Kabanata 6

Napapatakip ng bibig si Yasmien nang masaksihan ang napakalaking gusali na pinagbabaan nila ng sasakyan. Nakatingala siya ngayon sa napakagandang mansyon. Oo, mansyon!

Hindi masukal ang lugar, hindi madumi, hindi puro kawayan o yero, kundi kabaliktaran niyon at times ten pa sa ganda!

“A dreams come true…” bulong niya pa sa hangin.

Hindi naman iyon nakatakas sa pandinig ng matalinong ssi Leo. “You mean, a dream came true?” masungit na anito. “Please don't speak English when you know you're grammatically incorrect.”

Naputol ang pagpapantasya ni Yasmien sa sungit ng batang ito. Nakayuko niya itong tiningnan at ngumiti parin ng matamis. “Eh pa'no, ‘di ko naman alam na mali grammar ko. Pwede mo ba ako turuan mag-ingles magmula ngayon? Tutal dito na rin ako titira.” makapal na mukhang aniya.

Nagsalubong ang kilay ni Leo. “Not for long! Sisiguraduhin ko na paglabas na paglabas ng DNA test ay hindi ka na magtatagal dito, po!” 

“You!” dali-daling bumaba ng sasakyan si Lance para lumapit kay Yasmien at ipagtanggol siya mula sa kapatid. “Ilang beses ko bang sasabihin na respetuhin mo si Mommy?!”

“What? Nagsabi naman ako ng po, ah? Hindi ba pagrespeto ‘yon?” 

“No, it's not, brainflux! Bakit ‘di mo na lang subukang magbasa ng dictionary at alamin ang pagkakaiba ng sarcastic at respect?”

“Oooh…” natutuwang pumanig si Yasmien kay Lance.

“Ha!” mas naging sarkastiko si Leo. “Bakit hindi na lang ikaw ang magturo sa impostor na ‘yan ang grammar nang hindi siya mapahiya!”

“I-Inaano ka ba ng grammar ko?” hindi makapaniwalang tanong ni Yasmien. “Humahanga lang naman ako sa ganda ng mansyon ninyo kaya ko iyon nasabi.”

“What we despised the most was someone with brainflux!” tugon ni Lance at bumaling kay Leo. “Good luck with enduring her sickness!”

“Oh, I will! It's none of your business anymore. I am going to fix our mother on my own! Good luck din, sana hindi ka niya mahalin!”

Napaigtad si Lance. “Duh! I don't need a cheater, loosy, brainflux mother.”

Nakita ni Yasmien na mukhang matatalo si Lance sa bangayan nila at mukhang nagpaplano pa na sugurin ulit si Lance, kung kaya't mabilis na niyang kinuha ang kamay nito at matamis na nginitian.

“Lance, bakit hindi mo ako i-tour sa mansyon niyo kapag pinapasok na ako sa loob ng daddy niyo?”

Nawala agad ang init ng ulo ng bata. “Yes po, mommy! And I'm also going to show you my secret hideout!”

“Wow, secret! Ako lang ba ang makakapasok diyan?”

“Yes po, Mommy! Pinaghandaa ko ‘yon buong buhay ko!”

“Ahahaha! Buong buhay---anim na taon?”

Samantalang si Leo na nakikinig sa usapan ng dalawa ay nakaramdam ng poot at selos sa dibdib. Hindi pa siya nakakapasok sa secret hideout ni Lance, tapos itong impostor nilang ina ay agad-agad nitong papapasukin?

Sa katunayan, hindi naman sila noon magkaaway ni Lance, at close silang tatlo nila Rence, pero magmula nang maalarma sila sa babaeng dini-date ng kanilang ama, ay nagsimula nang sabihin ni Lance ang plano nito na hanapin ang tunay nilang ina.

Alam ni Leo na patay na ang tunay nilang ina, dahil siya lang ang nakakakita ng pagluluksa ng kanilang ama noon. Hindi maintindihan ni Leo, alam niyang masama ang ugali ng kanilang tunay na ina at hindi rin ito naging mabuti sa kanila, kung kaya't bakit pa ito pinagluluksaan ng ama nila, pati na si Lance?

Hindi parin nawawagli sa kakaibang utak ni Leo ang ginawang pagpalo at pananakot sa kanya ng mommy niya na iyon noong siya'y dalawang taong gulang pa lamang.

At ang gusto lang naman ni Leo ngayon ay proteksyunan ang dalawa niyang kapatid mula sa mga potensyal na banta sa kanilang pamilya, isa na roon ang babaeng ito na si Yasmien. Halata naman sa mukha nito na may iba itong intensyon sa pagpayag na sumama sa kanilang mansyon!

Pero itong si Lance, si Lance lang talaga ang pasaway at gustong ipahamak ang sarili!

“Um,” natigilan sa pag-iisip si Leo nang humawak sa kamay niya si Rence. Sumenyas ito gamit ang isang kamay. Ibig-sabihin ay, “Are you okay, brother?”

Tipid na ngumiti si Leo sa kapatid. “I'm not okay, Rence. And you're not going to be okay either from now on.”

“Why?” senyas nitong tanong.

“It's hard to explain, especially since you're not that smart. But hey, I promise I'll protect you as the eldest brother here.”

Bumitaw ang isa nitong kamay para muling mag-sign language. “Why is Brother Lance not paying attention to us? She's been with the beautiful lady.”

“Urgh? That lady is not beautiful. Look at the rag she's wearing. Anyway, Lance does seem to be paying less attention to you since he found another playmate. So you and I will be playing with each other from now on.”

Nanlumo si Rence. “I want the three of us to play together just like before. The dominoes puzzle we're building is not yet done, and Daddy's birthday is approaching.”

“I'm afraid we will not be able to continue it anymore, since Lance brought home big trouble to be able to focus on that!”

“But what about the surprise for Daddy?” namasa ang mga mata ni Rence na pati ang pagsenyas sa kamay ay tumamlay.

“I'm sorry. Don't worry; once the problem is solved, we’re going back to the usual.”

“Okay…”

“Don't be sad, Rence. This is just for temporary reasons.” pagpapalakas ng loob ni Leo kay Rence at niyakap pa ito.

Sa kabilang banda, nang masaksihan iyon ni Yasmien ay napakamot siya sa batok. Nagmukha siyang evil fake mother para sa dalawang bidang bata. Ano kaya ang dapat niyang gawin sa mga ito para mapatunayan na wala siyang intensyong saktan ang mga ito?