Alyanna - The Forced Wife

Sa Metro Hotel, sa isang presidential suite.

Isang gabi, lasing na lasing si Alyanna Suarez. Nakahiga siya sa malaking kama, init na init ang pakiramdam dahil sa sobrang dami ng alak na nainom niya.

Halos wala na siyang saplot, kitang-kita ang makinis niyang balat at ang sexy legs niya. 

“May tao ba dyan? Ang init kasi! Gusto kong uminom ng tubig! Malamig na tubig!”

Habang nagrereklamo siya sa init na kanyang nararamdaman, bigla niyang narinig ang pagbukas at sara ng pinto.

Sa sobrang lakas noon ay nagulat siya at napatingin kung sino ang pumasok. Pero dahil sa sobrang kalasingan ay hindi na niya iyon naisip pa.

Ang pumasok sa kwarto niya ay si Clark Denver Benitez. Isa sa pinakamayamang CEO sa bansa. Mayabang at kahit anong sabihin nito ay masusunod, isang salita niya lang ay lalago na ang negosyo.

Sa sobrang kalasingan din ni Clark Denver, pagewang-gewang siyang nagtungo sa kama. Sobra rin ang init na nararamdaman niya kaya inalis niya ang kanyang neck tie pagkatapos ay inalis din niya ang butones ng kanyang polo.

Matangkad ang lalaki at sobrang gwapo. Kahit sinong makakita sa kanya ay tiyak na magkakagusto.

Tinanggal niya ang sapatos at tinapon ito sa sahig. Wala nang pakialam kung ayos pa ba ang itsura niya o hindi na.

Ang importante sa kanya ay makatulog na lang dahil sa sobrang pagod niya.

Hanggang sa..

Nakaamoy siya ng isang pabango, pabango ng isang babae. Kaya agad siyang nagtanong.

“May ibang tao ba rito ngayon?!” sigaw niya.

Pagtingin niya sa kama, tumambad sa kanya ang makinis na babae. Naka maskara ito kaya hindi niya kita ang kabuuang mukha ng dalaga.

Nakalugay ang buhok na kulay itim nito at parang mahuhubad na talaga ang damit na suot nito.

“Bakit may ibang tao rito sa kwarto?!” sigaw ni Clark pagkakita niya sa babae.

Pero natigilan siya nang magsalita ang babae.

“Sinong nandyan? Tulungan mo naman ako, sobrang init na,” mahinhin na tanong ni Alyanna habang nakapikit pa ang mga mata.

“Huh? Wala ka nang pakialam kung sino ako. Hindi naman kita kilala,” sagot ng lalaki kahit na lasing na lasing na siya.

Pagkatapos noon, naisip niya ang isang ideya. “Ah, ikaw ba ang ‘gift’ na sinasabi nila sa akin?”

“Ganito ba talaga kayong mga cheap na babae? Bigla niyo na lang ibibigay ang sarili niyo sa lalaki, kahit na hindi niyo naman sila kilala?” tanong ulit ni Clark.

Sa isip-isip ni Alyanna, hindi niya maintindihan kung anong sinabi ng lalaki. Ang importante sa kanya ay makainom ng tubig dahil sa uhaw na nararamdaman niya.

“Huh? Anong sinasabi mo? Anong cheap?” tanong ni Alyanna, dahil sa sobrang hina ng boses niya ay hindi iyon napansin ni Clark.

Ilang minuto pa ay lumapit na si Clark sa babae at hinaplos ang pisngi nito. Sa loob-loob ni Clark, sobrang kinis ng babae. 

Ang init na nararamdaman niya dahil sa alak na kanyang ininom ay umepekto na. Ilang minuto pa ay pinigilan niya ang kanyang sarili at nagtanong na lang sa babae.

“Paano ba kita matutulungan?” pagkatanong noon ay nakatingin pa rin sa legs ni Alyanna si Clark kahit na nagtanong siya rito.

“Tubig.. Tubig ang kailangan ko,” bulong ni Alyanna pero unti-unti niyang niyakap ang ulo ni Clark, sa pag-iisip na baka sa pagyakap niya sa lalaki ay maibsan ang init na kanyang nararamdaman.

Sa hindi maipaliwanag na pakiramdam, hinalikan ni Clark ang babae. Ang halik na iyon ay madiin.

Ang halik na iyon ay sobrang tamis. Isang halik na uulit-ulitin ng kahit na sinong makatikim.

Sa hindi rin maipaliwanag na pakiramdam, si Alyanna ay sumunod din sa mga halik ng lalaki. Kahit madiin iyon ay naramdaman din ni Alyanna ang sarap sa bawat halik ng lalaki sa kanya.

Sa sobrang kalasingan ay bigla na lang nawalan ng malay si Alyanna habang hinahalikan pa rin siya ng kasama niyang lalaki.

***

“Aaah!” sigaw ni Alyanna.

Nagising siya dahil sa isang pangit na panaginip. Nang tumingin siya sa paligid niya, nakita niyang nasa presidential suite siya ng Metro Hotel.

‘Huh? Paano ako napunta sa lugar na ito?’ tanong niya agad sa kanyang isip.

Ilang minuto pa ay nakarinig siya ng ungol ng isang lalaki sa may likuran niya.

“Hmmm.”

Nang makita niya kung sino ang lalaking katabi ay nanlaki ang mga mata niya. Si Clark Denver Benitez ang katabi niya! Napahawak na lang siya sa kumot na nakapulupot sa kanyang katawan.

‘Paanong nangyari na nasa tabi namin ang isa’t isa?’ paulit-ulit iyon sa isip ni Alyanna.

Pagsilip niya sa kumot, nakita ni Alyanna ang hubad niyang katawan. Ibig sabihin, hindi lang sila magkatabi kagabi, kung hindi may nangyari pa sa kanilang dalawa.

Ilang minuto pa ay nakaramdam ng pananakit ng katawan si Alyanna. Para bang binugbog siya ng sampung tao.

‘No! Hindi pwedeng mangyari ito!  Palagay ko, panaginip lang ito. Masamang panaginip!’

Lalo lang siyang nainis nang makita ang hawak niyang maskara. Naitapon niya bigla ang maskara dahil sexy mask pala itong hawak niya.

Unti-unti na niyang naalala ang lahat ng nangyari kagabi. Hindi niya alam kung anong dapat niyang maramdaman.

Ang naalala niya, pinadala siya ng kumpanya nila sa isang nightclub para sikretong i-film ang isang movie star at isang mayaman at kilalang businessman.

Kasama niya ang co-worker na si Kira Hidalgo kagabi para sa mission nila roon, pero nagyayang mag-inom si Kira at napalaban siya.

Sa isip-isip niya, baka may pampatulog na nilagay si Kira kaya siya napunta sa ganitong sitwasyon? Pero bakit? Ano naman ang mapapala ni Kira kung gawin niya iyon?

Sa pag-iisip nito, nagulat na lang siya nang may yumakap sa kanya. Amoy na amoy ni Alyanna ang alak mula sa bibig ni Clark. 

“Grabe naman! Ang gwapo niya pero ang baho naman ng hininga! Ganito ba talaga kami kalasing kagabi?”

Dahan-dahan niyang inamoy ang sarili, bad breath din siya!

Napatakip siya ng ilong dahil sa sobrang baho ng amoy ng bibig niya. Pero namuo ang takot sa kanya nang maalala na si Clark nga pala iyon.

Alam niya na kapag nagising ito at nakitang magkatabi sila ay mayayari siya. Kaya unti-unti niyang kinuha ang kanyang damit at aalis na sana sa presidential suite ng Metro Hotel.