Chapter 7

"Wala akong pakialam kung isa kang reporter o isang prostitute, ibigay mo sa akin ang bag mo!" Biglang sumugod si Fidel, umiikot sa likuran niya, at mabilis na inagaw ang kanyang bag.

"Huwag mong kunin ang pera ko sa bag na iyan!" sigaw ni Alyanna habang sumusugod para agawin ang bag niya. 

"Para sa pagpapagamot ng kapatid ko 'yan! Hindi ka ba man lang naaawa sa kanya, Pa?!”

"Lumayas ka rito! Wala kang respeto sa akin!" itinulak siya ni Fidel pagkasabi noon.

"Mr. Fidel Suarez! “Tatay ka ba talaga namin? Alam mo, sa mga kinikilos mo ngayon, parang wala lang kami para sa iyo, e.” Ganap nang nawalan ng pag-asa si Alyanna sa ama niyang ang tanging inaalala ay ang makakuha ng pera at hindi ang kalagayan ng kapatid nila. 

Pinisil niya ang kanyang mga kamao at sumigaw sa kanya nang buong lakas, habang tumutulo ang mga luha, "Bulag talaga sa pagmamahal ang nanay ko para sa iyo nang pinakasalan ka niya! Alam mo, sana hindi ka na lang namin naging tatay!"

"Bakit ang liit lang ng perang nandito sa bulsa mo? Ganoon ka na ba kahirap? Ni hindi sapat para ipangpabunot ng ngipin ko!" Binulsa ni Fidel ang laman ng pitaka ni Alyanna at kinuha ang mahigit dalawang libong piso na kulang pa para sa kanya sa sugal.

"Alyanna, hindi ba't nagtapos ka ng pag-aaral sa isang sikat na university? Sabi ng Tita Clara mo, limang digit ang sahod mo kada buwan. Nasaan ang pera na iyon? Ibigay mo na sa akin! Ano ba naman iyan, ama mo ako pero pinagtataguan mo ko ng pera?!" Tinadyakan ni Fidel si Alyanna gamit ang matulis niyang leather shoes.

Matalim ang tingin ni Alyanna kay Fidel noong mga oras na iyon. "May mukha ka pang banggitin ang university kung saan ako nag-aral. Kung hindi dahil sa’yo, limang taon na ang nakakaraan, hindi sana ako napatalsik sa university na iyon, hindi sana ako nakaalitan ni Clark, at hindi sana ako nag-iisa sa buhay ko ngayon. Kasalanan mo kung bakit ako nasa ganitong sitwasyon!"

"Alam mo ba kung gaano kahirap ang buhay ko sa Manila noong mga panahon na iyon? Well, hanggang ngayon naman ay ganoon ang buhay ko pero wala kang pakialam!”

"Araw-araw, bukod sa pagtatrabaho ko para mabuhay, kailangan ko ring kumayod para sa pagpapagamot ng kapatid ko, pambayad ng mga utang mo sa sugal, at sahod ni Tita Clara na in the first place, wala naman sana talaga. Tuwing tatawag ka, lagi kang humihingi ng pera sa akin! Ni minsan hindi mo tinanong kung ayos lang ba ako sa Manila! Kung may kinakain ba ko roon o maayos naman ba ang tinitirhan ko!”

Tiningnan lang ni Fidel si Alyanna nang walang pakialam. Hindi siya interesado sa mga sinasabi nito. 

Ang gusto lang niya ay malaman kung nasaan ang ATM card ni Alyanna para makapag withdraw na siya ng pera. Palapit na sana siya at magsasalita para sabihing tigilan na ang madaming satsat at ibigay na ang ATM card.

Nang biglang pumasok ang isang message sa kanyang cellphone.

Pagkabasa niya ng message, agad nagbago ang ekspresyon ni Fidel.

Ngumiti siya, lumapit kay Alyanna, at ipinatong ang braso sa balikat nito. "O, Alyanna, huwag ka nang magalit. Ako na ang may kasalanan. Sobrang nalulong ako sa sugal kaya hindi kita napansin. Patawad."

Itinulak siya ni Alyanna palayo habang takot na takot ang mukha, "Anong balak mong gawin sa akin ngayon?”

Sa alaala niya, tuwing ganito ang itsura ni Fidel sa kanya, may masamang mangyayari.

Noong huli, ibinenta siya nito sa isang mayamang negosyante. Kahit na dumating si Clark sa tamang oras para iligtas siya, nakuhanan na siya ng picture at muntik nang gahasain. 

Kalaunan, kumalat ang mga picture na iyon sa internet, at pagkatapos ay pinalayas siya ng university kung saan siya nagtatrabaho sa dahilan na ang magulo niyang pribadong buhay ay nakakaapekto sa reputasyon ng paaralan.

Sa pag-alala nito, nanlamig ang buong katawan ni Alyanna, nanigas ang puso niya, at galit na galit siyang tumingin sa ama niyang si Fidel, "May utang ka na naman ba sa sugal at gusto mo akong ibenta sa mga mayayamang manyakis bilang maging sex slave nila?”

"Alyanna, huwag mo namang isipin na gano'n kasama ang tatay mo. Nag-sorry na nga ako, hindi ba?" Napangiting nahihiya si Fidel, "Ganito kasi, may nakilalang tao si Clara na gustong pakasalan ka. Mayaman daw 'yung lalaki, at kung papayag kang magpakasal, agad siyang magbabayad para sa bone marrow transplant ng kapatid mong si Ashley. Bukod pa diyan, sinabi rin niyang kung magkaanak ka ng lalaki para sa pamilya nila pagkatapos ng inyong kasal, bibilhan ka niya ng mansion sa isang lugar na sobrang mahal ng lupa."

"Hindi ako naniniwala na may ganyang kagandang bagay na mangyayari sa akin. Sabihin mo nga ang totoo, ilang taon na 'yung lalaking 'yan?" Mula nang makipaghiwalay siya kay Clark, hindi na siya muling sinuwerte sa buhay man o sa pag-ibig.

Nakapikit si Fidel habang nakangising sagot, "Hindi naman siya ganoon katanda, halos 70 years old lang. Biyudo na siya, walang anak, at gusto nang magkaroon ng tagapagmana. Sabi ni Clara, ayon sa hula, ikaw daw ay nakatakdang magkaanak. Kailangan mong magkaanak ng tatlong lalaki bago ka mamatay. Kaya ikaw ang napili nila para maging asawa niya.”

Hindi na nakapagsalita pa noon si Alyanna.

"Alyanna, may blind date ka ngayong gabi ‘di ba? Mag-ayos ka na at ihahatid kita mamaya."

Nang makita niyang sabik na sabik si Fidel na ipamigay siya sa isang matandang mayaman bilang isang babymaker, namula ang mga mata ni Alyanna sa galit at panlalamig ng damdamin, para bang lumubog ang puso niya noong mga oras na iyon.