ba? Bagay ba sa akin?" tanong ni Karren na lumabas mula sa comfort room ng silid niya. Suot nito ang isang silk wrap blouse at brown pencil cut na skirt.

        "Nice. Bagay sa iyo." nag thumbs up na wika ni Miles. Patuloy naman sa paghahanap sina Bing at Eden. 

        Napakunot ang noo ni Mhelai nang may mapansin sa bandang puwitan ng short ni Bing.

        "Bing, may stain ka oh. May regla ka. May baon ka bang napkin?" tanong ni Mhelai sa kaibigan.

        Sinilip naman ni Bing ang kanyang likuran. "Naku, wala eh. Hindi ko naman