CHAPTER 17

"Salamat, Cat. Suwerte ang lalaking mamahalin mo," nakangiting sambit niya. Sana nga maging suwerte ang lalaking mamahalin ko. "Mamayang alas-sais pala aalis na ako rito, sa bayan nalang ako maghihintay ng susundo sa akin para ihatid ako sa paliparan. Oo, mag-e-eroplano ako. Sana magkita pa tayo."

Napangiti naman ako sa huli niyang sinabi. Sana nga. "Think positive lang. Magkikita pa tayo ulit," todo ngiting sagot ko. Todo ngiti kasi aalis na itong lalaking ito mamaya.

"Magsasabi ka na ba ng pangalan mo?" pang-aasar niya habang deretsong nakatingin sa akin.

"Huwag na tayo magsabihan ng pangalan para mas cool," mungkahi ko.

"Sabagay," sabi niya at bahagyang tumango-tango pa.

"Magpapakilala ako sa tamang panahon," wika ko na ikinangiti niya na lang. Ayaw ko munang magkaroon kami ng koneksiyon matapos niyang umalis. Hindi kasi malabong hanapin niya ang social media accounts ko kapag nalaman na niya ang pangalan ko. He should focus on winning her heart again.

"Sige, Cat." Dahan-daha