Chapter 22

"Ate bakit?" si Edgar na kasabay niya madalas na maagang gumigising.

"Ha?"

"Bakit ka nakatulala d'yan? May problema ka ba? 'Yung itlog kasi na niluluto mo masusunog na yata."

"Ay!" dali-daling sinandok ni Minggay ang sunny side up na itlog at inilagay sa plato. Nangingitim na ang ilalim nito.

Hindi halos nakatulog si Minggay buong magdamag. Sa tuwing ipipikit niya kasi ang mga mata, laging iyon ang nakikita niya. Si Isabel, umiiyak sa may bintana at laslas ang pulso. Si Serberus na nakanganga sa silong ng bintana, inaabangan ang bawat patak ng dugo mula sa sugat ni Isabel.

Paulit-ulit na sinasabi ng demonyo sa panaginip na gusto niyang inumin ang dugo ng ate ni Father Mer. Na ito ang dapat na ialay nila sa kanya.

Ipinagpatuloy ni Minggay ang pagluluto. Inilagay niya ang bawang sa kawali at pagkatapos ang bahaw na kanin. Nagbudbud din siya ng kaunting toyo rito, pampalasa. Pinipilit niyang maging abala sa mga gawain para kalimutan ang kanyang bangungot.

Dumating ng alas singko 'y medy