Chapter 9

"Ian? Anong ibig sabihin nito?!" Alam kong napalakas ang tanong kong iyon. Hindi ko napigilan ang sarili dahil nasa harap ko ngayon si Ian kalong ang isang babae.

"A-anong ginagawa mo dito?" Gulat na tanong ng boyfriend na mabilis na tumayo. Ang babaeng kasama nito ay nakauniporme pa ng tulad ng sa kaherang kausap ko kanina.

"Ang tanong ko ang sagutin mo!" Agad na sabi ko dito pero hindi ko napigilan ang agad na pagtulo ng mga luha ko sa pisngi. Pakiramdam ko ang panginginig ng buong katawan ko.

Ito ba? Ito ba ang igaganti ni Ian sa akin pagkatapos ng mahabang panahon naming relasyon?

Tatalikod na sana ang babaeng kanina lang ay nasa kanlungan ng nobyo. Tinitigan ko pa ito mula ulo hanggang paa. Mukhang mas bata ito sa akin, maputi ang balat at mas maliit ng hindi hamak sa akin. Parang college student pa lang nga ito sa porma nito.

"Hindi ka aali babae! Diyan ka lang." Akmang hahablutin ko na sana ang braso nito.

"Huwag mo siyang idamay dito, Ava. Wala siyang kinalaman." Pigil n