Chapter 7- Family Dinner

"Hoy! Guwapo ba?," tanong ni Katy sa kaibigang ka-tawag sa cellphone. Tumitili-tili pa ito habang nakikinig sa mga kuwento ni Elyse.

"O-oo guwapo, kaya lang masungit 'yon." Nauutal siya habang sumasagot dito.

Naka-upo sa ngayon si Elyse sa kanilang sala, hinihintay niya ang kaniyang Mommy na naghahanda para sa pagdating nila Ethan at ng kaniyang Stepfather na si Frank. Lumipas kasi ang ilang araw at nagsabi ang mga ito na dadalaw ulit sa kanilang bahay para magkakilala silang lahat ng personal at buo. Kasabay din daw dito ay ang mahalagang anunsiyo na dapat nilang malaman.

"Sige mamaya na lang Best. A-andyan na yata sila," nagmamadali nitong sabi at kapagkuwan ay ibinaba ang hawak na cellphone.

Nakita niya kasi na nagmamadaling nagtungo si Lisa sa main door, mukhang nariyan na ang kanilang panauhin. Napakagat-labi na lamang siya. Kanina pa nito sinusubukang pakalmahin ang sarili. Ewan ngunit unti-unti na namang bumibilis ang pagpintig ng kaniyang puso.

Ilang minuto pa lamang ang lumi