Chapter 7 - The face-off

Abala sina Vance at Vincent sa pakikipag-usap sa walong director. Dahil malawak ang opisina ni Vance doon na lamang niya kinausap ang mga ito. Nanatili namang nakaupo si Ashton sa tabi niya habang naglalaro sa kanyang ipad.

Palihim n'ya itong sinusulyap. Napansin n'ya ang mga galaw nito ay katulad rin sa kanya. Gaya nalang ng paglagay ng dalawang daliri sa labi, pag-upo na naka-ekis ang mga binti. Nawala na ang kanyang atensiyon sa pinag-uusapan nila.

Napansin ni Mr. Reyes ang panaka-nakang sulyap n'ya sa batang nakaupo sa tabi. Alam n'ya na may iniisip ito ngunit walang lakas ng loob na magtanong sa kanya. Kaya minabuti n'yang tapusin ang meeting.

Mayamaya pag-alis ng mga director, naiwan sila sa opisina kasama ang bata.

"Wala pa ba ang magulang nito?" tanong niya sa kanyang kapatid.

Napalingon si Vincent na abala sa cell phone nito.

"Paakyat na raw sila kanina sabi ng security sa baba." sagot nito sabay ngiti. "Curios ka ano?! Kung sino ang nanay ng bata."

Napailing na lan